İronədə hovzə və unversteti vəhdəti ruji elon kardey

İronədə hovzə və unversteti vəhdəti ruji elon kardey

 İron İslom Respublikədə Azərə manqi 27-ə ruj de Elmiyyə hovzə və Unversteton vəhdəti ruji elon və ğeyd kardey bıə.41 sor çımi bənav jıqo qıləy ruji yəni 1358-ə Həşi sori Azərə manqi 27 və 1979-ə mİlodi sori dekabrə manqi 18-ə ruji ayətullah doktor Muhəmməd Mufəttih ki,çı İslomi İnğılobi barzə uzvonku və İmom Xomeyni(r) dustonku be,de İnğılobi mıxolifə terroriston dasti bə şəhodəti məğami rəse.əv ki,çı elmiyyə hovzə iyən dini koon barzə ruhani və mutəxəssisi be,unverstetədə de barzə səviyyədə bıə elmi təhsili bə dast vardey,elmiyyə iyən ali məktəbon bə iyande nez bıeyədə yolə rolış ifo karde və ım ko İronədə bə elmi və mədəni muhimmə istehsolon mərkəzi təbdil be.əv nəyinki,çı hovzə və unverseteton vəhdəti simvol be,bəlkəm ıştə bovə və əndişədə həm bə İroni camiyə dıqlə muhimmə elmi iyən mədəni hissə bovəş hestebe və İslomi inğılobi çın dıqlə muhimmə hissə bə iyande dəçıkey məhsul hisob kardy bəbe və çın dıqlə onemoni de iyande vəhdəti nığləti bo camiyə nicot iyən hərəbaxtətiro zəruri zıneydəbe. …

Torıxi nəzəku İslomi Dınyo Elmiyyə hovzəon qıləy ğədimə stajışon heste və məxsusən çı şiəyon miyono bıə ki, iminə kərə Hicri-Ğəməri çominə sa sorədə Nəcəfi şəhrədə de şeyx tusi vositə təsis be. əmmo, Unverstet qıləy mədəni iyən iyən nuyə təşkilot bə hisob omeydə.unversteti onemon bə eyni zərurəton əsos İronıjə camiyə de ğərbi mubohisəninə təamuliku nəşət sıə və de mutəxəssiə insonon təlim-tərbiyə hədəfi be ki,kişvərədə de ğərbi inkişofi bo və sənaye,hərbi iyən ixtisodi poəti bə kam kardero bəştə duşışon peqətə,bə vucud omə.harçənd unverstet iminə kərə  Əmir Kəbiri sədrəti zəmonədə de Darul-Fununi təsis kardey bə əməl ome.əmmo,Tehroni unverstet iminə kərə ironədə təsis kardey be.Həşi 1313-ə və Milodi 1934-ə sori çə zəmoniku jıqoşə 85 sor dəvardedə və çın devroni dırozi çın ali məktəb və kişvəri co unverstetonədə ziyodə tələbəon fariğut-təhsil ya məzun bıə ki,çı kişvəri ovdonəti iyən tojə kardey koyədə hərkətışon kardə.əmo,elmiyyə hovzə çandə ğərn və əsr bənav çı cıvonon təlim iyən tərbiyə koy vəzifəş bəştə ehdəş peqətə.elmiyyə hovzə və dini məktəbon çandə soron bənav və hələ unverstet bə İron daxil bıə nıəbe,çı cıvonon təlimi koş bəştə ehdəş peqətəbe.harçənd ım təlimon bə dini koon məhdud be və əyo nuyə elm və təlimonku qıləy xəbə nıbe…..

De bənə bə İroni daxil bıə onemoni nomi unversteti təsis kardey və bə təlimi mıəssisəon nizomi ğeyri-dini  təlimi hakim bıey,de tədrici ın zehniyyətış camiyədə bə vucudış varde ki,unverstet iyən hovzə dıqlə de iyande tafut doə,bəlkəm de iyande ziddiyyət təşkil doə qıləy mısəssiəsən.boçi ki,çı unversteti əsos bə ağl,elm iyən insoni bovə kardey və hovzə təşkilot bə imon iyən imoni əsos təsis bıə.ım zehniyyət dıqlə da soron ki,bə camiyə hakim be,əmmo 1330-ə Həşi sori  yəni milodi 1950-ə sori mumin iyən dindorə tələbon bə unversteti daxil bıey  və hovzə onemoni de ali məktəbonədə tədris bıə nuyə elmon oşno bıey bədiqə,tədricən çın dıqlə təşkiloton miyono bıə biyə ov be və çın dıqlə onemoni miyono həmkoəti vəö həmrayəti bə əməl ome.bın miyono İronədə de istibdad və zılmi ziyod bıey və de unversteti tələbon bə ico  dini tələbəon hakim bıə siyosi nimozi tənğıd kardey,de surəti çın onemoni miyono qıləy hevuj iyən nığılə rabitəş bərpo karde.İmom Xomeyni(r) kişvəri siyosi ərsədə zuhur pəydu kardey və çə həzrəti bə bə unverstet iyən tələbon bıə mısbətə nəzəvə çın dıqlə təşkiloti həmkoəti iyən vəhdəti zərurəti təkid kardey,çı hovzə de  unversteti miyono hakim bıə mənfiyə zehniyyətış darışte.