Xıyzoni məcəllə-1

Xıyzoni məcəllə-1

Qıləy yolə şəxsiyyət votedə:ehanə reçinəti və çokəti təbliğkoş,boyoboni oxonə vırədə həm əv məsey bəbe. de osmoni rabitə əzəmətinə ləzə və an ısət omə rəsə.dıqlə bə ro şıə cıvoni dılışon heste bə Xıdovəndi roziyəti iyən tələbi əsos iyande daston qətə holədə jimoni royədə bə barzə hədəfon səmt hərəkət kardedən.bərosti,ım çanədə nığıl iyən muhimmə misoğ iyən əhd-peymone.təbyət iyən ğərizə və instinkt de izdivoci komil beydə.de təlatumi pur bıə rəvon iyən ruf jimoni həmro tələb kardedə.beğərolə ruf əv nıbə holədə kaməti hiss kardedə.Xıdovənd əvoni çəvonku qıləyni nıbə holədə pəsənd kardedəni və peyğombər(s) izdivoci bo bə İlahi roziyəti roy rəsey iyən ıştə dini nimə hifz kardeyro qıləy xoşə sınnət və adəte elon və təğdım kardedə.qıləy cıvonə zevc və qit vey zıneşon piyedə ta de ağılmandəti bə ım peyvənd və rabitə bəle bıvoto və rozi bıbu.bın holədə ağid və kəbin bıryə kəs zıvon oj kardedə və votedə:jimon,qıləy dırozə seyr-suluke ki,qıləy mənzil və mərhələonış heste.çəy qıləy barzə hədəfış heste.insoni jimonədə bıə hədəf ıme ki,ıştə iyən ıştə ətrofədə bıə kəson jimoni bo  mənəvi iyən nəfsani təkamuliro oko bıdo.zira inson əsosən bo ın hədəfi xoto rəseyro bə dınyo omə.əmə qıləy holədə bə ım dınyo varid beydəmon ki,çəməku hiç qıləy ixtiyorımon ni və tədricən çəmə ağl ruşd kardedə,ozavziyedə və çı ixtiyor iyən intixobi ğudrəti pəydu kardedəmon.ım məkon həmonə mərhələy ki,inson bəpe dırıst və komil əndişə və fikko.rostə şikilədə bıvıjnənən və bə ım intixobi əsos hərəkətko və bənav bışo.......

Qıləy izdivoc ki.Mutəalə-Xıdo əvış sınnət və ğanunış ğərol doe və xılğət əy həm tələb kardedə,İlahi nemət və sırronku qıləyni və çı bəşəri jimoniku co nıbə təzahuronku qıləyniye.beşək Xıdovənd deştə osmoniyə ğanunon kardey əzıni izdivoci mevzu vocib iyən hətmiko və çı millətiku tələb kardedə jenı-merd qılə-qılə bışon və de iyande izdivoc və vəyəkon.