Sənədinə filmonədə sionist rejimi həyğiyə imic
Sənədinə filmonədə sionist rejimi həyğiyə imic
Tehroni Sinematəki bərnomədə nuyə devrədə de “sinemaye-ğərib” nomi bərpo be,The Wanted18 (tə`ğibi jiyədə bıə 18 nəfər) sənədinə film bə nımoyiş noey be.ın 75 dəyğəninə sənədinə film sıftənə İntifazə cərəyonədə de Fələstıni milləti mıborizə bardə sionist rejimi cəhdon de məzhəkə şivə rəvoyət kardedə.
The Wanted18 sənədinə film de Amir Əşşumili rejissorəti,de Sand Əndoni produsserəti və de Pol Kevani senarri muəllifəti istehsol bıə.ın cıvonə rejissor ki,Kuveytədə bə dınyo omə və ısətən Ramullahada jimon kardedə,bın filmədə 1987-ə milodi sori iminə İntifazədə bə Fələstınıjon sə omə bədbəxtətiyon bə ekranış kəşə.
Filmi daston çı qıləy di əhali dastoniku iborəte ki,de sodə formə kardeyışon zınə çı sionist rejimi istehsol kardə çiyon mığobilədə bəvon lozım bıə çiyon hozzıkon və bısoxton.ğəziyyə jıqoye ki,ğərole Beytul-Ləhm şəhri şərğədə Bitsahor diyədə Fələstınıjonku idastə de sionist rejimiku 18 qılə qo hıriye,de “intifazə şıtı” nomi qıləy kooperatıvışon təsis karde və di əhalişon çı sioniston istehsol kardə məhsulonku be ehtiyoc kardeşone və çəvon məhsulonışon baykot kardeşone.
De ın di əhali vositə israyil rejimi məhsulon baykot kardey bəpeştə,ın məsələ bə qıləy siyosi hodisə boyis be və joqo ki,sionist rejimi rəsmi şəxson bə ğərol omin ki,həmonə 18 qılə zandəqo pəydukon.bın filmədə de İminə İntifazədə iştirok kardə kəson mısohibə sıey bıə və de animasiya formati bıə təsviron çı zandə qoon sıxan votey nışon doey bıə.həmçinin bın filmədə çı ishağ rabiniku sujeton nışon doey bıə ki,əyo bə sinost rejimi maliyyat nıdoey xoto həmonə di camaati təhdid kardedə.
