Ğərbədə insonə həxon
Ğərbədə insonə həxon
Amnesty internatsional ya Beynəlxalğ Əfv Təşkilot ıştə tojə hisobatədə 2018-ə milodi sori Səudiyyə Ərəbıstonədə zindonədə bə insonə həxon fəolon ələyh işkəncə ,çəvonku suysi-istifodə kardey və bəçəvon zidd cinsi hoziyəti holonış bə dast vardeyku xəbəş doə.ın hisobaton de Ərəbıstonədə 2018-ə sori sentyabrə manqədə insonə həxon fəolon çandə nəfəri işkəncə kardey,de əvon seksual xarakterinə hərkəton kardey və bəvon əzob-əziyyət doey koyədə şoyd bıə kəson vositə bə dast omə.bə dast omə ın fakton əsos,qıləy ğeyri-rəsmi məhbus oqətə bıə vırədə insonə həxon fəolonku da nəfər çəvon qoətə bıə vırədə sıftənə se manqi ərzədə qıləy noməlumə məkonədə bə işkəncə,suyi-istigfodə iyən cinsi hoziyəti məruz mandən və deəvon yavə rəftoron kardey bıə.
Beynəlxalğ Əfv Təşkilot 2019-ə sori yanvarə manqi 24-ədə elonış kardə ki,çın təşkiloti və insonə həxon sahədə fəoliyyət nışon doə co beynəlxalğ təşkiloton uzvon rəyrə bəpe bəçəvon oqətə bıə vırə şıeyro icozə bıstənon və bə həmonə vırədə oqətə bıə fərdon holi və istintaği konəzorətkon.....
Insonə həxon sahədə ko kardə qıləy jenə fəal bın hisobatədə elonış kardə ki,mustəntiği duyədə bəmı votəşbe ki,quya çımı xıyzoni uzvon mardə və ın koşon imanqi ərzədə çımıku məxfi kardeşone ta bə ın ko bəçımı psixi norəhəçəti boyis bıbu və mıni deçımi vositə rufi cəhəto işkəncə bıdon.bə coqlə məlumati əsos dıqlə insonə həxon sahədə bıə fəolon məcbur bıə çı mustəntiği çəşi vədə de ğeyri-əxloği koon məşğul bıən.həmçinin çə qətə bıə kəsonku qıləyni məlumatış doə ki,bəy işəncə doə bıə və əv çı dojiku zikməvulə jıə holədə məcburən bəçəy xırtə ovoşon ru kardə.coqləyni məhbusonku qıləyni votəşe ki,de elektrikə şoki vositə bəy əyo işkəncə doydəbin.
Miyonə Şərğədə Beynəlxalğ Əfv Təşkiloti təhğiğat mudir Lyan Maalouf votəşe ki,əmə çın fəolon soliməti həxədə vey norohətimon və əvon bə insonə həxon mıdofiyə kardey xoto nəv manqe ki,de işkəncə və əzob-əziyyəton dimbədime.