İlahi rəhbəron-213

İlahi rəhbəron-213

Həyğətədə de həzrəte Muhəmmədi(s) vardə əslə islomi tohidyə nizomi bərpo kardey,dınyo qırd məkononədə çı şırki məzhəronku həni hiç qıləy əsər-əlomət və nışonə nibəmande və de qırd  zolımkorə hukuməton rınə dəparçıniyey həmmə bəşəriyyət çı sıtəmkorə ğudrəton sultəku ozod bəbeyn və ozodi məfhum kulliyə formədə bə həyğət bərəse.jıqo qıləy dəvəşə devroni bərpo kardey fəğət bə mısılmınon məxsus ni,bəlkəm qırd osmoniyə dinon tərəfdoron həm jıqo qıləy rujiqori çəş kardedən və çəy intizorədən və oruzu kardedən ki,çanədə rə həm bıbu çəvon peyğombəron zuhurko və çı osmoniku saru booy.İslomi əzizə peyğombər(s) çın həyğətonku qıləy pardəş peqətə və hamyedə:”Məhdi çımı nəslikuye. bə zəmon ki,xurucko,Məryəmi zoə İsa(ə) bəy (de İlahi əmri) komək kardero osmoniku nozil bəbe və əy ıştəsə bənav bəqəte və çə həzrəti peştədə nımoj bəvote....

De bə qırd ım nev xısləton  dığğət kardə holədə ımi bəyon kardey bəbe ki,həzrəte İmom Məhdi(əc) bə miyon bekardə bıə ziyodə şubhəon əks de ğətiyyəti bə hestemoni aləmi ərsə poş noə və bənə qıləy avə peştono mandə həşi bə bəşəri camiyə nur doydə,dətevedə və hərorət baxş kardedə və bə camiyə qıləy umu və hərəkət baxş kardedə.həzrəte İmom Məhdi(əc) har qıləy zəmon de İlahi irodə və məşiyyəti zuhur və ğıyom bəkarde və de Xıdopərəstəti,ədolət iyən insondustəti pur bıə qıləy fəzoədə nuyə jimoni əsr və zəmoni bino bəkarde....

Xıdo-Rəsulisə(s) əlovə ki,çı həzrəte İmom Məhdi(əc) ğıyom və zuhuri həxədə mıjdəvoniş doə,çı Şiyə İmomon(ə) silsisləonış de bə islomi aziz-qramiyə peyğombəri(s) tabe bıə holədə ziyodə rəvoyətonışon bəyon kardə və bə İlahi ım oxonə zəxirə və ehtiyoti işorəşon kardə ki.şımə dığğəti bəvon cəlb kardedəmon.

Əmuirəl-Muminin Əli(ə) hamyəşe:”ehanə dınyoku iqlə rujisə həm veyə vaxt nımando,Xıdovənd həmonə ruji anədə dıroz  bəkarde ta çımı xıyzoniku qıləy merd ğıyom bəkarde və dınyo de dod iyən ədoləti pur bəkarde”.

Bın rəvoyətədə əsosinə nuktə ıme ki,bə həzrəte İmom Məhdi(əc) dınyo səviyyədə bıə ğıyom və zuhuri ğəti bıey təkid kardey bıə və həzrəte İmom Əli(ə)  dılış heste çın umu peyğom və mesajiku bəhsko ki, ehanə çoko ki,ğeybəti-kubra devron dıroz bıbu,bəpe əmə bə şəkko-şubhə dıço məbəmon.bəlkəm ijən bəpe çə həzrəti dınyo səviyyədə ədoləti pevolo kardə zuhuri imntizorədə bımandəmon və yəğınkəmon ki,İmom Zəmon(ə) qıləy ruj nəhoyətən de Xıdovəndi irodə və məşiyyəti və bə İlahi ğətiyyətinə vədə əsos zuhur və ğıyom bəkarde və qırd dınyo de ədoləti pur bəkarde....

Həzrəte Fatimə(S) bəştə fərzəndi Huseyni(ə) hamyeşe:”tı çımı dovnəku bə vucudi ərsə po noe,Xıdo-Rəsul(s) çımı palu ome və tınış bəştə vanqo peqəteşe.peşo hamyeşe:”ha Fatimə ha! Bızın ki,əv çı nəv qılə imomi pıəy və çəy nəsliku saleh və ləyoğətinə imomon bə vucud bome ki,çəvon oxonə qıləyni Ğayime”.

İmom Həsən(ə) həm ki,çı nıbuvvəti xıyzonədə tərbiyəş vindəbe,perəsəbe,bəsə həmonə mevzusə təkid kardedə və hamyedə:”Xıdo-Rəsuli(s) bəpeştə İlahi vıjniyə İmomon(ə) donzə nəfərin ki,çımı boə Huseyni(ə) nəslikuon və çın umməti Məhdi çəvonkuye”....

V