İlahi rəhbəron-218

İlahi rəhbəron-218

İmom Rıza(ə)  de coqlə imomon(ə) bə ico çı həzrəte Məhdi(əc) həxədə çandə qılə nuktəonku bəhsış kardə.ə həzrət bə Əbu Əli Rəyan ibn Səlt ki,çə həzrəti devronədə Şiyə yolə alim be və dəparsəş be ki,şımə Sahibul-Əmriyon?-ə həzrəti hmayəşe:Sahibul-Əmr ki,və`də doey bıə mı nim.çun az həm siyosi mevğıyyətiku və həmən cismoni ğudrətikuqıləy kifoyət ğədərədə zum ni. çəmə Ğayim ikəse ki,cıvonon mənzərədə zuhur bəkarde və qıləy barzə mevğıyyətış bəbe və vey zumandə cismış bəbe.joqo ki,ehanə ıştə dasti bəsə həmməysə dıjdə doonsə dırozko,çı bıniku bebəşe və əgər çı bandı-ku bıniku fəryod bıkəşo,çəy səxrə və rıjon bərıjiye.çı Mosə(ə) əso və Suleymoni(ə) anqıştə çəy dastədə bəbe.Əv çımı çominə fərzənde.Xıdovəndi əvış boçəy xoto çı zərəlonku (məxfi iyən punhonədə)əmonədə obəqəte(ta zuhur iyən ğıyoməti şərayit hozzı bıbe).peşo əy (dınyo çəy intizorədə mandə zəmonədə)zohir bəkarde ta dınyo de ədoləti pur bəkarde.çoko ki,de zılmo-bidodi pur bıəbe”…

Bın rəvoyətədə bənə sayir nəğl bıə hədisoon çand qılə nuktəon mevcude.min cumlə əv ki,həzrəte Məhdi(əc) zuhuri zəmonədə bə əməl bome ki,həm çəy şərayit hozzı bəbe və həmən ə həzrət kifoyət ğədərədə qıləy ğudrətış bəbe.məxsusən ki,ə həzrəti ğıyom və zuhur dınyo səviyyədə bıə qıləy inğilob bəbe.yəni həm bəpe həmmə milləton əy ğəbulkon və bəçəy dınyo səviyyədə bıə nido iyən sədo qıləy cəvob bıdon və həmən de zolımkorə ğudrəton mıborizə bardero qıləy lozım iyən kifoyər ğədərədə bəpe qıləy ğudrətış bıbu.bə həmonə dəlili xoto İmom Rıza(ə)  hamyedə:”çəy qıləy ğudrətış bəbe ki,ehanə ıştə dasti bəsə həmməysə dıjdə doonsə dırozko,çı bıniku bebəşe və əgər çı bandı-ku bıniku fəryod bıkəşo,çəy səxrə və rıjə tavon bərıjiye”…

Beşək çə həzrəti çın dıqlə misoliku bıə hədəf həzrəte Məhdi(əc) zumandəti loyihəy ki,Xıdovənd jıqo bə həzrəti qıləy ğudrət bəbaxşe ki,har qıləy ğərol beko və harcurnə irodəko,çəy real kardey və bə həyğət rosney royədə qıləy maneyə mevcud nibəbe.zohiri ğudrətisə əlovə həm ə həzrət bənə həmmə peyğombəron qıləy ğeybi imdodon soyb bəbe və ğasbu həm çı Həştminə İmomi(ə) mənzur və məğsəd həm ki,hamyedə:” çı Mosə(ə) əso və Suleymoni(ə) anqıştə çəy dastədə bəbe-həmonə ım nuktə bıbu”.çun həzrəte Mosə(ə) əgər çı fironi zumandə ğudrəti mığobilədə mandey zıne,həmonə İlahi imdod və komək be ki,həzrəte Mosə(ə) əsoədə cilvəş pəydu karde kardeyış zıne deçəy koməki vositə çı fironi duyə ubuhəy və heybəti darışto və çəy suyi-ğəsd və məkro-hiyləon vəy qətey bızıno.və çı həzrəte Suleymoni(ə) anqıştə həm çı Suleymoni(ə) msilış nıbə seytərə bəyon kardedə ki,çə həzrəti hakimyyəti devronədə cınno-ins çəy ixytiyorədə be və hətto pərəndəon həm çəy hakimiyyəti jiyədə bin və hiçkəsi deəy mıborizə bardey qıləy hınəş nıbe.