Osmoniyə surəon-226
Osmoniyə surəon-226
Mulki mıborəkə surə bə məşhurə ğovl iyən sıxani əsos,qırd ayəonış Məkkədə nozil bıə.Mulki surə 30 qılə ayəku iborəte və çın surə əsliyə mehvər və məzmun Xıdovənde-Xalıği malikiyyət və hakimiyyətiku təşkil doydə.bın surədə kuliiyə formadə bəhs bıə mətləbon çımiku iborəte: Xıdovəndi məbdə iyən sıfəti ətrofədə bıə bəhson,xılğəti,məxsusən osmonon iyən astovəon heyrətamizə nizom və sistem,zəmini xılğət və çəy neməton,pərəndəon ofəyəmon,cari bıə ovon və quş,çəş iyən zıney əbzoron xılğət,miad və cəhəndımi əzob,əzobi məmuron de cəhəndımi əhli dialoq və votemonon,kofir iyən zolımon de çandə nev dınyəvi iyən uxrəvi əzobon torsıney və təhdid kardey...
Mulki mıborəkə surə Xıdovənde-Aləmi bo qırd aləmi bıə rububiyyət və mudiriyyətiku sıxan votedə.ım bəhs bo har aləmi qıləy rəbb ğayil bıə kəson bın etığodədən ki,ımon ya firiştə və mələkin və ya co məxloğat və Xıdovənd çı qırd aləmi rəbb və pərvərdıqor ni.bə həmonə dəlili xoto,Mulki mıborəkə surədə ilahi ziyodə nemətonku min cumlə xılğət iyən tədbiriku nom bardedə. çunki,ın neməton zikr kardey,bə ilahi umumi rububiyyəti qıləy idtidlol və dəlile.In surə de Xıdovəndi malikiyyət və hakimiyyəti iyən çəy pokə zoti əbədi bıey məsələ bino bedə:”bərkətin iyən səvolış nıbə kəs əve ki,dınyo hestemoni hukumət çəy dastədəy və(Əv)bə həmmə çiyon ğadire.həmonə kəs ki,maq iyən həyotış ofəyə ta şıməni imtovonko ki,(şımə)kon qıləyni veyçok əməl kardedə və Əv.məğlub nıbə iyən əbaxşe”.....
“Təbarək” Xıdovənde-Xalıği tərəfiku bıə bərəkoti ziyod bıey mənoədəy.həmonə kəs ki,de Rəhmoni sıfəton tarif kardə bıə və maq iyən jimonış ofəyə ta insonon imtovonko.Xıdovəndi insonon imtovon kardeyku murad iyən məğsəd,inev perosneye.
