Osmoniyə surəon-164

Osmoniyə surəon-164

Əhğafi mıborəkə surə çı Kərimə-Ğıroni çılo-şəşminə mıborəkə surəy və 35 qılə ayəku iborəte.bın surədə mevcud bıə mevzuon çımiku iborəte:Kərimə-Ğıroni əzəməti bəyon,de bıt iyən bıtpərəstəti mıborizə bardey,miad iyən Xıdovəndi ədolətinə məhkəmədə iştirok kardey,Ad ğovmi daston,İslomi peyğombəri(s) dəvəti şahanşumuləti iyən qeşəti,muminon təşviğ kardey iyən kofiron torsıney və peyğombəri bə səbr iyən istiğoməti səmt dəvət kardey.

Hamim.ın kitob məğlub nıbə iyən hikməti soyb bıə Xıdovəndi tərəfiku nozil bıə.əmə osmonon və zəmin iyən çə dıqlə miyono bıə çiyon ğərəz həxədə iyən de tosə qıləy mıəyyənə zəmoni ofəyəmon ni. əmmo, kofiron  əvoni torsınə bıə çiyonku  dim qordıneydən.(1-3).

Bə çın kitobi ayəon ğadir iyən zumandə Xıdovəndi tərəfiku nozil bıey işorə  bıey bəpeştə,çın həyğətonku bəhs kardedə ki, osmon iyən zəmin həxədə ofəyə bıə.liza,qırd xılğəti aləmədə qıləy nomınəzzəm iyən de həxı mıxolifət kardə çi pəydu kardey nibəbe.çın xılğəti çoko ki,qıləy sıftəş bıə,qıləy oxoş həm bəbe. əve, hamyedə ki,əmə boəy qıləy mıəyyənə zəmonımon təyin kardə.de qıləy co iborəti çın aləmi qıləy sabit iyən əcəliyə mıəyyənə hədəfış heste ki,deçəy zəmoni rəsey,çın dınyo umr bə oxo bərəse.deməkə ki, Kərimə-Ğıron bərhəxe iyən dınyo həm həxədə ofəyə bıə,inodkorə kofiron bəvon tars doə bıə çiyku dim qordıneydən...

Əhğafi mıborəkə surə 13-ə ayədə bə muhsinin yəni çokə ko soybon vəsfon işorə kardedə ki,vəynə ayədə bəy işorə bıə.

“Ə kəson ki,voteşone:çəmə pərvərdıqor Əllahe,peşo istiğomətışon karde,nə boəvon qıləy tars mevcude və nə əvon ğəmqin bəbeyn”.

Həyğətədə,imoni qırd mərtəbəon və həmmə salehə əməlon bın dıqlə cumlədə xulosə bıə.çıro ki,qırd əğayedi usul bə tohidi səmt oqardedə və istiğomət iyən səbr həm çı qırd salehə əməlon rəğ-rişəy. binobərin çokə ko soybon ə kəsonin ki,etığodi nəzəku tohidi xəttədə və əməli nəzəku həm çı istiğomət iyən səbri xəttədən.bədihi və okoye ki,jıqo şəxsonnə  çı omə hodisəonku qıləy tarsışon heste və çı dəvardəyonku qıləy ğəmo-ğussə.əvon çı saxti iyən behrononku tarseydənin və həmişə səpoysən və mığovimət nışon doydən.ın xısləton bəvonədə əbədi iyən hejo sabit bəmande.

Əhğafi mıborəkə surə 14-ə ayədə bə çın şəxson həmməysə vey muhimmə mıjdəvoni işorə kardedə və hamyedə:”əvon vəhışti əhlin və əbədi əyo bəmandeyn.ın bəçəvon kardə əməlon mıkofoti xotoye”.