İlahi rəhbəron-207

İlahi rəhbəron-207

İmom Həsən Əskəri(ə) məktəbədə perəsə və elmış kəsb kardə şəxsonku qıləyni Əbu Haşım Davud ibn Əlğasım Cəfəri beki,çəy nəsəb və şəcərə bə islomi peyğombəri(s) amuyəzo və səhobə bıə Cəfər Təyyari rəseydə.əy ıştə xıyzoni miyono qıləy məxsusə vırə və məğamış hestebe və çı İmom Cəvod(ə),İmom Hadi(ə) iyən İmom Həsən Əskəri(ə) nəzdədə həm qıləy xısusi barzə məğam və mənzilətış hestebe və qıləy kırtə mıddətədə həzrəte İmom Məhdi(ə) de ğeybəti suğra mə.hur bıə ğeybəti devronədə çə həzrəti məxsusə nımoyəndə və xıdmətkoronku qıləyni be.çımisə əlovə həm çandə qılə İmomonış(ə) aqahəti baxş kardə təsirinə devronış dərk kardə be və əv çı islomi əslə maarif iyən təlimonış omuteysə əlovə,təşəyyu və şiyə məktəbi təblıği koonədə de ziyodə yolə insononku rəvoyəton nəğl kardey, bə çın məktəbi mədəniyyəti pevolo bıey boyis bıə.Əbu Haşım Davud ibn Əlğasım Cəfəri qıləy ədəbi məxsusə zevğış hesyeb və əv çı Əhli-Beyt(ə) ismət və təhorətədə vəsfədə şeeronış nıvıştə ta de ın roy vositə çı camiyə aqahəti iyən şuuri səviyyə bə peyğombəri9s0 pokə xıyzoni barzə məğami nisbətədə qıləy barzə nəzəşon bıbu.....

İmom Həsən Əskəri(ə) coqlə əshobonku qıləyni ki,İmom Hadi(ə) həm dərkış kardəbe və ğeybəti-suğra zəmonədə iştirokış hestebe,çı Şiyə yolə alim və muhəddis Əbdullah ibn Cəfər Himəyriye ki,Hicri-Ğəməri seminə və çominə əsri barzə şəxsiyyətonku bıə.əv çı şiyə imomon de əshobi miyono bıə fiğhi iyən kəlomi məktəbon kali qıləyniş cəm kardə və təlifış kardə.əv “Əddəlayilul” nomi muhimmə kitobış  İmoməti mevzu barədə zınəşe və de tosə haftminə əsri çı elmi muhəğğiğon dastrəsədə bıə.min cumlə çəy coqlə erjinə əsəronku qıləyni “Əlğeybə” kitobe ki,çı həzrəte Məhdi(əc) ğeybəti fəlsəfə barədə  nıvıştə bıə və çı Şiyə coqlə yolə alim şeyx Tusi de həmonə nomi qıləy kitobış mıntəşirış kardə,ziyodə rəvoyətonış Himəyriku nəğlış kardə.məələsəf çın yolə alimiku mandə yeqanə kitob “Ğurbul-Əsnad” kitobe və bə əsəron şomil beydə ki,əyo ravi hədisış de vey kırtə roy və təriği de tosə Məsumin(ə) nəğlış klardə...

İmomət və viloyəti məktəbədə perəsə yolə alimonku qıləyni Əbu Umər Osman ibn Səd Əmriye.əv çı İmom Hadi(ə),İmom Həsən Əskəri(ə) iyən həzrəte Məhdi(əc) barizə nımoyəndə və əshobonku qıləyni be.əv yonzə sinnədə bə İmom Hadi(ə) xıdmətədə tərbiyəş vində,perəsə və de tədrici çı kəmoli mərtəbəonış dəvardə.tosə ə zəmoni ki,qıləy elmi iyən iştimoyi barzə məğam və vırəş pəydu karde.har seqlə buzurquvarə İmomon(ə) əy bənə çəvon de milləti miyono qıləy pard və rabitə unvoni təğdım kardedəbin və çı həzrəte Məhdi(əc) imoməti zəmonədə həm  və ğeybəti-suğra devronədə çə həzrəti məxsusə nımoyəndə be və çəy çı İmom Hadi(ə) iyən İmom Həsən Əskəri(ə) etımod kardə nezə odəmonku be ki,havaxti milləti İslomi hukmon və dini koonədə sıvolonışon hestebe,həmonə buzurquvarə İmomon(ə) əmr kardedəbin ki,bə Osman ibn Səidi ovardkon və har dıqlə İmomon(ə) hamyəşone:”çəmə etımod kardə və əminə odəme.çiç nəğl kardedə çəməku nəğl kardedə və bəşmə rəsə çi çəmə tərəfiku bəşmə rsonəşe”......