İlahi rəhbəron-219

İlahi rəhbəron-219

Beşək çə həzrəti çın dıqlə misoliku bıə hədəf həzrəte Məhdi(əc) zumandəti loyihəy ki,Xıdovənd jıqo bə həzrəti qıləy ğudrət bəbaxşe ki,har qıləy ğərol beko və harcurnə irodəko,çəy real kardey və bə həyğət rosney royədə qıləy maneyə mevcud nibəbe.zohiri ğudrətisə əlovə həm ə həzrət bənə həmmə peyğombəron qıləy ğeybi imdodon soyb bəbe və ğasbu həm çı Həştminə İmomi(ə) mənzur və məğsəd həm ki,hamyedə:” çı Mosə(ə) əso və Suleymoni(ə) anqıştə çəy dastədə bəbe-həmonə ım nuktə bıbu”.çun həzrəte Mosə(ə) əgər çı fironi zumandə ğudrəti mığobilədə mandey zıne,həmonə İlahi imdod və komək be ki,həzrəte Mosə(ə) əsoədə cilvəş pəydu karde kardeyış zıne deçəy koməki vositə çı fironi duyə ubuhəy və heybəti darışto və çəy suyi-ğəsd və məkro-hiyləon vəy qətey bızıno.və çı həzrəte Suleymoni(ə) anqıştə həm çı Suleymoni(ə) msilış nıbə seytərə bəyon kardedə ki,çə həzrəti hakimyyəti devronədə cınno-ins çəy ixytiyorədə be və hətto pərəndəon həm çəy hakimiyyəti jiyədə bin və hiçkəsi deəy mıborizə bardey qıləy hınəş nıbe.aya qıləy Xıdo ki,bəştə ım dıqlə vıjniyə bıə peyğombəri jıqo koməkış karde ta kardey bızıno ıştə əsrədə qıləy ğudrətış bıbu və ilahi iyən insoni barzə ideyalon və hədəfon realkon və bə həyğət bırosno,bə həzrəte İmom Məhdi(əc) ki,qıləy qlobal səviyyədə risolət və missiyəş heste,de ğeybi imdodon və deştə məxsusə inoyəton komək nibəkarde?.aya bə ə həzrəti jəqo qıləy ğudrət nibəbaxşe ta kardey bızıno çı dınyo kufrə hukuməton məhfko və dınyo de ədolət iyən dodi pur bəkarde və çı zılmo-sıtəmi rəğ-rişə və nışonə bəbırne...

İmom Cəvod(ə) de coqlə bəyon iyən şikili çı həzrəte Məhdi(əc) insoniyə ğudrət və zumandəti həxədə bəhs kardedə və hamyedə:….zəmin boəy həmo bəbe və saxtiyon hoston bəbe və Bədri canqi zəmonədə İslomi ləşkəri  mığdorədə yəni se senzə qılə komkəkəş bəbe ki,çı dınyo diyəroə noxtəonku bomen və bə həzrəti sə cəm bəbeyn.ım həmonə Bəğərə mıborəkə surə 33-ə şərifə ayədə Xıdovəndi hamyə çiye ki,hamyedə:”harco həm bıbu Xıdovənd şıməni qırdə bəkarde ki,Əv bə harçi ğadire”.və çoko ki, ım rəğəm insonon çə həzrəti palu qırdə bəbeyn,ə həzrət bə zəmon ıştə ğıyomi bino bəkarde və çə həzrəti deçəy yaro-yavəron miyono qıləy əhd-peymon bastey bədiqə, həzrəte Məhdi(əc) de Xıdovəndi fərmoni de sıtəmkoron mıborizə bəbarde və anədə deəvon canqo-cidol bəkarde ki,barz iyən yolə Xıdovənd oxoysə çə həzrətiku rozi iyən xoşnud bəbe….

Çoko ki,dəvardə bərnoməonədə çəyku bəhs kardemone,ğeybəti zəmon çı insonon imtovoni əsr və vaxte.iştimoyi,siyosi iyən ixtisodi etat-petaton və bənə canq,xun rukardey və təbiz iyən diskriminasiyə bıə behronon.beədoləti.sıtəmon iyən təcavuzon itərəfo və çı həzrəte Məhdi(əc) ğeybəti zəmoni dıroz bıey itərəfo insonon imoni zəyif bəkarde və fəğət qıləy kamə dastə bəştə dini iyən siyosi bəsirəti xoto ıştə etığodi iyən məktəbi usul iyən məbnoədə ğoym bəmandeyn və çə həzrəti dastədə bəbeyn.İmom Həsəsn(ə) ıştə erjinə kəlməonədə çın mevzu həxədə bəhs kardedə və hamyedə:bızınən ki,çımı fərzəndi ğeybət anədə dıroz bəbe ki,millət bə şəkki dılə ebəqıniyen illa I dastə fərdon ki,Xıdo çəvon imoni(çı zərəlonku)muhafizə bəkarde”….