Mərkəzi Asiyə iyən Ğəfğaz
Mərkəzi Asiyə iyən Ğəfğaz
Mərkəzi Asiyə iyən Ğəfğaz
Qıləy şərayitədə ki,Cənubi Ğəfğazi məntəğədə Azərbaycan Respublikə de Ərmənıstoni miyono marzi ziddiyyəton ijən dəvomış heste,Mərkəzi Asiyə devləton səyon çı Amerkə iyən Avropə kali devləton tərəfiku himoyə bıə de radikalizm iyən təkfiri teroriston mıborizə bardeysə mutəmərkiz iyən fokus bıəbe. Azərbaycan Respublikə de Ərmənıstoni miyono marzi ziddiyyəton prosesi dəvom İlhom Əliyevi devlət Ərmınıstonış de mınoğişəninə Bandıku Ğərəboği məntəğə barədə Azərbaycan Respublikə hakimiyyəti nəzədə nıqəteyış mıttəhəmış karde. Azərbaycan Respublikə prezdent İlhom Əliyevi çəşnaviş doe: ehanə de Ərmənıstoni sulhi mıəzokirəon rəyrə bino nıbu, məntəğədə sulh çı miyoniku bəşe.bə İlhom Əliyevi votey əsos:Azərbaycan Respublikə şəş manq bənav de Ərmənıstoni komilə sulhi mızokirəon bino kardey tələb bıəbe,əmmo de tosə ısət İrəvoni devləti tərəfiku hiç qıləy cəvob ğəbul bıəni. Azərbaycan Respublikə prezdenti votəşe:Ərmənıston Bandıku Ğərəboği məntəğə ıştə ərazi zıneydə və Azərbaycan Respublikə ərazi təmomiyyəti bə rəsmiyyət zıneydəni.....
Azərbaycan Respublikə prezdenti oxonə sıxanon çəy bəpeştə mətrəh iyən bəhs be ki,Ərmənıstoni sərvəzir de Tırkiyə nəzədə bıə Ərmənıstoni əraziku qıləy koridori bə Azərbaycan Respublikə ixtiyor doey mıxolifəötış kardəbe.lhom Əliyevi devləti rəsmi şəxson tırkiyə təzyiği jiyədə səy kardedən 5 kilometr hevuji iyən 60 kilometr dıroziyədə bıə qıləy məntəğə irəvoniku de bə Nəxçivon Moxtar Respublikə dəçokney məğsədi ıştə ixtiyorədə bıqəton.
