Osmoniyə surəon-165

Osmoniyə surəon-165

Peşo inson ruşd kardedə ozavziyedə ta bəştə cismoni cəhəto zumandəti kəmoli yəni bəştə jimoni çılminə sori omeydə rəseydə.bın soronədə imoninə inson bə qıləy mərhələ rəsedə ki,bəpe əv ıştə jimonədə hərəkət kardə roy dəğiğə formadə  boştə mıəyyənko və detobə ıştə umri oxo bəpe bə həmonə qətə roy dəvom bıdo.liza,əv ıştə ibodət və dıvonədə Xıdovəndiku çandə qılə çi tələb kardedə:”Xıdolim ha! bəmı ilhom bıdə və tofig baxşkə ta bəmı iyən bəçımı pı-mo əto kardə neməti şukri bə vırə bırosnom(və bəmı ovəndəti bıdə ta)salehə əməl əncom bıdom.qıləy əməl ki,(tı)çəyku rozi bıbuş və çımı fərzənd iyən xıyzoni bomı salehkə.mı bəştı səmt oqardim iən çı təslim bıə kəsonkum”.

Əhğafi mıborəkə surə 16-ə ayə bə ıştə valideyni həx-huğuğon və  məğami iyən ıştə fərzəndon əziz qətə və şık kardə mumini cəzo iyən mıkofoti və əcri işorə kardedə və hamyedə:”əvon əkəsonin ki,əmə çəvon əncom doə  veyçokə əməlon ğəbul kardedəmon”.Xıdovənde-Aləm  çəvon həmməysə vey çokə əməlon çı ğəbuli meyar zıneydə və noçiz və kamə əməlon həm iminə dərəcədə bıə əməl zıneydə və çəvon qınonku dəvardedə.qıləy holədə ki,çəvon vırə çı vəhışti miyono bəbe......

Əmmo çı muminon mığobil noxtədə beimon iyən həx-hisob nızınə fərdonin ki,əvon həmçinin bəştə pı-om həxon həm rioyət kardedənin.joqo ki,hamyedə:ə kəson ki,bəştə pı-mo voteşone:uff bəşmə!aya bəmı və`də doydon ki,(maqi bəpeştə) məbus(cəm kardey) bəbemon?qıləy holədə ki,çımı bənav ziyodə ğovmon dəvardən(və hiç qıləyni bəyji bıənin) və ədıqlə hejo(boştə fərzəndon oqardeyro)Xıdoku komək tələb kardedən.(və bəştə fərzəndon votedən)vay bıbu bətı!imon biyə ki,Xıdo və`də həxe.əmmo,əv (de təkəbbır iyən yoləşəxti)votedə:ımon ğərəz əfsonə co qıləy çi ni”.de ın tərtibi,əv hejo jəqo həm bəştə kufri isror kardə iyən əy idomə doydə..... 

Əhğafi mıborəkə surə 21-ə ayəku çandə ayə jəqoşə,bə Hud(ə) iyən Ad ğovmi sərquzəşton işorə kardedə və hamyedə:(Hudi sərquzəşti) Ad ğovmi bıvə bəyod dənə.bə zəmon ki,Əhğafi sərzəminədə bəştə ğovmi tarsış doe.qıləy holədə ki,çəy bənav iyən bəpeşt ziyodə pəyğombəron oməbin ki,(şımə)ğərəz vahidə Xıdo (co məbud) pərəstış nıkon. Mı boşımə dıjdə ruji əzobiku tarseydəm”.

Iyo Kərimə-Ğıron de qıləy bəyoni bə Ad ğovmi macəra işorə kardedə.ın ğovm bə Xıdovəndi bəvon əto kardə ziyodə neməton dılədə ğərğ bıəbin tainki,bıtpərəstəti çəvon miyono rişəş ğande.bəçəvon ın inhirofəti xoto,Xıdovəndi çəvon miyono həzrəte Hud(ə)-ış məbus karde ta əvoni bə rostə roy səm dəvətko.Hud(ə) bəvonış vote ki,Vahidə Xıdo pərəstışkənən və sıvoy əv co pesoxtə bıə mə`budon sıtoyiş məkənən.peşo əvonış təhdidış karde və voteşe ki,mı boşımə omə dıjdə ruji əzobiku tarsım heste.əvon cəvobədə voteşone:aya tı oməş ki,əməni deştə duyə sıxanon çəmə xıdoonku cokoş?ehanə tı rost votedəşbu,bəmə və`də doə əzobi boəmə biyə.əmmo,Hud(ə) çəvon beməno və beməxə sıxanon cəvobədə hamyeşe:elm iyən aqahəti fəğət Xıdo nəzdədəy.əve ki,zıneydə kon zəmonədə əzob nozil bəbe. peşo əlovəş karde ki,çımı vəzifə ıme ki,bomı vığandə bıə çiyon bəşmə bırosnom.əmmo,mı şıməni qıləy dastə vindedəm ki,hejo ıştə nodonəti iyən cəholətədə mandəyon və bəy isror kardedəyon.

Hud(ə) de ziyodə pand iyən nəsyəton rostə roş bəovon təbyin kardeşe və hiç qıləy uzr iyən bəhonə vırəş bəovon nıhaşteşe.