İlahi rəhbəron-203

İlahi rəhbəron-203

Beşəkk,ehanə ım əxloği iyən insoni erjon bə camiyə fəzo hakim bıbu,soyal rabitəon vey ğoym və zumand bəkarde,kin-kudurəton çı miyoniku bəbarde və de səfo iyən səmimiyyəti pur bıə qıləy fəzo bə ərməğon bəvarde.əmmo çı qırd ım vırəon icro kardey lozım bıə şərton,çoko ki,İmom Həsən Əskəri (ə) hamyedə: ”dinşınosi de dini bəsirəti malik bıey,ıştə koonədə ğoyməti və de bə Ğıroni(təsirinə təlimon)rioyət kardey  bə əməl omeydə.yəğınən İslomi dınyoədə veyə mınhərifon  və kəcəroon bə dini bəsirəti nıbey və bə osmoniyə təlimon rioyət nıkardey və çı Ğıroni hədəfinə rahnumaku məhrum mandey xotoye.ısət əgər mısılmınon diniku qıləy nığılə məlumotışon bıəbe və əməli surətədə  bə Kərimə-Ğıroni ruşinə nido və mehkəmə hidoyəton dıləsoxt quş doəşonn be,ımruj əmə İslomi kişvəronədə jıqo vironəon,ixtilofon və canqon şoyd nıəbimon və  çəy əvəzi  dınyoədə çı İslomi dınyo vəhdət,əzəmət və zumandəti şoyd əbimon...

İmom Həsən Əskəri(ə) ıştə erjinə sıxanon dəvomədə bə iştimoyio məsuliyyət və missiyə işorə kardə holədə hamyedə:”şıməni bə xoşəxloğəti,bə çokətiyon iyən erjon fərmon doey və bə erjon zidd bıə çı yavə çiyonku bə diyəro mandey sıfarış kardedəm”.peşo ə həzrət bə Kərimə-Ğıroni ayəon istinodən hamyeşe:”Barzə məğami soyb bıə Xıdo hamyəşe:”.sırrinə sıxannədə hiç qıləy foydə və xəy ni illa boəkəsi ki,de sədəğə doey və çoki kardey və milləti miyono isloh kardey qıləy sırrinə sıxan bıvoto.*hakəs bo Xıdo xoto ımko bıko)rəyrə Xıdo bəy dıjdə əcr( səvob) əto bəkarde.(Nisa -114). İmom Həsən Əskəri(ə) oxoyədə jıqo hamyedə:”şıməkum piyedə çı qırd yavə və bevəcə koonku dast bıkəşənən və çəvonku bə diyəro bımandənən”....

Bəşəri jimoni qırd səhnə və etat-petatonədə əsosinə rol ifo kardə,əy bə pokəti səmt sovğ doə və mı yavə koonku bə diyəro haştə  amilonku qıləyni,nımoji bərpo kardeye.çın vocibə fərizə kəno şəvi nımoj həm bənə qıləy mıstəhəbbi əməli unvoni bəy ziyodə sıfarışon bıə.ğərol doey bıə.şəvi nımoj ki,bo Peyğombəre-Əkrəmi(s) vocib be,çı islomi təsirinə bərnomə və əməlonku bə hisob omeydə.şəvi nımoj insoni deçəy təbiiyi ehtiyoconku bıə deştə Xalıği xəlvət və razo-niyoz kardey iyən ıştə nəfsi piyo kardey dərsi bəy omuteydə. İmom Həsən Əskəri(ə) bın barədə hamyedə:”bəşmə şəvi nımoji bərpo karey sıfarış kardedəm.çoko ki,Xıdo-Rəsuli(s) se kərə bə Əli(ə) hamyeşe:”şəvi nımoji bərpokə və ikəs ki,şəvi nımoji sıvık bızıno çəməku ni.”.binobərin şımə həm bəçımı vəsiyyəti dığğətkənən və bəy əməlkənən”.bın nomədə vey muhimmə nuktə ıme ki,İmom(ə) ıştə ro nışon doə kəlomon oxonə hissədə hamyedə:”çımı bətı votə çiyon bəçəmə həmmə rostə şiəyon bırosn ta əvon həm bəy əməlkon”....

Beşək təblıği həmməysə təsirin iyən səmrəninə qıləyni islomi ilhom baxş kardə fərhənqi cəzb.nığo doey iyən oqətey və bə Kərimə-Ğıroni təsirinə rahnuma və hidoyəton əməl kardeye.çun hiç qıləy amili bənə əməli təsirış ni,əve bəpe çı qırd iddio iyn şuoronku bə diyəro mandə holədə ıştə əməli bəfodorəti iyən sədoğəti nışon bıdəmon.İmom Həsən Əskəri(ə) bın zəminədə dığğət kardəninə sıfarışonış heste ki,ısət əmə əvoni bəşmə xıdmət rosnedəmon.ə həzrət bəştə rostə şiyə iyən tərəfdoron xitobən hamyedə: ”şıməni dinədə bə İlahi təğvo,vərə` və pərhizkorəti  iyən bo Xıdo xoto səy və cəhdi sıfarış kardedəm. qəpədə rostəvıj bıbənən və şıməni əmin zınə kəsi əmonəti bəy oqordınən.ısət çı çokə ko soybə inson bıbənən və ya jəqo həm dısrstə ko soyb nıbon.nımoji zəmonədə(bo ıştəni təvazukor nışon doeyro) IŞTƏ SƏJDƏON DIROZKƏNƏN VƏ DEŞTƏ HAMSUYƏON ÇOKƏ RƏFTORKƏNƏN Kİ,QIRD IM ŞİVƏ və siyrə çı islomi –peyğombəri(s) şıə siyrə və ro bıə