Miyonə Şərğ dəvardə haftədə
Miyonə Şərğ dəvardə haftədə
Fələstın Moxtar Təşkiloti bə Fələstıni milləti ələyh bıə ğərol və hərəkəton dəvomış heste.bın zəminədə İordan ru kəno jiyə fələstınıjon siyosi qətə bıəkəson komitə 2018-ə sori bə Fələstınıjə şəhrvandon zidd Fələstıni Moxtar Təşkiloti əmniyyət servison məmuron se həzo şəşsa hərəkətonku xəbəş doe.Fələstınıjon veyni bə çın Təşkiloti bə Fələstıni milləti məxsusən bə Ğəzzə tanqədə jiyəkəson zidd hərəkəton min cumlə çəvon maaşon bırniye iyən bo fələstınıjon etosneyro de seonist rejimi əmniyyət servison həmkorəti kardey koon etıroz nışon doydən.Fələstıni Moxtar Təşkilot qıləy onemone ki,praktiki surətədə çı Fələstınıjon hədəf və amalon dumo eqıniye əvəzi,vey vaxti çı Amerkə iyən sionist rejimi siyosəti iyən çəvon bə fələstıni milləti ələyh bıə məkrinə planon icro kardedə. Fələstıni Moxtar Təşkilot hejo bənə qıləy mışoviri bo seonist rejimi Fələstıni sərzəminədə ıştə işğalgərə siyosəti bənav bardey koyədə bəvon komək kardəşone. Fələstıni Moxtar Təşkiloti rəsmi şəxson sozişkoronə rəftoron,bə seonist rejimi bə fələstınıjon həx-huğuğon rioyət nıkardero bıə siysoəton komilə formadə qıləy havzə ço nışon doydə və jıqo qıləy vəzyətədə əvon hejo de Fələstıni milləti iyən dastəon şiddətinə tənğıdi dimbədim omeydən.jıqo qıləy şərayitədə Fələstıni parlamenti bə Məhmud Əbbosi siyosi fəoliyyəti çəy dastiku sıey barədə bıə mısəbətə ray şoyd bimon.Fələstıni ğanun noə məclis de əksəriyyəti çı Fələstıni Moxtar Təşkiloti rəyis Məhmud Əbbosi səlohiyyəton çəy dastiku sıey barədə bıə ray çın məclisi siyosi komissiya hesobati tərəfiku bekardey be.Fələstıni məclisi rəyisi muovin Əhməd Bəhr Məclisi çoşanbə ruji iclosədə ki,Ğəzzə şəhrədə bərpo be,təkidış karde ki,Məhmud Əbbosi ğanuni,huğuği,əxloği iyən insoni cəhəto həxış ni ıştə vəzifədə bımando və ın rəyisəti səlohiyyəti bışıkırno. Əhməd Bəhr elonış karde ki, Məhmud Əbbosi bə seonist rejimi doə məccani siyosi imtiyozon,bə Fələstıni milləti zidd deşmınə hərəkəton,çəy de israyli əmniyyət ğıvvon həmkorəti kardey xoto fəxr kardey və Fələstıni milləti fərzəndon mığoviməti terrorizm zıney,dəlilonin ki,çəy əmniyyəti,siyosi iyən milli cəhəto kişvəri rəysiəti məğamədə həxış ni bımando və çı Fələstıni Moxtar Təşkliti rəyis bıbu. ....
Bəhreyni hodisəon
İsveçi Stokholmədə bıə “Skay Layn” Beynəlxalğ mıəssiə dəvardə 2018-ə sori çı Ali-Xəlifə rejimi tərəfiku bə saqləsə vey Bəhreynıjə şəhrvandon həxon rioyət nıkardeyış ğeyd kardə və xəbəş doə ki,Bəhreyni millət ıəst qıləy etosniyə bıə fəzo və sferadə jimon kardedən.
