İlahi əsma

İlahi əsma

Xıdovəndi Kərimə-Ğıronədə elon kardə coqlə nomonku qıləyni həm Muhəymine.Muhəymin hafiz,Əmniyyətəbaxşi mənoədə,coqlə ismonkuye ki,Xıdovənde-Aləmi ıştənış Kərimə-Ğıronədə tevsifış kardə.Xıdovənd muhəymine.yəni bəştə bandəon əməlon mığət və şoyde.qıləy Xıdovənd ki,insonon dılonədə punhon iyən puşniyə bıə çiyonku aqah və xəbədoey.və hiç qıləy mevcud çəy elm iyən ğudrəti seytərə və dayirəku xaricədəy.Ğıron Həşri mıborəkə surə 23-ə şərifə ayədə hamyedə:Huvəllahu…..

Ğıron Həşri mıborəkə surə 23-ə şərifə ayədə hamyedə:”Əv qıləy Xıdoye ki,ğərəz əv məbud ni.əsliyə hakim iyən mailk əve.har qıləy aybiku mınəzzəhe,bə ikəsi sıtəm nibəkarde.bə muminon əmniyyət baxşeydə.aləm iyən aləmi odəmon hıvoskəy.əv qıləy məğlub nıbə ğudrətmənde ki,deştə nufuzəkə irodə har qıləy ko isloh kardedə.əv bə yolyəti loyığe.Xıdovənd boəy şərik ğərol doə çiyonku mınəzzəhe(poke)….

Muhəymin həmçinin bın mənoədəy ki,Xıdovənd bəştə qırd ofəyə çiyon komilə hakimiyyət və sultəş heste.ehanə çok-çoki və de dığğəti bə hestemoni aləmi nəzəkəmon,mışohidə bəkardemon ki,qırd məxloğat bə Xıdovəndi fərmon iyən əmri əsos əməl kardedən.haruj həşi ıştə mədor iyən dayirədə bə hiç qıləy xəto ro nıdoə holədə şərğədə pemedə və ğərbədə həm eşedə.tıvostoni fəslədə qam ziyode və zımostonədə qam kame.osmoni astovəon bə səhro iyən dıyoəvonon ro və cəhəti nşon doydə.insoni bədəmi uzvon quş,çəş,vini.zıvon de tosə dıli və ciqər ,ımon həmmə  ıştə koon de Xıdovəndi irodə və fərmoni bə vırə rosneydə.iyo hiç qıləy təsaduf mevcud ni.çoko ki,Xıdovənde-Aləm Yasini mıborəkə surə 37-40-ə şərifə ayəonədə hamyedə:boəvon coqləyni nışonə şəve ki,əmə ruji çəyku seydəmon.ğəflətən toykiyəti əvoni dəqətedə.və həşi dayima bəştə məxsusə vırə səmt hərəkət kardedə.ım Ğadir iyən Əzınə Xıdovəndi təğdıre.və bo ovşımi mənzılon ğərol domone.nəhoyətən,bənə qıləy xımo zardə ranqi və ğovsvari surətədə beydə.nə bə həşi loyığe bə ovşımi bırəso və nə şəv bəsə rujisə bənav dəbəşe və har qıləyni ıştə mədor iyən orbitədə sınov hardedən(hərəkət kardedən)….