Osmoniyə surəon-163

Osmoniyə surəon-163

Dəvardə bərnomədə votemone ki,Casiyə mıborəkə surə 12-13-ə ayəonədə ijən çı tohid və Xıdoşınosi həxədə bəhs kardedə və hamyedə: “Xıdovənd əkəse ki,dıyoş boşmə təsxir(ram) kardə ta kəştiyon deçəy əmri cari bedən və ta şımə çəy fəzl iyən ruziku bəhrə bobənən və ğasbu şımə şıkkon və osmonon iyən zəminədə bıə çiyon boşməş ram (təsxirış) karde(ki)həmmə çəykuye.həyğətən,bımədə(bın koyədə)bo fik-fam kardəkəson qıləy nışonəon heste”.

Casiyə mıborəkə surə 15-ə ayədə bə ın həyğəti işorə kardedə ki,çı insoni əməli mənfəət iyən ziyon bəçəy ıştəni obəqarde.liza,bəpe inson ıştə kardə koonku mığət bıbu.joqo ki,hamyedə:”hakəs ki,ləyoğtinə ko əncom bıdo,(ım)boçəy ıştəniye və hakəs ki,yavəko bıko,bəçəy ıştən ziyoniye.peşo bəştə pərvərdıqori oqordıney bəbiyon”.

Casiyə mıborəkə surə 28-ə şərifə ayədə ğıyoməti səhnə jıqo təsvir iyən tərsim kardedə:”həmonə ruji har qıləy umməti bə zonu nıştovney bıə (holədə)bəvindeyş.har qıləy ummət bəştə kitoni səmt vanq kardey bəbe(və bəvon votey bəbe) şımə ımruj (dınyoədə)kardə koon mıkofoti bəvindeyon.

Həmonə ruji qırd məxloğ bə məhşəri səhnə vardey bəbeyn və ilahi ədolətinə məhkəmədə hozzı kardey bəbeyn ta bəçəvon əməlon dəftəri rəsey bıbu.əvon bə tars iyən vəhşəti xoto yaanki,bə təslimi xoto,bəsə zonusə nıştovney bəben.iyo işorə kardə bıə kitob,həmonə çəvon dınyoədə kardə koon dəftər yəni nameye-əməle ki,əyo çı insoni kardə qırd çok iyən bevəcətiyon iyən həmmə hırd iyən dıjdə əməlon ğeyd iyən nıvıştə bıə.

“Xıdovəndi tərəfiku bəvon votey bəbe:”ım çəmə kitobe ki, (şımə əməlon həxədə)həxədə sıxan votedə. həyğətən, şımə əncom doə çiyon,səbt kardedəbimon iyən nıvıştedəbimon”.

Casiyə mıborəkə surə 3- iyən 31-ə şərifə ayəon bə ğıyoməti ruji məhkəmə oxonə səhnəon işorə kardedə və hamyedə:”əkəson ki,imonışon vardə iyən salehə(çokə) əməli soyb bıən,çəvon pərvərdıqor əvoni bəştə rəhməti daxil bəkarde.ım həmonə oşkoə feyz və kombardeye.əmmo,kofir bıə kəson(bəvon votey bəbe) bəqəm çımı ayəon bəşmə tilovət(handey)bedənıbe?əmmo,(şımə)təkəbbırəti kardeyone iyən qıləy bədə ko soyb bıə ğovm bin”.