İlahi rəhbəron-209

İlahi rəhbəron-209

Harçənd çı İlahi rəhbəron hədəf və ideyalon hiç qıləy əsr və devrədə çoko ki,əvon piyəşone jəqo həm  bə əməl nıome,əmmo de bə “vəomə vindey” usul və prinsipi dığğət kardə holədə əvon nəyinki,qahi zəmon bə şəkk və məyusəti dıço bıənin,bəlkəm  de bə İlahi həxə və`dəon rəğmən çı həxı bə botıli oxonə səbarzətiyədə bo bəşəri camiyə qıləy ruşinə ayəndə və vəomə tərsim kardəşon,kəşəşone.qıləy ayəndə və vəomə ki,de həzrəte İmom Məhdi(əc) zuhur və ğıyomi bə əməl bome və çı qırd peyğombəron,məsumə imomon(ə),ozodi tələbəkəyon,bə zılmi əks beşəkəson.məzlumon,sıtəm vində kəson,ədolət tələbəkəyon və Vohidə Xıdo pərəstış kardə kəson oxonə hədəfon bəvədə komil və ətrofinə şikilədə real bəbe və bə həyğəti bərəse və çı həyğəti aşığ iyən çəy dumo bıə kəson komi çandə əsr teləti bəpeştə de Yolə Xıdo koməki şin və təmin bəkarde.de jıqo qıləy perspektivi İslomi har qıləy rəhbər və imom çı həzrəte İmom Məhdi(əc) həxədə sıxanonışon votə və çə həzrəti zuhur iyən ğıyomi barədə xoşə bəşorətınışon doə ki,ısət əmə bəvon işorə bəkardemone...

Əbu Səid Xıdri nəğl kardedə ki,məseme Xıdo-Rəsuli(s) çı minbərisə jıqo hamyeşe:”həyğətən,Məhdi çımı İtrət və  Əhli-Beytikuye(ə),oxorız-zəmonədə de qırd zəmonon dəvardey ğıyom bəkarde.osmon ıştə qırd bərəkoti çəy devronədə nozil bəkarde və zəmin ıştə həmmə ehtiyot və zəxirəon ki,ıştə dılədə oqətəşe, boəy xaric bəkarde.peşo ə həzrət zəmini de həx və ədoləti pur bəkarde.çoko ki.de milləti əvış de zılm iyən sıtəmi purışon kardəbe”....

Kali rəvoyətonədə mevcud bıə nuktəonku qıləyni ki,fəğət çı həzrəte İmom Məhdi(əc) zuhur və ğıyomi əsri və inğılobi keyfiyyəti barədə sıxan bə miyon oməni,bəlkəm çə həzrəti sima və çehrə xısusiyyəton həxədə sıxan hıəm bə miyon omə ta bo hiçkəsi həni çı şəkki vırə nımando.məsələn İslomi azizə peyğombəri(s) hamyəşe:”oxonə zəmonədə qıləy cıvon,xosədim,dırozətəvil iyən nozıkə vinış bıə mer çımı İtrəriku ğıyom bəkarde və və zəmini de ğıst iyən ədoləti pur bəkarde,çoko ki,de zılm iyən biodi pur bıəbe”....