Miyonə şərğ

Miyonə şərğ

Kali ərəbə kişvəron dəvardə haftə həm ıştə de israyli rabitəon normal kardey ko təğib kardeşone.bın cəhətədə Yesrail Kats israyli rabitə vəzir dəvardə  haftə ıştə bə Omani poytəxt Məsğəti səfədə de çın kişvəri ali rəsmi şəxson vindemonış karde.seonist rejimi rabitə vəzir qıləy holədə ki,bə Omani səfəş karde ki,oktyabri 25-ədə həm israyli iminə vəzir benyamin netanyahu həm bə Məsğət səfəş kardəbe və de Omani podşo soltan Ğabusi vindemon iyən mızokirəonış kardəbe.seonist rjimi informasiyə vositəon elonışon kardə ki,israyli rabitə vəziri ıştə bə Omani səfə iyən Omani rəsmi şəxson ənənəvi surətədə bəçəy və beşə zəmonədə, əv şımşiş bə dast qətə holədə de kə soybon raxsış kardə.

Həmonə holədə dəvardə cımə ruji “mizrah hətixun” veb sayt  xəbəş doe ki,Səudiyyə Ərəbıston həm ıştə de sionist rejimi rabitəon normal kardey xoto,rəyrə ın imkonaton bo sionist rejimi şəhrvandon hozzı bəkarde ta əvon de israyli pasporti bə Ərəbıston səfəkon.sionist rejimi qəzet bıə “haarets” həm bın xususədə nıvıştəşe:bə sionist rejimi de Səudiyyə Ərəbıstoni bə iyande vey nez bıey dığğət kardə holədə, israyli şəhrvandon mıstəğim iyən sərostə holədə bə Səudiyyə Ərəbıstoni daxil bəbeyn.ın sionistə rujnomə oxonə rujonədə xəbəş doə ki,Ərbıstoni bo Fələstınıjə şəhrvandon de mıvəğğətə pasporti bə həmonə kişvəri daxil bıey vəyış qətə və ısət i milyonisə veyə fələstınıjon ki,1948-ə sori işğal bıə əraziyonədə  jiyedəbin,həni kardey nibəzıneyn ıştə Həcci mərosimi bə vırə rosneyro bə ərəbıston səfəkon.

In hodisəon jıqo bızın çı ərəbə məmləkəton ıştə de sionist rejimi rabitəon normal kardey,qıləy mevzuye ki, islomi dınyoədə de ziyodə mıxolifəton dimbədim ome.bın cəhətədə Ərəbıstoni alimon heyət təkidış kardə ki,de sionist rejimi əloğə bastey yəni bə həmonə rejimi legitiməti baxş kardey mənoədəy və əvon elonışon kardə ki,ın ko boyis bəbe fələstınıjon deçəvon dasti kıştey məsələ dəvom pəyduko və bəpe bə İMT iyən ğərbi onemonon icozə doey bıbu ki,deştə no adilonə planon bə fələstınıjon ələyh zılmon dəvom pəyduko.

Muhimmə mevzu ıme ki,ərəbi bəzi hukuməton çı sionist rejimi mığobilədə rəftrori ulqu və çəvon ıştə de tel-əvivi rabitəon hevuj kardeyədə bıə dast-poçəti,bo sionist rejimi iminə vəzir benyamin netanyahu qıləy fırsət icod kardedə ki,əv bə fələstınıjon ələyh ıştə hoziyə hərəkəton tiki həm ziyodko.bın cəhətədə netanyahu dəvardə haftə de fələstınıjə əsiron edom kardey ğanun loyihə  ıştə roziyətış elon kardə və ın loyihə çı kabineti tərəfiku bə çın rejimi parlamenti vığandə bıə və rə qıləy zəmonədə çın rejimi parlament yəni kenniset çı fələstınıjə əsiron edom kardey həxədə bıə ğanun layihə təhğığ bəkarde.

Bə ın ğanun loyihə əsos ki,dəvardə yanvarə manqədə hozzı kardey bıə,fələstınıjə əsiron edom kardey məsələ bə hərbi məhkəmə seqlə ğazi və hakimi komilə icma və ray ehtiyociş heste və fəğət de ın seqlə hakimiku dıqlə hakimi rayi həm ın ğanuni icro kardey bəbe.həmçinin çı hiçki həxışon ni fələstınıjə əsiron edom kardey ğanuni ləğvko.bə “Fələstınıjon əsiron hərəkat”-i doə rəğəmon əsos,həşt həzosə veyə fələstınıjə əsiron ısət çı sionist rejimi 22 qılə məhbəsonədə həbs bıən və çandə da qıləyni həm 30 sorisə veye ki,əsorətədən və de bə fələstınıjə səiron edom kardey ayid bıə ın ğanuni bekardey,çın əsiron ziyodə ğısmi con həmməysə vey de təhlukə xə xətəri dim bədim bome. Çımisə əlovə de sionist rejimi əmniyyət ğıvvon vositə “oqardemoni həxı” aksiyədə iştirok kardə kəson etosniye bedən.joqo ki.de tobə ısət 233 qılə etırozəkə fələstınıj şəhid bıə 24 həzosə vey insonon həm zəxmi və yarajə bıə.bın cəhətədə Fəlsətıni Səhiyyə vəzərotxonə əynə şəvi elonış kardə ki,Ğəzzə tanqədə fələstınıjon dəvaordınə “oqardemoni həxı” dıjdə aksiyədə qıləy fələstınıj həm şəhid bıə 37 qılə həm yarajə.çın zəxmi iyən yarəjə bıə kəson miyono çandə qılə jen iyən hırdən həm mevcude…..