İlahi rəhbəron-221

İlahi rəhbəron-221

Ğeybəti-Kubra zəmonədə çı Həzrəte Məhdi(əc) çoqlə məxsusə nımoyəndəş hestebe ki,əvon çə həzrəti de milləti miyono bənə qıləy rabitə pardi roli ifo kardedəbin.həmonə çoqlə məxsusə nayib və nımoyəndəon çımonku iborət bin:Osman ibn Səid Omri,Muhəmməd ibn Osman ibn Səid Omri,Huseyn bin Nuh Novbəxti və Əliyyibni Muhəmməd Səmri.ım çoqlə nuvvab və nımoyəndə çı həzrəte İmom Məhdi(əc) devronədə hejo de milləti de ə həzrəti qıləy ğoymə rabitə bıə və millət ıştə qırd etığodi,əxloği,iştimoyi,fərhənqi iyən siyosi ehtiyocon həmmə bo ə həzrəti vığandedəbin ki,Həzrəte Məhdi(əc) həm bəçəvon ıqrd ım şubhə və sıvolon usuli usuli,məntıği iyən mınosibə cəvob doydəbe və bəvon rosneydəbe.əmmo ijən qıləy nuyə şərayit və təhdidəkə bənav ome və həni bo ım devroni dəvom doeyro coqlə imkon mevcud nıbe.əve noçorən Ğeybəti-Kubra devron və zəmon bino be.qıləy devron ki,har cəhəto kəmiyyət və keyfiyyət cəhəto de ğeybəte-suğra devroni mığoyisə bıənin nıbe.bə həmonə dəlili xoto ijən ım sıvol zehnonədə bə əməl omeydə ki,bın de etat-petati pur bı qıləy zəmonədə çı bəşəri camiyə min cumlə İslomi dınyo təklif və vəzifə çiçe? Həzrəte Məhdi(əc) bın barədə hamyedə:”və əmmo hodisə iyən vəbeşəyonədə millət bəpe (har qıləy əsr və zəmonədə) bəçəmə xəbəon ravi və rəvoyəton nəğl kardə kəson və dinşınoson ovard və mırociyətkon.əvon çımı boşımə bıə huccət və az həm boəvon huccət və dəlilim”…..

Çoko ki,rəvoyəti mətn nışon doydə ki,Ğeybəti-Kubra zəmonədə İmom Məhdi(əc) niyobət və nayibəti umumi surətədəy və bə qıləy məxsusə fərdi xass ni.liza bo məsuliyyəton və təklifon ruşin bıey və ğeybəti dırozə mıddəti devronədə və boçəvon ıştə ğərolonədə səhf nıkardey və bə inhirofi nışeyro bəpe bə nığılə dinşınosi və həzrəte Muhəmmədi(s) vardə əslə dini çok-çoki zınə dini alimon ovardkəmon və bəçəvon diniku bekardə istinbot və fətvo əsos əməlkəmon.yəni çoko ki,əmə qırd zəminəonədə bə ekspert və mutəxəssison murociyət kardedəmon və peşo bə bekardə bıə ğərol iyən əməli dast ğandedəmon.bın barədə həm bəpe bə tam şərayitış bıə qıləy mutəxəssi iyən koşınosi ovard və muraciyətkəmon…..

Bın rəvoyətədə bəhs bıə coqlə muhimmə nuktə və sıvol ım be ki,çı hodisə və vəbeşəyonku mənzur və məğsəd çiçe? Aya məğsəd fəğət fiğhi koone yaan ki,bə qırd iştimoyi, mədədni, siyosi, ixtisodi iyən hərbi hodisəon şomil beydə?.