Osmoniyə surəon-204

Osmoniyə surəon-204

Mıcodilə mıborəkə surə 10-ə ayədə mənofiğon nəcvo çı şəytoni vəsvəsonku hisob kardedə. həmonə vəsvəson əvoni bə nəcvo vodor kardedə ta imon vardə kəson,ğəmqin,pərişon və çəvon dılon iztirobədə nıbon.demiyən muminon bəpe bızınon ki,vucudi aləmi əsliyə təsirəkə Xdoye və çanədə ki,Xıdovənd nıpyo hiçkəs bə insoni qıləy zərəl rosney nibəzıne.çən,muminon bəpe fəğət bə Xıdo təvəkkulkon iyən ğərəz əv çı hiççiku nıtarson.əvon de bə Xıdo təvəkkul iyən etımod kardey,bə muşkilot iyən şəytoniyə vəsvəson ğalib omey bəzneyn.

Torıxədə omə ki,peyğombər(s) cımə rujonku qıləyni Səffədəyəni peyğombər(s)-i jiyə məçiti kəno bıə səkkuyədə nıştə be və idastə həm çə həzrəti palu be və vırə vey tanq be.peyğombər(s)-i adət ımbe ki,bə Bədri canqi mıcohidon veyə ehtırom noydəbe.bın zəmon Bədri mıcohidonku i dastə varid bin,qıləy holədəki,cokəson çı peyğombər(s)-i kənoşon pur kardəbe.əvon bə cəmyəti səlom doey bədiqə,səpoysə mandin və çəşışon karde ta cokəson bəvon vırə bıdon. əmmo, hiçkəs ıştə vırəku nılıvin və bəvon vırəşon nıdoe.ın ko bə peyğombər(s)-i norohətçəti boyis be. peyğombər(s) ıştə ətrofədə bıə kali fərdonku tələbış karde ki,ıştə vırəku behışton ta tojə oməkəson bınışton.ım inev ədəb omutey və bə cihodədə sıftənə iştirok kardə və imon vardə kəson qıləy ehtırom noey bə hisob oemydəbe.əmmo,ın mətləb bəsə səpoysə əyştə çand nəfəri xoş nıome.iyo ayə nozil be və məclisədə nıştey ədəb və ğaydəonku iğısmət bo milləti bəyon be.

“Ha imon vardə kəson ha! Havaxti bəşmə məclisi oj kardey votey be,ojkənən.ta Xıdo şımə koon anqıli ojko və havaxti bəşmə votey be,bəhştənən,çən bəhıştən.Xıdovənd  bə şıməku imon vardə kəson və elmi soybon barzə dərəcəon bədoe və Xıdovənd şımə kardə koonku aqahe”.

In ayə sosyal rabitəonədə yəni məclison ədəbi froməvə məclisonədə bə cokəson həx-huğuğon rioyət kardey ayid bıə bə qıləy muhimmə usul və prinsipi işorə kardedə.bə məclisi tojə vardi bıə kəson vırə doey,islomi əxloği təlimonkuye.bə məclis tojə varid bıə kəson omeyədə,bəpe əyo bıəkəson bəsə səpoysə behışton və bəvon vırə bıdon və məbodə əvon sərqərdon bımandon iyən norohət bıbon.liza,Kərimə-Ğıron tovsiyə kardedə ki,şımə məclisədə bıə zəmonədə ehanə bəşmə votey be ki,vırə ojkənən və bə cokəson vırə bıdənən,bəvədə şımə ın ko əncom bıdənən ki,Xıdo həm bəşmə koon anqıli ojko və bəy hevujəti baxşko.

In ayə ın nuktə həm bə yod dənoydə ki,cokəon koon anqıli oj karde səbəb bedə ki,Xıdovənd həm insoni koonədə hevujəti icodko.

Həlbəttə,qahi məclison jıqo de izdihomi pur bedə ki,bəpe bəsə səpoysə mandey bıbu ta bo co kəson qıləy vırə pəydu bıbu.liza,ayə dəvomədə hamyedə:bəşmə votey beyədə ki,bəyştənən,çən bəyştən.çıro ki,bə məclis tojə varid bıə kəson bəştə oqoney xoto və ya piy bıə şəxson və ya qıləy məxsusə ehtıromi soybon şıməsə vey bo nıştero loyığin.

Peşo,mıkofati şərhi həxədə bə ın ilahi əmri işorə kardedə və hamyedə:ehanə şımə jıqo bıkon,Xıdovənd şıməku bə imon vardə kəson və elm soybon barzə dərəcəon bəbaxşe....

Mıcodilə mıborəkə surə oxonə ayə bə muminon çəşnavi iyən xəbərdorəti doydə ki,Xıdo məhəbbət iyən deşmınon dustəti idılədə ğərol doey mumkin ni və bəpe muminon çın dıqləku iqləyni bıvıjnon.həyğətən,muminon bəpe de Xıdo deşmonon dustiyəti kardeyku pərhizkon və bə diyəro bımandon.joqo ki,hamyedə:qıləy dastə nibəvindeş ki,bə Xıdo iyən bə ğıyoməti ruji imonışon vardə,de Xıdo iyən deçəy rəsuli deşmınəti kardə kəson dustiyəti kardedən.harçənd çəvon pıon ya boon ya nezə odəmon bıbon”.

Ruşine ki,pı,bıvə iyən nezə ğohumon məhəbbət vey zəruri iyən vey çoke və bə insoni atifə və məhəbbəti hiss bəyji bıey boyis bedə,əmmo ın məhəbbət çı Xıdo məhəbbəti vırədə ğərol bıqəto, ıştə erj iyən ğıyçəti çı dasto bədoe.peşo bə əkəson ki,ıştə ğəlbışon komilə surətədə de Xıdo

məhəbbəti pur kardə kəson dıjdə mıkofti işorə kardedə.jıqo ki,hamyedə:”əvon əkəsonin ki, Xıdovəndi imonış çəvon dılonədə sabit iyən ğoym kardəşe və deştə tərəfiku bıə rufi əvonış təyid (təsdığ) kardəşe və əvoni bəçəvon doon jiyo ruon cari bıə boğon daxil bəkarde və əvon əyo əbədin.Xıdo çəvonku rozi iyən əvon həm çəyku rozi bəbeyn”.

Qıləy zəmon ki,imoni əhl sərəseydən ki,Xıdovənd çəvonku roziye,bəvon qıləy dıjdə ləzzət baxş bəkarde ki,hiç qıləy ləzzəti deəy mığoyisə kardey nibəbe və çəy nəticə həm çəvon komilə surətədə Xidoku rozi mandeye.

Oxonə mərhələdə umumi surətədə elon kardedə və hamyedə:”Əvon hizbullahin(Xıdo dastən).bızınən Xıdo dastə səbarz və nicot pəydu bəkarde”.əvon nəyinki,axırəti dınyoədə, bəlkəm hejo bın dınyoədə deştə pərvərdıqori lutfi bəştə deşmınon səbarz və ğalib bomeyn