İlahi rəhbəron-206

İlahi rəhbəron-206

İmom Həsən Əskəri(ə) nezə səhobə və xıdmətkoronku qıləyni bıə Əhməd ibn İshoğ Əşəri Ğomi əhliku be.əv çı İmom Həsən Əskəri(ə) məhzəriku dəparsə bıə əsosə sıvol iyən ideoloji ehtiyocon bə milləti intiğol iyən ovoştıneyədə qıləy fəal iyən təsirinə rolış ifo kardə.joqo ki,İmom Həsən Əskəri(ə) de qıləy tədəbbır iyən ağılmandə formədə çəvon cəvobi doey bəpeştə,ım yolə şəxsiyyət əvoni bə miləti rosneydəbe.əv vəğfi koonədə həm lozım bıə fəoliyyətonış bıə və məşhure ki,de İmom Həsən Əskəri(ə) əmri əv Ğomi şəhrədə binoş karde bo məçiton soxtey ki,ımruj həm de İmom Həsən Əskəri(ə) məçiti nomi məşhure.Əhməd ibn İshoğ İmom Həsən Əskəri(ə) bənav çı İmom Cəvod(ə) iyən İmom Hadi(ə) məhzəriku həm bəhrəşon bardə və ziyodə hədisonış nəğl kardə.Əhməd ibn İshoğ votedə:qıləy ruj vindemononədə bə İmom Həsən Əskəri(ə) xıdmət rəsim və çə həzrətiku piyeme ki,qıləy çi bınıvışto ta mı çəy xətti bıvindom və havaxti qıləy toği iyən de dasti nıvıştə daxil bıbu,bıdə az əy bızınom.İmomi(ə) hamyeşe:ha Əhməd ha!de dıjd iyən hırdə ğələmi xət ıştı nəzədə mıxtəlif məlum beydə.məbodə bə şəkk dəşoş.(bə xətti uslubi nəzəkə,nəyinki,bəçəy qədə və dıjdəti)peşo mırəkkəbış tələb karde və qıləy xəttış nıvışte.ə həzrət nıvıştə zəmonədə ıştən boştə voteme:çə həzrətiku tələbkom ki,həmonə nıvıştə ğöələmi tələbkom ta əy bəmı bıbaxşo.çoko ki,İmomi(ə) nıvışteşe və nıvışteyku farğ be,binoş karde demı bo sıxan votey və bın zəmon həmonə ğələmi deştə dastmoli pok kardedəbe.peşo hamyeşe:”biyə peqət ımi ha Əhməd ha! Və ə həzrəti həmonə ğələmış bəmı doşe.....

İmom Həsən Əskəri(ə) məktəbədə perəsə və elmış kəsb kardə şəxsonku qıləyni Əbu Haşım Davud ibn Əlğasım Cəfəri beki,çəy nəsəb və şəcərə bə islomi peyğombəri(s) amuyəzo və səhobə bıə Cəfər Təyyari rəseydə.əy ıştə xıyzoni miyono qıləy məxsusə vırə və məğamış hestebe və çı İmom Cəvod(ə),İmom Hadi(ə) iyən İmom Həsən Əskəri(ə) nəzdədə həm qıləy xısusi barzə məğam və mənzilətış hestebe və qıləy kırtə mıddətədə həzrəte İmom Məhdi(ə) de ğeybəti suğra mə.hur bıə ğeybəti devronədə çə həzrəti məxsusə nımoyəndə və xıdmətkoronku qıləyni be.çımisə əlovə həm çandə qılə İmomonış(ə) aqahəti baxş kardə təsirinə devronış dərk kardə be və əv çı islomi əslə maarif iyən təlimonış omuteysə əlovə,təşəyyu və şiyə məktəbi təblıği koonədə de ziyodə yolə insononku rəvoyəton nəğl kardey, bə çın məktəbi mədəniyyəti pevolo bıey boyis bıə.Əbu Haşım Davud ibn Əlğasım Cəfəri qıləy ədəbi məxsusə zevğış hesyeb və əv çı Əhli-Beyt(ə) ismət və təhorətədə vəsfədə şeeronış nıvıştə ta de ın roy vositə çı camiyə aqahəti iyən şuuri səviyyə bə peyğombəri9s0 pokə xıyzoni barzə məğami nisbətədə qıləy barzə nəzəşon bıbu.....