Abanə manqi-13

Abanə manqi-13

İmom Xomeyni(r) 1343-ə həşi sori Abanə manqi 13-ə ruji bə tırkiyə təbid və dərbədər kardey,1357-ə Həşi sori abanə manqədə bə zolımkorə şah rejimi etıroz kardə tələbon ğətlı-am kardey və 1353-ə həşi Abanə manqi 13-ə ruji sori  çı İmom Xomeyni(r) tərəfdor bıə tələbəon çı amerkə tehronədə bıə casusə lonə təsxir və zəbt kardey bıə inğılobi hərəkəton çın muhimmə torıxi hodisə bə əməl omey təşkil doydə.çın seqlə hodisə mıştərəkə fəsl çı istikbor və imperiyalistə ğıvvon mığobilədə mandey və mığovimət nışon doeye.1343-ə həşi sori Abanə manqi 13-ə ruji vağiyə və hodisədə İron İslom Respublikə təsisəkə İmom Xomeyni(r) bə amerkə istikbori sultə ələyh hərəkətədə de qıləy sıxanrani və leksiyə çəy mohiyyətış ifşo karde və bə İronədə emol kardə bıə kapitalisiyon ğanuni ıştə etırozış nışon və de bə ironi milləti zidd bıə çı amerkə sultə məzhər və simvoli mıxolifətış karde.

Kapitalisyoni istemorədə qıləy rəğ-rişəş heste və və istemorəkə kişvəron ım ğanuni bəştə sultə jiyədə bıə zəyifə kişvəron zidd tətbiğ kardedən.ım ifşoəkə etırozon de İmom Xomeyni(r) dastgir kardey və oqətey bə oxo rəse və oxoyədə ə həzrətışon bə tırkiyə təbid və dərbədər kardeşone.1343-ə həşi sori Abanə manqi 13-ə ruji rujədə idastə tələbon ki,de bə tehroni ali məktəbi səmt hərəkəti ğəsdışon hestebe ıştə etırozi sədo bə həmmə kəsi quşi bırosno,ğəflətən de şah rejimi repressivə əmniyyəti ğıvvon hucumi dimbədim omin.bın repressiyədə 56 nəfər şəhid və çandə sa nəfər zəxmin və yarəjə bin.ım telə ruj de tələbəon ruji ğeyd kardey be.amerkə casusə lonə təsxir və zəbt kardey bə dınyo imperiyalistə ğıvvon ələyh mıborizədə bıə coqlə qılə muhimmə hərəkəte ki,1353-ə həşi Abanə manqi 13-ə ruji çı İslomi İnğılobi torıxədə ğeyd kardey bıə.amerkə tehronədə bıə səfərotxonə təsxir və zəbt kardey haft manq bənav de separatçiyə qrupon sərkərdəti çı İroni ğərb məntəğonədə kali canqon  bino be.ım qıləy mevzu be ki,peşonə soronədə həmonə hərəkəton sənəd çı amerkə casusə lonədə bə bi beşe.

Amerkə tehronədə bıə səfərotxonə casusə lonədə ifşoəkə koon və çəvon bə mıxtəlif təşkiloton və fərdon bıə nufuzi bərnoməon nışonış doe ki,inğlobi tələbon hərəkət və çəvon bə amerkə İronədə bıə imperiyalistə istelo mığobilədə ıştə təbiiyi reaksiyə nışon doey de ironi inğılobi milləti himoyə və həmrayəti bə ico be.

Amerkə tehronədə bıə səfərotxonə casusə lonə təsxirisə əlovə,vaşinqtoni tehronədə ziyodə əməliyyoton plan nokom mande və çı amerkə məntəğədə nufuzi siyosəti vəy qətey be.çın inğılobi hərəkəton əhəmiyyəti dərəcəon  qıləy həddədə be ki,İmom Xomeyni(r) de qıləy mesaj və peyğomi ım hərəkətış dıminə ınğilob və çı iminə inğilobisə həm dıjdış hisob karde.

Etırozəkə tələbəon ım hərəkət amerkəş ğeyzin karde və əvon ki,qıləy ozodi və istiğlol tələbəkə milləti vədə ociz bin,bə