Məçit,çı mısılmınon vəhdəti simvol
Məçit,çı mısılmınon vəhdəti simvol
50 sor çımi bənav jıqo qıləy ruji yəni 1969-ə sori avqusti 21-ə ruji,sıbi vaxti saat haftədə çı mısılmınon iminə ğıblə Məscidul-Əğsa de Danis Maykl Ruhan nomo qıləy seonistə fərdi vositə otəş jıey be.bın otəş suteyədə Məçiti bə 1500 kvadrat metri nezi məsofə sute,mande.bın vağeyədə çı şəhid Nuruddin Məhmudi kanə minbər sute,mande.ım minbər həmonə minbər be ki,sultan Nasir Səlahuddin Yusif ibn Əyyub Hicri-Ğəməri 583-ə sori səlibiyonku ozodış kardəbe və bə Məscidul-Əğsa vardeşe.
Çımisə əlovə bın məçitədə Uməri məçit,Zəkəriyya mehrob,Ərbəyini məğam və çı məçiti coqlə seqlə rəvağ de çandə qılə ğovsi bə ico sute və çı məçiti bon həm rıjiye,eqıniye.
Eksperton bın hodisədə bıə təhğiğat nışon doydə ki,Məscidul-Əğsa məçiti sutey,çı seonist rejimi tərəfiku bə qıləy çı naviku hozzı kardə bıə bərnomə əsos bə əməl omə.ovi ğutb və ovi stansiyaku motoron və çı Fələstıni co şəhronku otəş okuştə maşini de təxiri omey,ın mevzu təsdığ kardedə.çın hodisə iruj bədiqə Danis Maykl Ruhan çın otəş jeıy mığəssır iyən məsul zıney be və Avqusti 23-ədə qətey be.seonist rejim bo iştimoyi fiki dığğəti cəlb kardero Ruhaışon ğeyri-yəhudi iyən çı Aavstraliyəku omə qıly turist təğdımışon karde.əmmo,əy bə məhkəmə bardeyədə əvışon bənə qıləy rufi noxəşi elonışon karde və bə Avstraliyə dərbədər kardeşone.
Bə Məscidul-Əğsa həmlə kardey və bəy otəş jıey,nəyinki,bo Fələstınıjon,bəlkəm bo har qıləy mısılmoni həyğiyə dardnokə hodisə be.İslomi İnğılobi Yolə Rəhbər həzrət ayətulla Xameneyi de seonist rejimi vositə Məscidul-Əğsa məçiti bə otəş jıey cinoyəton barədə jıqo hamyedə: bə Məscidul-Əğsa otəş jıey hodisə,nışon doydə ki,dınyo imperilyalistə ğıvvon dayimə bə mısılmonə şəxsiyyəti cilvəon zidd hərəkət kardedən və həmonə illət və səbəb bəpe çı mısılmınon zehnədə bəyji bımando. Bın cəhətədə çandə soron çın vağiyə bəpeştə,bə məçiti vırə və əhəmiyyəti və məçiti çı mısılmınon miyono vəhdəti simvol bıey dəlili xoto,İron İslom Respublikə 2003-ə milodi sori Tehronədə dəvordınə bıə İslomi kişvəron xarici koon vəziron siminə iclosi zəmonədə təklifış doe ta bə məçiti əhəmiyyəti və mıslmınon miyono vəhdəti icod kardey dəlili xoto,həmonə ruj de dınyo məçiton ruji elon be.ım ğanun de həmonə iclosədə iştirok kardə kəson vositə ğəbul be və avqusti 21 -ə ruj ha sor yəni de seonist rejimi vositə bə Məscidul-Əğsa otəş jıey ruji mıəyyən be.de ın ğanuni bekardey islomi kişvəronku tələb kardey be ki,de bə məçiti təşkiloton roli ğeymət noey hədəfi,ımruj 21 avqust bo bə məçion roli iyən mısılmınon vəhdəti təkidiro,ğeyd kardey bıbu.
