İlahi rəhbəron-222

İlahi rəhbəron-222

Çoko ki,rəvoyəti mətn nışon doydə ki,Ğeybəti-Kubra zəmonədə İmom Məhdi(əc) niyobət və nayibəti umumi surətədəy və bə qıləy məxsusə fərdi xass ni.liza bo məsuliyyəton və təklifon ruşin bıey və ğeybəti dırozə mıddəti devronədə və boçəvon ıştə ğərolonədə səhf nıkardey və bə inhirofi nışeyro bəpe bə nığılə dinşınosi və həzrəte Muhəmmədi(s) vardə əslə dini çok-çoki zınə dini alimon ovardkəmon və bəçəvon diniku bekardə istinbot və fətvo əsos əməlkəmon.yəni çoko ki,əmə qırd zəminəonədə bə ekspert və mutəxəssison murociyət kardedəmon və peşo bə bekardə bıə ğərol iyən əməli dast ğandedəmon.bın barədə həm bəpe bə tam şərayitış bıə qıləy mutəxəssi iyən koşınosi ovard və muraciyətkəmon…..

Bın rəvoyətədə bəhs bıə coqlə muhimmə nuktə və sıvol ım be ki,çı hodisə və vəbeşəyonku mənzur və məğsəd çiçe? Aya məğsəd fəğət fiğhi koone yaan ki,bə qırd iştimoyi, mədədni, siyosi, ixtisodi iyən hərbi hodisəon şomil beydə?....

Həlbəttə,fəğihonku idastə bə siyosət,ixtisod iyən fərhənqi ərsəon və həmçinin çı bəşəri dınyo deəy dimbədim bıə co qırd koonə daxil beydəni və ıştə po və lınqi çı dini hukmon və fiğhi koon məhdudə və çərçivəku dıroz kardedəni və jıqo rəftor kardedən ki,jıqo bızın çı ısətnə dınyo hodisəon mığobilədə hiç qıləy məsuliyyətışon ni.İmom Xomeyni(r) ım təfəkkuri nəfy iyən inkor kardə holədəıştə torıxi mesaji I hissədə jıqo hamyedə:zəmon iyən məkon iştihoədədə dıqlə təyinəkə unsurin.qıləy məsələ ki,ğədimə zəmonədə qıləy hukmış hestebe.bə həmonə məsələ zohiri əsos bə siyosət,ixtisod iyən iştimo hakim bıə rabitəonədə qıləy nizomədə mumkine qıləy hukm pəyduko…..çən,mıştəhid bəpe bəştə zəmonə məsələon qıləy əhotəş bıbu.