Osmoniyə surəon-221

Osmoniyə surəon-221

Təloği surə 2-ə ayədə hamyedə:”çəvon iddə mıddət bə oxo rəseyədə,əvoni de ləyoğətinə formə oqətənən ya de loyığə tərzi çəvonku co bıbənən”.

Bın ayədə bə mıştərəkə jimoni ayid bıə həmməysə muhimmə əməl ğaydə işorə kardedə və ım həm çımiku iborəte ki,jenı-merd ya bəpe ləyoğətinə tərzədə de iyande jimonkon yaan ki,de loyığinə formə yəndeyku co bıbon.yəni çoko ki,mıştərəkə jimon bəpe de səmimiyyəti iyən bə humansit və insoniyə prinsipon əsos bıbu,coəti həm bəpe bə iyande dərəse əsos bıbu,bə iyande həx-huğuğon rioyətkon və çı dave kardeyku bə diyəro bımandon.  

Həlbəttə,jimoni həmroon çı təloğ iyən co bıey zəmonədə,bəpe dıqlə adilə merdi şoyd bıqəton ta çı dılqə tərəfi həxon zay nıbon və əgər ayəndə və vəomədə dıqlə tərəfiku hiç qıləyni həyğəti inkor kardey nızınon.dıqlə adili şoydəti coqlə rolış həm heste.zira,əvon sıftənə ğədəmədə cəhd kardedə ki,tərəfeyn iyən dıqlə tərəfi bə sulh iyən aşti səmt tərğibkon...

Təloği 2-ə ayə oxoyədə hamyedə:”hakəs Xıdoku bıtarso,Xıdovənd boçəy çı muşkilatonku xaric iyən çəvonku ozod bıeyro,qıləy nicoti roy boəy ğərol bədoe”. 3-ə ayədə hamyedə:”və bəy çəy qımon nıkardə vırəku ruzi bədoe iyən hakəs bə Xıdovəndi təvəkkulko,əv boəy vəs kardedə”. 

Təğva,de qıləy oqətey amili nomi,boyis bedə ki,jenı-merd çı həxı royku mınhərfi bedənin və iyande həxon mehtərəm hisob kardedən.Kərimə-Ğıron bə jenı-merdi iyən şoydon çəşnavi və xəbərdorəti doydə ki,çı muşkilot iyən problemonku nıtarson və ıştə işkilon anqıli oj kardey  Xıdovəndiku tələbkon.zira,Xıdovənde-Aləm təzmin kardedə ki,çı pərhizkor iyən təğvaninə şəxson işkilon anqıli ojko və bəvon çəvon çəş nıkardə vırəku ruzi bıdo.

Kərimə-Ğıron çı təğva kəno bo sıviku xaric bıeyro coqləyni əbzor iyən rıçaqonku qıləyni ımi elon kardedə və hamyedə:”və hakəs bə Xıdovəndi təvəkkulko,əv boəy kifoyət kardedə”.

Həyğətədə,təğva iyən təvəkkul bo sıv iyən muşkilatonku xaric bıeyro dıqlə əbzorin.çıro ki, Xıdovənde-Aləmi mıtləğə ğudrət  iyən fərmon bə həmmə çiyon nufuz kardedə və bə harçi ğadire.Əv,har qıləy çi irodəko,bə vırə bərəse və çəy ğudrət iyən irodə mığobilədə hiç qıləy sıv iyən bastə bıə roy mevcud ni.

Harçənd,ın ayəon çı təloğ iyən çəy hukmon həxədə nozil bıə,əmmo çəy hovujəti çımonsə bəpeye.ın ayəon Xıdovəndiku tərəfiku bə oərhizkor iyən bəy təvəkkuləkəyon umu baxş kardə və`dəy ki,oxoyədə ilahi lutf və rəhmət bəvon şomil bəbe,əvon problemonku dəvardedən və ıştə işkilon həll kardedən....

Təloği surə 4-ə ayədə çı təloği kali hukmon həxədə həm bəhs kardedə.6-ə ayədə çı təloği bəpeştə jenon həx-huğuğon həxədə bıə izahon doydə.

Sıftədə çı mutəlləğə yəni təloğ doey bıə jenon məskən və jimon kardə vırə vəzyətiku de tosə iddə zəmoni oxo işorə kardedə və hamyedə:”bəvon ıştə jimon kardə və şımə bımi imkonon bıə har vıronədə sakinkənən və boəvon qıləy mınosibə məskən nəzədə bıqətənən”.ayə dəvomədə hamyedə:”bəvon ziyon mərosnənən ta bəovon  ko tanq bıbu iyən əvon məcbur bıbon mənzili tərkkon”.məbodə şımə kin-kudurət və nifrət şıməni çı həxə royku mınhərifko və əvoni çəvon məskən və vırə həxədə bıə təbiiyi həxonku məhrumkon ta əvon bə təzyiği ji eqınon və fişori jiyədə bımandon.

Ehanə həmonə təloğ doey bıə jenon hamilə bıbon,de tosə çəvon zandey və mırəxxəs bıey çəvon məxaric bəçəvon şuon ehdəy.ayə bə jenon həxon barədə bıə nuktəon işorə kardedə  və çəvon fərzəndon tale həxədə bəhs karfdedə iyən kulliyə formədə hədəf ıme ki,çı jimoni həmroon keşməkeş iyən ixtilofon bə hırdəon cismi,rufi iyən hisson qıləy zərbə daxil nıkardo.....

Islom bə təloğ doə bıə jenon iyən bəçəvon həxon ayid bıə ğanunon tədvin iyən tərtibədə,qıləy məxsusə dığət iyən zərofət oko doydə.əv həm çımiku iborəte ki,ım osmoniyə din bo xıyzonon nizomi,jenon iyən boçəvon fərzəndon həxon qıləy məxsusə əhəmiyyət ğayile.iminə ğədəmədə çanədə ki,imkon heste çı təloği vəy qəteydə.əmmo,havaxti ko bə sıvi iyən qıləy dalani bırəso və ğərəz təloği həni co qıləy ro nımando,icozə doydəni ki,bın keşməkeş iyən mınoğişə zəmonədə bə jenon ya fərzəndon həxon hiç qıləy zərəl nırəso.hətto co bıeyku joqo bəpe bəhs bıbu ki, əksərən ijən sənibəton oqardey imkon mevcud bıbu və çı hırdənon həx-huğuğon nəzədə qətey bıbu....