İlahi rəhbəron-6

İlahi rəhbəron-6

Ğureyşi ğəbilə uzvon qahi zəmon bə xariciyon ya Məkkədə qıləy xıyzon iyən əşirəş nıbə kəson sıtəm kardedəbin.min cumlə qıləy ruj Yəməniku iqlə merd ıştə məhsulonış bo həvatero bə Məkkəş barde.ikəsi çəy molonış hıriye,əmmo çəy məbləğış pərdaxtış nıkarde və nıdoeşe.əve çəvon miyono mıbohisə və dave eqıniye. həmonə məhsuli həvatəkəsi çəş bə Kəbə kəy kəno nıştə Ğureyşi peqıniye. Çəy nolə və zikməvulə rost be və de fəryodi tələbi qıləy şerış hande.çın macəra bədiqə Ğuireyşi kali toyfəon qırd bin və bə iyande sıxanışon doe ki,çı məzlumon həxı zolımonku bıstənon.peşo Ğureyşi əyon-əşrafi qıləyni kəyədə cəm bin. əvon de iyande əhd-peymonışon baste və ğəssəmışon harde ki,de iyande i və mıttəfiğ bıbon və çanədə ki,mevcud bıə imklonaton icozə doydə,məzlumon həxon çı zolımonku bıstənon.ım qıləy əhd-peymon və saziş be ki,Muhəmməd(s) ıştə cıvonəti zəmonədə həmonə sazişədə iştirokış karde və ım həmonə rujonədə çı ərəbon miyono həmməysə vey şərofətin və vey yolə əhd-peymon be....

Muhəmməd(s) –i jimon bımi qıləy ruşinə şoydətiye ki,çokonə ə həzrət həmonə nosolim iyən dətosniyə bıə muhitədə nəyinki,ıştə pokə dovnəş çı qırd yavə çiyon iyən qınoonku oqətışe,bəlkəm,çoko-çoki qıləy ovandətiş pəydu karde ki,bə qırd fəziləton rioyətko və çı inhirof iyən qınonku bə diyəro bımando.joqo ki,bə ə həzrəti Muhəmmədəmin ləğəbışon noəbe və həmmə kəs bə ə həzrəti etıbo və etımod kardedəbe. bə ın mevzu coqləyni şoydəti,qıləy dıjdə torıxi hodisəy ki,çə həzrəti besəti bənav Məkkə sərzəminədə bə əməl ome.joqo ki,Məkkə yolon bə fik omin ki,Xıdo kə hevujkon.bəçəy xoto,əvon kali vırəşon xərob karde ta omin rəsin bə Həcərul-Əsvədi ki,dini nəzəku vey mığəddəs və ehtırom kardənin be.iyo çı çoqlə dıjdə ğəbilə miyono ixtilof eqıniye.har qıləy ğəbilə dılış hestebe ım iftixor bəvon nəsib bıbu və həcərul-əsvəd deçəvon dasti bəçəy vırə noey bıbu.ım ixtilof vey zumand be və ğəbiləon dastışon ğande bə şımşi ta de iyande canqo-cidolkon.Ğureyşi yolon de iyande məsləhət və məşvərət kardeşone ta çın məsələ həlli roy pəydukon və çı ğəbiləon miyono bıə canq iyən xun rukardey vəy bıqəton və çı Məkkə həmonə tıpemoni holətədə bıə vəzyəti bə qıləy normal holi biyon. Çəvon miyono qıləy şəxs hestebe ki,çəy nom Əbu Uməyyə Muğəyrə Məxzumi be ki,çə camaati həmməysə vey sinnış bıə odəm be.əy voteşe:şımə ım canq iyən xunrukardey bə kəno bınənən və ın həlli roy ğəbulkənən.joqo ki,şımə Səfaku omə və iminə daxil bıə kəsi bo həkəmiyyətiro ğəbulkənən.həmmə kəsi ım təklifışon ğəbul karde.ğəflətən Ğureyşi cıvon həmonə bəku bə Məscid daxil be.həmmə kəsi voteşe ki,ım həmonə Muhəmmədəmine və əmə çəy həkəmiyyəti ğəbul kardedəmon.