İlahi əsma

İlahi əsma

Kərimə-Ğıron Ərafi mıborkə surə 180-ə şərifə ayədə Xıdovəndi ziyodə nomon de “Əsmaul-Husna” yəni həmməysə çokə nomi unvani ğeyd kardedə.həmçinin dəvardə bərnoməonədə bə ım mətləbi həm işorəmon karde ki,ğərəz Allah nomi co ilahi nomon Xıdovəndi sıfəton məxsusə baxşi ehtivo kardedə.ısət həm min cumlə Xıdovəndi xassə nomonku qıləyni yəni səlomi nomi ğeyd kardedəmon.Səlom botıni iyən zohiri ofotonku səloməti tələb kardey mənoədəy və ın məno bənə səlomət, islom, təslim,səlim iyən co qırd kəlməonədə cariye.

Səlom səloməti mənoədəy və çəy həyğət Xıdovəndi səmtiku nozil bedə və bə cokəson rəsedə.bə həmonə dəlili xoto,səlom doey bə bərəkət iyən hərəbaxtəti boyis bedə və ın nomi tikror kardey bə mabhubə nomi ziyod zikr kardey səbəb bedə və ğasbu həm silomi mığəddəsə dinədə bə səlomi jıqo təkid kardey bə həmonə ım xıslət və xısusiyyəton xotoye.Səlomi kəlmə Kərimə-Ğıronədə çıl kərə tikror bıə və qahi vaxti Xıdovənd bəştə ıştən vıjniyə şəxsob səlom vığandedə.səlom de bərəkəti bə icoye və İronıjə yolə mıfəssır iyən filosof ayətullah Cəvadi Amuli bın barədə hamyedə:”həmməysə çokə təhiyyət ki,Xıdovəndi boştə ənbiya və salehə bandəon vığandəşe,səlome.ım səlom qahi vaxti bevositəy.bənə həzrəte Nuh(ə) iyən İbreym(ə) doə bıə səlom və qahi vaxti həm deştə bənə Mosə(ə)-i bıə kəlimi və ovliyaon zıvoni bəştə salehə bandə rosnedə.çoko ki,Taha mıborəkə surədə 47-ə şərifə ayədə hamyedə:”vəssəlamu əla mənittəbə`əl huda! Bə hakəs ki,bə hidoyəti tabe bedə,səlom bıbu”.