Rəhbəriyyəti nəzə
Rəhbəriyyəti nəzə
Aşurə bə oxo rəse.əmmo,çanədə dınyo ozod bıə şəxson rəhbər Huseyn ibn Əli(ə)-i Ərbəyin vey nez bedə,Huiseyniyə həyəcon həm ziyod bedə və hurriyyət piye hiss həm vey bedə.Məhərrəmə manqi 18-ə ruji ya bo İmom Huseyn(ə)-i zuvvaron mukəb ya çodı hozzı kardə və əvoni ğəbul kardə xəyyirə insonon İmom Xomeyni(r)-i nomo bıə Huseyniyyədə de İslomi İnğılobi Yolə Rəhbəri həzrəte ayətullah Xameneyi vindemonışon karde.
Məşəldoron de qıləy əzəmətin və dıjdə bəşəri ictimo,qıləy vəsf nıbə həyəcon və iştiyoğışon hestebe.Hoci Əbuşir Əlnəcəfi deştə ğəşənqə məddohəti-“hubbul Huseyn yəcməuna-İmom Huseyni eşğ əməni cəm kardedə” –handedə.Huseyn əməni i kardedə,hətto de mıxtəlifə səf və cərqəon.hətto,çandə həzo iayndeyku co bıə dastəmon həm bıbu.Huseyn əməni mıttəhid və i kardedə.Huseyn əməni bəpe bardedə....
İslomi İnğılobi Yolə Rəhbəri ım vindemonış qıləy yodo benışə və torıxi iclosış zıne və voteşone: ”çımı iminə kəlmə təşəkkure.çı səmimi-ğəlbiku və çı İroni milləti tərəfiku qırd şımə mukəb və palatkə soybonku təşəkkur kardedəm ki,Ərbəyini əyyam və rujonədə şımə ıştə kəromət və məhəbbəti vey barzə həddi buruz kardedon və çı İraği həmmə millətiku və bo zayiron əmniyyəti təmin kardə İraği devləti məsul şəxsonku təşəkkur kardedəm ki,çın yolə hərkəti zəminəon hozzı kardedən və çı İraği alim,mərcəye-təğlidonku həm təşəkkur kardedəm”.....Huseyniyə-Ərbəyin –yəni İmom Huseyn(ə)-i şəhodətiku çıl ruj bədiqə bıə ruje ki,çandə sore de ə həzrəti tərəfdoron dıjdə şemoni qıləy yolə insoni qırdbemon və konqresi təşkil doydən.çın dıjdə şemoni xıslətonku ıme ki,qırd ozodi iyən ədolət tələb kardə insonon,bo İmom Huseyn(ə)-i hədəfon bəyji oqəteyro və de əhəzrəti sənibəton əhd basteyro, bənə qıləy vohidə milləti i bedən.10 milyonisə veyə insonon qıləy məhdudə və`dəqoyədə de oroməti.əmniyyəti və de səfo iqlə vırədə cəm bəbeyn. bın ictimaədə çı İraği milləti mehmon nəvazişəti,qıləy misliş nıbə hikoyətış heste......
İslomi İnğılobi Yolə Rəhbər Ərbəyini şemoni çı Huseyniyə mərıfəti hevujəti zəminə zıneydə və votedə:əmə nəyinki,ıştə devronədə dınyodə,bəlkəm torıxədə həm soyəxımon ni ki,jıqo qıləy ictimo,jıqo qıləy hərəkət ha sor və ha sor bəsə navnə sorisə vey qam və izdihomin dəvordıney bedə,misliş ni.ım Huseyniyə hərəkət çı İmom Huseyn(ə)-i mərıfəti hevujətiyədə qıləy rolış heste.Ərbəyin de ın hərəkəti ki,umdətən çı Nəcəfi de Kərbəlo miyono hasornə şemonədə bə vucud omeydə,beynəlxalği və qlobal bıə.dınyo camaati çəş bə ın hərəkəti dutə bıə.İmom Huseyn(ə) və Huseyni mərıfət de ın əzəmətinə şemon və hərəkəti bərəkəti qıləy beynəlxalğ və qlobalə hərkəti təbdil be.....
