İlahi rəhbəron-220

İlahi rəhbəron-220

Çoko ki,dəvardə bərnoməonədə çəyku bəhs kardemone,ğeybəti zəmon çı insonon imtovoni əsr və vaxte.iştimoyi,siyosi iyən ixtisodi etat-petaton və bənə canq,xun rukardey və təbiz iyən diskriminasiyə bıə behronon.beədoləti.sıtəmon iyən təcavuzon itərəfo və çı həzrəte Məhdi(əc) ğeybəti zəmoni dıroz bıey itərəfo insonon imoni zəyif bəkarde və fəğət qıləy kamə dastə bəştə dini iyən siyosi bəsirəti xoto ıştə etığodi iyən məktəbi usul iyən məbnoədə ğoym bəmandeyn və çə həzrəti dastədə bəbeyn.İmom Həsəsn(ə) ıştə erjinə kəlməonədə çın mevzu həxədə bəhs kardedə və hamyedə:bızınən ki,çımı fərzəndi ğeybət anədə dıroz bəbe ki,millət bə şəkki dılə ebəqıniyen illa I dastə fərdon ki,Xıdo çəvon imoni(çı zərəlonku)muhafizə bəkarde”….

Həzrəte Məhdi(əc) zuhuri zəmonədə boştə həxəti ki,hejo çı həmonə ənbiya və nəbəvi roy dəvom doə kəs be,voteyro və məlum kardeyro hərəkət bəkarde.joqo ki,İmom Sadığ(ə) ıştə peşti bə Kəbə Kə dəbəhaşte və vanq bəjəne:ha məxloğ ha! Aqah bıbənən ki,hakəsi bə Nuh(ə)  iyən bəçəy fərzəndi sima nəzəkoaz həmonə Nuh iyən Samim.aqah bıbənən ki,hakəsi piyeşe bə İbreym(ə) iyən İsmayili(ə) çehrə odyəso,mı həmonə İbreym iyən İsmoylim.aqah bıbənən ki, hakəsi bıpyişe bə həzrəte Mosə(ə) iyən Yuşə(ə) çehrə diyəko,az həmonə Mosə(ə) iyən Yuşəm bızınən ki,hakəsi piyeşe çı həzrəte Muhəmmədi(ə) iyən həzrəte Əli(ə) çehrə mışohidəko,çən mı həmonə Muhəmmədi(ə) iyən Əlim(ə).aqah bıbənən hakəsi piyeşe İmom Həsən(ə) iyən İmom Huseyni(ə) sima nəzəko,çən az həmonə İmom Həsən(ə) iyən İmom Huseynim(ə).aqah bıbənən ki,hakəsi piyeşe İmom Huseyni(ə) nəsliku bə coqlə Məsumə İmomom(ə) çehrə diyəko,çən mı həmonə Məsumə İmomomi(ə) çehrəm.çən,bəçımı dəvəti cəvob bıdənən.zira mı şımə məsə iyən nıməsə çiyonku xəbədom və hakəs ki,osmoniyə kitob iyən səyfəon handey əhle,çən bəpe bəçımı sıxanon quş bıdənən……

Peşo Həzrəte Məhdi(əc) bə İlahi vıjniyə peyğombəron nozil kardə kitobon I hissəku hiççi kam iyən ziyod nıkardə holədə bəhande və peşo Kərimə-Ğıroniku ayəon handey bino bəkarde ki,bın zəmon aqah və bəsirə Ğıronşınoson  bəvoteyn:bə Xıdo ğəssəm ım həmonə Ğırone ki,bə peyğombəri nozil bıə və hətto iqlə hərf həm çəyku bəkam və vərəbəvırə bıəni  və bəvədə hiç qıləy təhrif mevcud ni.