Osmoniyə surəon-215

Osmoniyə surəon-215

Mınofiği surə Kərimə-Ğıroni şesto seminə surəy.Mədinədə nozil bıə və 11 qılə ayəku iborəte. Mınofiği surə de mehtəvo iyən məzmuni pur bıə surəonkuye ki,bəvədə bəhs bıə əsliyə məsələ bə mınofiğon ayid bıə məsələy.

Bın surədə bəhs bıə mətləbon çımiku iborəte:mınofiğon nışonəon,muminon çı mınofiğon hiyləonku bərhəzər kardey,bə de dınyo maddi neməton vositə Xıdo zikriku ğafil mandə muminon çəşnavi doey və maqi rəsey bənav bə Xıdo royədə infoğ iyən baxşeşi tovsiyə....

Bə ıştə imoni izhor kardə və botın iyən daxilədə kofir bıey istilahən və termonoloji formadə bəy “nifoğ” votedən.mınofiğon əkəsonin ki,ilahi hidoyəti ğəlbən ğəbul kardedənin,əmmo ıştə kufri çehrə de imoni niğobi punhon kardedən və mısılmınon miyono zohirədə ıştə imoni izhor kardedən.

Nifoğ iyən mınofiğon məsələ islomədə bəvədə bəhs be ki,peyğombər(s) bə Mədinə hicrətış karde və islomi zumandə əsoson və səbrzəti oşko be.çımi bənav Məkkədə təğribən hiç qıləy mınofiğ nıbe.zira,Məkkə yavə şərayitədə mısılmınon zəyif və çı işkəncə iyən təzyiği jiyədə bin. əmmo,de Mədinədə islomi pevolo bıey,deşmınon zəyifə mevğıyyətədə bin və və jıqo qıləy şərayitədə çəvon ıştə mıxolifəti izhor kardey və nışon doey hoston nıəbe.liza,islomi məğlub bıə deşmınon boştə xərobəkə bərnoməon dəvom doeyro,ıştə çehrə və imici əvəz kardedən.əvon zohirədə ıştəni bənə mısılmınon bardedən və çəvon səfədən,əmmo məxfiyonə bəştə məkrinə planon dəvom doydən....

Har qıləy inğılobi təbyət jıqoe ki,çı səbarzəti bəpeştə de mıbofiğon səf və cərqədə dimbədim omeydəbin və zinə deşmınon de nufuz kardə amilon surəti de dusti oləti cilvə pəydu kardedən.iyo sərəse bedə ki, çıro Kərimə-Ğıroni çandə qılə ayəon çı Mədinə mınofiğon barədə nozil bıə,nəyinki,Məkkədə.

Bə ın nuktə dığğət kardey lozıme ki,nifoğ iyən mınofiğon məsələ,fəğət bə peyğombər(s)-i zəmonə ayid ni. bəlkəm,har qıləy camiyə de ın təzahuri dim bədim omey bəzıne.liza,çı mınofiğon barədə Kərimə-Ğıroni prizma bəpe mıtoliyə kardey bıbu ki,qırd cəmyətədə ın muşkilə məsələ bə əməl omeydə.

Camiyədə çı mınofiğon xətər və təhlukə vey ziyode.zira,əvoni zıney əksərən hoston ni və qahi vaxti əvon jıqo bə camiyə nufuz kardedən ki,həni əvoni zıney mumkin bedəni.bə həmonə dəlili xoto,Kərimə-Ğıron de şiddətinə formə bə mınofiğon həmlə kardedə və və islom torıxi dırozi hejo çın hiyləgərə cəmoətiku veyə zərbəş hardə.

Mınofiğini surədə Kərimə-Ğıroni işorə kardə iminə nuktə,çəvon duyə imon vardeye və bə nifoği əsos təşkil pəydu kardeye.joqo ki,hamyedə:”mınofiğon ıştı palu omeyədə votedən:şoydəti doydəmon ki, yəğınən tı çı Xıdo Rəsuliş və Xıdo(həm) zıneydə ki,tı Xıdo rəsuliş və Xıdovənd şəhodət doydə ki,yəğınən duyəvıjonin”.

Həğyətədə,botın iyən zohiri dıcurnə bıey və duyəvıjəti,çı mınofiğon iminə əlomət və nışonəy.əvon de zıvoni ıştə imoni izhor kardedən,əmmo çəvon dılonədə çı imoniku xəbə ni.ım duyəvıjəti və daxil iyən zohiri i nıbey,çı nifoği əsosi təşkil doydə.

Mınofiğon bə islomi peyğombəri(s)-i risolət və peyğombərəti şoydəti kardey du nıbe,bəlkəmqıləy həyğəti bəyon kardedə.əmmo,çunki,çun çəvon həyğiyə əğedə ım bıəni,əve əy du hisob kardedə.liza,Kərimə-Ğıron hamyedə ki,tı hukmən(beşək) Xıdo pəyğombəriş.əmmo əvon du votedən...

Peşonə ayədə bə mınofiğon coqlə nışonə işorə kardedə və hamyedə:”ıştə  ğəssəmonışon sipər qəte və millətışon royku oqəteşone.bərosti,çəvon əncom doə çiyon bə xoş nıomə çiye”.

Əvon milləti bə həxə ayini hidoyəti royədə,maneyə icod kardedən və kon ko çımisə yavə bıey bəzıne?

Im çı nifoği əlomətonkuy qıləyniye ki,mınofiğon ıştəni çı Xıdo nomi iyən mığəddəsə ğəssəmon jiyədə ğərol doydən ta çəvon həyğiyə çehrə punhon bımando və əvon çı milləti hisson bəştə səmt cəlbkon. liza, hiçvəvti bəçəvon ruyəninə sıxan və zohiri əloməton bəpe bovə kardey nıbu......