Osmoniyə surəon-174
Osmoniyə surəon-174
Peyğombər(s)-i jimoni torıxədə omə ki,çandə kərə çandə fərdon koonədə çə həzrətisə bənav dəşən yaanki,çə həzrətiku bə dumo mandən.min cumlə mıborəkə Rəməzonə manqədə çoko ki,peyğombər(s) bo Məkkə fəthiro hərkətış karde,de ə həzrəti bə ico ziyodə cəmyət qırdə bıəbe ki,çəvon bəzi qılon de asbi və kali qılon həm piyodə bin.qıləy mənzılqo iyən vırədə peyğombər(s) ıştə rujəş oj karde və iftorış karde. de ə həzrəti bə ico bıə kəson həm jıləvoni kardeşone və ıştə rujıəşon darışte.əmmo,çəvonku çandə nəfər bə pəyğombəri tabe nıbin və ıştə rujədə mandin.peyğombər(s) həm bəvon qınokorə dastə nomış noe. peşonə ayə həm bə ın əmri işorə kardedə və hamyedə:”ha imon vardə kəson ha! ıştə sədo peyğombəri sədoku (vey) barz məkənən və çoko ki,şıməku qıləyni de coqləyni de barzəvo sıxan votedon,deəy həm (jəqo) de bılındə sədo sıxan məkənən.məbodə,şımə əməlon bə puç beşo iyən məhf bıbu,qıləy holədə ki, (şımə)zıneydəniyon”.
Hucurati mıborəkə surə 4-ə ayə, bə kali fərdon beməxəti işorə kardedə ki,ın ilahi dəstur iyıən əmri nəzədə qəteydənin iyən əy vindedənin.joqo ki,hamyedə:”tıni çı hucrəon(otağon) peştono de barzəvo vanq jıə kəson,çəvon veyni famedənin”.......
Hucurat çı hucrə sıxani cəme və otağon mənoədəy.iyo bə çandə qılə otağon işorəy ki,çı peyğombər(s)-i məçiti kəno ğərolış qətəbe və çəvon xıyzonon həm əyo jimon kardeydəbin.qahi vaxti bəzi nodonə fərdon de pəyğombər(s)-i koşon beyədə,çı peyğombər(s)-i kəy peştiku mandedəbin və de bılındə sədo iyən beədəbə formadə ə həzrəti vanq jedəbin və bə həzrəti jıqo votedəbin:ha Muhəmməd ha! bə bi (kəno)beşi!.
In ayə bə mısılmınon ın bə xoş nıomə koy ğədəğən iyən nəhy kardedə.zira,ın yavə ko de peyğombər(s)-i barzə məğam iyən şə`ni mınosib ni.
Hucurati mıborəkə surə 5-ə ayə ın bəhsi təkmil kardedə və hamyedə:”və ehanə əvon səbrkon ta(ıştən) bəçəvon soyəx booş,boəvon vey çok be və Xıdovənd əbaxş iyən mehribone”.
Təbiiye ki,peyğombər(s)-i mığobilədə bə ədəb iyən ehtıromi rioyət kardey və həmçinin jıqo qıləy mevğıyyətədə səbr iyən tov vardey,bə Xıdovəndi rəhməti boyis bəbe və boəvon qıləy dıjdə əcr və səvob heste.
Mılxəs,ın ayə mesaj ıme ki,dini islom de cokəson rəftor və muaşirəti zəmonədə bə ədəb iyən ehtıromi rioyət kardey məsələ,ziyodə əhəmiyyətış doydə və ım çı islomi təlimonku qıləy baxşe.peyğombər(s) iyən islomi yolə rəhbəron de cokəson rəftoron har qıləy holədə bə xoş omə və de əxloği nuktəon pur bıə rəftor bıə.
Çun Kərimə-Ğıroni təlimon camiyədə məhəbbət iyən məvəddəti rufi tərvic kardedə və muminon iyande bıvə və boə hisob kardedə.bəçəy xoto,fərdon ıştə co dini bıvon səhfon bıbaxşon və norohət iyən saxtə vəzyət iyən şərayitonədə de ioyande mehribon bıbon.əvon bəpe bəştə ehdə peqətə əhd-peymonon rioyətkon və bəçəvon xoş omə çokə çiyon boştə co dini bıvon həm rəvo bızınon və kulliyə formadə bəpe çı mısılmınon miyono hejo sulh,bıvəti iyən əmniyyət mevcud bıbu.....
Hucurati mıborkə surə 11 iyən 12-ə ayəon çı iştimayi əxloği barədə bıə nuktəonku bəhs kardedə.sıftədə hamyedə: “Ha imon vardə kəson ha! məbodə şıməku qıləy dastə coqləyni məsxərə nıko,ğasbu əvon çımonku çok bıbon və nə jenon coqlə jenon(məsxərə nıkon).ğasbu əvon çımonku çok bıbon və iaynde aybon dumo nıbon və iyande de bevəcə ləğəbon vanq nıkon”.
Iyo Kərimə-Ğıron bə muminon çəşnavi doydə ki,çın bə xoş nıomə əməliku pərhizkon.çıro ki,çı istehzo iyən məsxərə sərçeşmə,həmonə məğrurəti,ıştəni pekırney iyən yoləşəxətiye ki,torıxi dırozi çı ziyodə ixtilof iyən xun rukardey və keşməkeşon amil və səbəb bıə.
