İlahi əsma
İlahi əsma
Xıdo bandəon bə İlahi əsma və sıfəton dast pəydu kardey və zıney,lozıme.İmom Əli ibn Musə Rıza(ə) bın barədə hamyedə:”Xıdovənd boştə əsma və nomonış vıjniyəşe ta məxloğat deçəy vositə çəy əsma və nomon vanqkon və bızınon”.
Bo Xıdovəndi zıneyro nomonku qıləyni həm “Ğuddusi” nome.ım nom çı Xıdovəndi tənzihi nomonkuye ki, Xıdovəndi çı bəşəri harcurnə sıfətonku bə diyəro və pokəti bəyon kardedə...
Ğuddus ərəbi ədəbiyyotədə çı Ğudsi rişə muboliğə formay.mubaliğə formə ıme ki,vəsf və sıtoyişədə və ya ikəs ya qıləy çi mızzəmət kardeyədə əxtə və anədə de tındə formə və mıboliğə formaədə bedə ta məsəkəs çəy əhəmiyyəti dərkko.Ğuddus pok,beayb beofot və benoxsanəti mənoədəy.Ğuddus həmonə Xıdoy ki,çı har qıləy ayb və noxsaniku pok və mınəzzəhe.qıləy Xıdo ki,şı şərik iyən fərzənd soyb bıeyku,əbəs və bihudə koonku bədiyəroye.Ğuddusi bəyonədə çın rəvoyətiku bəhrə bardey bəbe ki,hamyedə:”Allahul Ğuddusut-Tahiru min kulli şəy”.......
Ğuudus Kərimə-Ğıronədə dı kərə tikror bıə.qıləyni Həşri mıborəkə surə 23-ə şərifə ayədə ki, hamyedə:”huvəllahulləzi......əve Xıdo ki,ğərəz əv co qıləy Xıdo ni,Əv podşo və har qıləy ayb və noxsaniku poke.
Ğuddusi şərifə kəlmə omə dəminə mıborəkə surə Cumuə mıborəkə surə sıftənə şərifə ayəy ki, hamyedə:” Yusəbbihu lillahi.....osmonon iyən zəminədə bıə çiyon,(bo)Xıdo təsbih votedən”.qıləy Xıdo ki,malik iyən hakime və çı har qıləy ayb və noxsaniku mınəzzəhe.veyzumand və həkime”. Ğıroni mıfəssıron Ğuddusi çı harcurnə zohiri iyən botıni nopokəti iyən mırrdolətiyonku pok hisob kardedən.əvon bənə Naziati mıborəkə surə 16-ə şərifə ayə və Taha mıborəkə surə 12-ə şərifə ayəon işorə kardedə.joqo ki,hamyedə:iz nadahu rəbbuhu.......bə zəmon ki,çəy(Mosə) pərvərdıqor Tuva mığəddəsə sərzəminədə sədoş karde və hamyedə:”fəxlə` n`ələykə...ıştə məşoon bekə,tı tuva mığəddəsə sərzəminədəş”.
Məşo əksərən nopoke və Tuva sərzəmin qıləy mığəddəsə məkone.liza,Xıdovənd bə həzrəte Mosə(ə)-i ƏMR KARDEDƏ Kİ,ıştə məşo ıştə lınqiku bekardo və ım təbir zohiri nopokətiku pokətiye və co tərəfiku həm Bəğərə mıborəkə surə 30-ə şərifə ayədə omə ki,mələkon Odəm(ə)-i ofəyə zəmonədə bə Xıdovəndi jıqo xitob kardeşone:”və nəhnu nusəbbihu.....əmə ıştı təsbih və həmdi bə vırə rosnedəmon və tıni mınəzzəh və pok hisob kardedəmon”.bın ayədə pokəti Xıdovəndi har qıləy şırk və misliku tənzihe......
