Səhiyyə turizm-1
Səhiyyə turizm-1
Səyohət və səfə kardey,çı insonon həmməysə çokə təcrubəonku bə hisob omeydə ki,deştə bəico ziyodə təcrubə və aqahəti vardedə.dəvardə əyyamonədə millət bo bəromə, mənfəət və ixtisodi mubodiləon kəsb kardero,həmçinin qahi vaxti həm de ziyorət və avanturizmi məğsədi səfəşon kardə və adi insonon bə roy dırozəti iyən təhlukənin bıey rəğmən,kamə səyohətışon kardə.
Əmmo,ımruj de elmi-texnoloqiyə inkişofi iyən sənaye hevujəti və çandə nev nəğliyyat vositəon kəşfi xoto,həni səfə kardey jəqo həm saxt və əziyyətin ni və məxloği veyni de mıxtəlifə niyyət və motivi bə nez iyən diyəroə vıron səyohət kardedən və ım ko həm bə turiszmi sənaye bə vucud ome iyən hevujəti boyis bıə.
Turizm və səyohət kardey sənaye ımrujnə dınyoədə bə qıləy navədəjənə sənaye təbdil bıə.ım sənaye anədə ozavziyə və inkişofış kardə ki,ımruj dınyodə çı dınyo seminə veyə mənfəət vardə sənayeku bə hisob omeydə.
Turi(Tour) kəlmə həmonə səyohət kardey mənoədəy,çı Latıni tornare kəlməku peəqətə bıə və Tornos kəlmə yunani kəlməy ki,çı qıləy mərkəzi noxtə qırdo qardey mənoədəy ki,çın hərəkəti xısusiyyət bə hərəkəti sıftənə noxtə oqardeye.binobərin Touri kəlmə bə qıləy şe-omeyış bıə hərəkəti dəlolət kardedə.
UNWTO dınyo turizmi nəzəku səyohət kardey de qıləy co tərif və nomi məlume.çın təşkiloti nəzəku səfə kardey səyohət kardy yəni “fərdon ıştə harujnə jimon kardə məntəğəku bə xaric beşey və 24 saat mıddətisə vey əyo mande və isorisə bəkam və de nəvemoni hədəfi,ko niyyət və de bə bəromə kəsb kardey ayid nıbə co vıron,qıləy məntəğəku bə həmonə vırə səfə kardey bıə”.
Həyğətədə,turiszmi sənaye bə fəoliyəton,xıdməton iyən sənaye kompleksi votedən və boçımi xoto bo səyohətəkə və turiston bənə nəğliyyot,hardemon,super marketon,sətasponey vıron,muolicə məkanon və sayirə hozzı kardedən.
Qırd çımonsə əlovə,turizm qıləy sənaye ki,ımruj çı ziyodə kişvəron dığğəti mərkəzədəy.zira,turizmi sənaye çı bəromə iyən mənfəət iyən fəğrəti miyoniku bardeysə əlovə,bə kişvəron miyono mubadilaton iyən bəçəvon nez bıey həm boyis bedə.bə ın əsos dınyo kişvəron səy kardedən ta deştə təbiyi cozibədorə vıron,torıxi iyən mədəni məkonon elon və təğdım kardey,ziyodə turiston cəzbkon və ıştə turizm sənaye vəzyəti tiki həm çokkon.çımisə əlovə bə kişvəron ixtisodədə çı turizmi rol iyən əhəmiyyəti rəğmən,əvon bo turiston cəzb kardero, kişvəri sənaye infrastrukturon jıqo bə səhmon dənoydən ta çı turiston qırd ehtiyocon təmin bıbu və çəvon ıştə səfə və səyohətonədə qılə xoşə xotırəşon bıbu.
Imruj turizmi sənaye bə turisti ıştə səfə zəmonədə nəzədə qətə hədəfi rəğmən,ziyodə nevonış həm heste.de məmləkəton mədəniyyət və torıxi oşnoəti və həmçinin deçəvon ətrof muhiti və təbyəti oşnoəti,dini koon və ziyorəti bə vırə rosney və ya istirohət kardey və hətto damon və muolicə kardey, ımon həmmə çı qıləy turisti motiv və niyyət bıey bəzıne.çı turizmi nevon miyono ki,ımrujon ziyodə insonon bəştə cəlb kardə həmməysə muhimmə səhiyyə turizmie(Healt Tourizm).ehanə de tosə ısət çın nev turizmi barədə fik-fam kardey bıə be?.
UNWTO Dınyo Turizm Təşkilot məxsusə tərzədə səhiyyə turizmi jıqo təğdım kardedə:”bə qıləy fərdi səlomətəti çok bıey və bəçəy ruhiyyə bəpe şıey boyis bıə xıdməton(mineralə ovon,ob-həvo ya həkimi mudaxiləonku oko doey)və çı fərdi məskun bıə vırəku xaric bıə məkonədə ki,24 saatisə vey dəkəşo”.
Səhiyyə turizm ğədimə Yunanıston iyən Roma zəmoniku mevcud bıə və peşo bə Avropə kişvəron veyni iyən bə dınyo co kişvəron pevolo bıə.kanə zəmoniku ziyodə fərdon de ıştə rufi orom kardey iyən asudə dəvordıneyro bə ruon iyən mineralə ovon səmt şedəbin.Səhiyyə turizm məxsusən muolicə məğsədinə qılə,çı qırd turizmon miyono həmməysə həssoə qıləyniye.zira,ım mıstəğim iyən sərostə formaədə de turisti ıştən con iyən səlomətəti əloğədore.binobərin,səhiyyə sektorədə bıə turiston və səyohətəkəyon ıştə bə ın hədəfi əsos bıə səyohətonədə bəpe ziyodə dığğətışon bıbu.
