Osmoniyə surəon-175
Osmoniyə surəon-175
Hucurati mıborkə surə 11 iyən 12-ə ayəon çı iştimayi əxloği barədə bıə nuktəonku bəhs kardedə.sıftədə hamyedə: “Ha imon vardə kəson ha! məbodə şıməku qıləy dastə coqləyni məsxərə nıko,ğasbu əvon çımonku çok bıbon və nə jenon coqlə jenon(məsxərə nıkon).ğasbu əvon çımonku çok bıbon və iaynde aybon dumo nıbon və iyande de bevəcə ləğəbon vanq nıkon”.
Iyo Kərimə-Ğıron bə muminon çəşnavi doydə ki,çın bə xoş nıomə əməliku pərhizkon.çıro ki,çı istehzo iyən məsxərə sərçeşmə,həmonə məğrurəti,ıştəni pekırney iyən yoləşəxətiye ki,torıxi dırozi çı ziyodə ixtilof iyən xun rukardey və keşməkeşon amil və səbəb bıə.
Məələsəf i dastə beəxloğ iyən bedinə fərdon cokəson de yavə ləğəb və nomi vanq kardedən və əvoni təhğır kardedən.və ya de ın vositə çəvonku intiğom sedən.çımi barizə nımonəonku qıləyni həm ıme ki, ikəs dəvardə soronədə bə qıləy xilof ya bevəcə ko mırtəkib bıə,tobəş kardə iyən pok bıə,əmmo ijən bəy qıləy ləğəb noydən ki,çəy toykiyə dəvardə soron bəyod dənoydə.dini islom ın ğeyri-insoni iyən yavə əməli de şiddəti nəhy kardedə və har qıləy bə xoş nıomə nom iyən ləğəbi ğədəğən hisob kardedə.bə həmonə dəlili xoto,ayə oxoyədə hamyedə:
“(Bə qıləy mumini)imon vardey bədiqə yavə nom(noey) bevəce.və tobə nıkardə kəson,ıştən sıtəmkorin”.
Bəpe dığğət kardey bıbu ki,çı fərdon abru iyən həyo,bənə çəvon con iyən moli mehtərəme və bəpe çı har qıləy təərruz iyən təcovuziku əmonədə bımandon.ım ıştən bə qıləy camiyə qıləy əmniyyət iyən betəhlukəti bə ərməğon vardedə.
Hucurati mıborəkə surə 12 ayə bə çandə qılə bənə husni-zənn,bə cokəson koon təcəssus kardey iyən ğeybətiku pərhiz kardey bıə muhimmə əxloği nuktəon işorə kardedə.joqo ki,hamyedə:”Ha imon vardə kəson ha!ziyodə qımononku pərhizkənən.zira,kali qımonon qınoye və (cokəson koonədə) təcəssıs (nəvemon)məkənən”.
Cokəson barədə bevəcə zənn və qımonku pərhiz kardey,qıləy rasional iyən bə hisobi əsos doə bıə qıləy ğanune ki,sosyal rabitəon pok iyən solim kardedən.
Həyğətədə,bədə qımon ıştən qıləy stimul iyən muhərrike ki,bışon məxfiyonə formadə çı cokəson koonədə bınəvon iyən çəvon sırron kəşfkon və islom bə hiçkəsi hiç qıləyni jıqo qıləy yavə əməli icozə doydəni.islomi prizmaku kulliyə formadə ıme ki,millət ıştə xısusi jimonədə bəpe komilə surətədə əmniyyəti dılədə bıbon.beşəkk,ehanə hakəs ki,bəştə icozə bıdo ki,bə cokəson şəxsi çərçivə və həddon daxil bıbu və təcəssısko,çı cokəson heysiyyət və abruş bardə və cəmyəti dılədə noəmni iyən noorəmətiş bə vucud vardə....
