Suriyədə Mığovimət Cəbhə bə DAİŞ-i səbarzəti dıminə sorəqardış
Suriyədə Mığovimət Cəbhə bə DAİŞ-i səbarzəti dıminə sorəqardış
Suriyədə Mığovimət Cəbhə bə DAİŞ-i səbarzəti dıminə sorəqardış
2011-ə milodi sor Suriyə bə anti-devlətə etırozon bə əməl ome y şoyd be.ə etırozon ki,de ərəbi-ibri-ğərbi mehvər və mərkəziyyəti bə qıləy terroristə canq və mıhoribə təbdil be.Suriyə behronədə bə çın seqlə mıdoxilə təsiri xoto,çımi bənav coqlə kişvəronədə məxsuən Əfğanıston iyən İrağədə bıə,terroriston omin Suriyədə mıstəğğər bin.Suriyədə çandə qılə bə əməl omə qırd ım terrotistə qrupon de ın zikr bıə seqlə mehvəri vositə be və dınyo 80 qılə məmləkətonku cəzb bıə terroriston de Suriyə nizomi canq kardero bə ın kişvər daxil bin.DAİŞ terroristə qrup qıləy muhimmə dastəonku be ki,de Suriyə nizomi canq kardero ıştə fəoliyyətışon bino karde.
Im terroristə qrup 2003-ə sori de Amerkə bə İraği həmlə kardey iyən de Səddam Huseyni suğuti 15 sorisə vey de mıxtəlifə nomon fəoliyyətışon nışon doe və 2014-ə sori həm de Əbu Bəkr Əlbəğdadi rəhbərəti “İrağ iyən Şam islomi hukuməti” nomi ıştə mevcudiyyətış rəsmən elonış karde və İrağ iyən Suriyədə ziyodə zəminonışon bəştə dast vardeşone və zəbt kardeşone...
DAİŞ terroristə qrup İrağ iyən Suriyədə ziyodə zəminonışon bəştə dast vardey və işğal kardey bənav, Suriyədə Rığğə və İrağədə həm Mosul şəhrışon boştə xilofəti poytaxt elon kardeşone və vıjniyeşone. DAİŞ de girov qətə kəson iyən sərbozon edom kardey iyən sə bırniye videoon intişor iyən pevolo kardey taktika,insonon dılədə tars və vəhşət kardey dumo bin.
İroni Ğuds ləşkəri komandir Ğasım Suleymani bə İslomi İnğılobi Yolə Rəhbəri de qıləy nomə vositə elonıış karde və bə ım terroristə dastə“fitnə ləşkər”nomış noe və çın cinoyətkorə dastə cinoyətonış bə təsvir kəşe.əv bın nomədə çı xıyzonon mığobilədə çəvon hırdənon sə bırniye iyən bəyji-bəyjiçəvon pusti lu kardey səhnəon,çəvon beqınoə kinon və jenon əsir qətey iyən bəvon təcavuz kardey,fərdon bəyji-bəyjisutuney,çandə həzo cıvonon sə bırniye,əyo camaat nımoji bərpo bıə holədə çandə həzo məçiton və mığəddəsə mərkəzon vırto-volo kardey və sayirə çı DAİŞ terroristə qrupi bə vırə rosnə cinoyəton ibaxşonku bə hisob omeydə.
