Xıyzoni məcəllə-2

Xıyzoni məcəllə-2

Qıləy izdivoc ki,Mutəalə-Xıdo əvış sınnət və ğanunış ğərol doe və xılğət əy həm tələb kardedə,İlahi nemət və sırronku qıləyni və çı bəşəri jimoniku co nıbə təzahuronku qıləyniye.beşək Xıdovənd deştə osmoniyə ğanunon kardey əzıni izdivoci mevzu vocib iyən hətmiko və çı millətiku tələb kardedə jenı-merd qılə-qılə bışon və de iyande izdivoc və vəyəkon.

İronıjə xıyzonon təhğığotədə vindedəmon ki,xıyzonon İronədə həmişə bənə qıləy əsosə təşkiloti iyən bənə İroni camiyə təhəvvulotonədə cərəyon icod kardə onemoni cilvə pəydu kardedə və kollektiv iyən ayləvi jimoni təcrubə İronədə qıləy xass və məxsusə məsir iyən roş heste.liza qıləy hodisəon mığobilədə ki,ımruj bo xıyzon iyən boçəy ə`zon əksər camiyədə bənav omə,İronədə xıyzoniku dəvardey ya çəy maqi şuor bə quş rəsəni və çımi əks əksərən bə xıyzoni səmt oqardemon mışohidə bıə və bəçəş çiyedə.  

Tehroni unversteti elmi heyəti uzv doktor Həmid Rıza Cəlalipur Tehronədə 300 qıləy xıyzoni piyo təhğığpt bardey bəpeştə elonış karde ki,nəyinki,İronıjəcamiyə volo bıə holədə ni,bəlkəm ısət İronədə xıyzoni onemon həmməysə ğoymə təşkilote ki,klassik və ənənəvi forməku xaric beydə və bə təkamuli səmt hərəkət kardedə və bə qıləy mədəni aylə nez bıə holədəy....

Kulliyə formədə xıyzon bə ısətnə vəzyəti daxil bıey bənav,mıxtəlifə mərhələonku dəvardedə.iminə etap və mərhələdə aylə hırd və kamə funksiyəş heste ki,Tehroni Camiyəşınosi və Sosyoloqiyə Unversteti ustod Azad Ərməki bəy çı”Xıyzoni həyoti sıfi noxtə” nomış noə.bın devronədə aylə,hırd və  kamə funksiyəş heste.zira fərdon yəni pı-mo de kamə məsuliyyəton və məhdudə funksiyəon jimon kardedən.əmmo de zəmoni dəvardey çın dovnəş pur bıə roy və təriği vositə iştimoyi jimoni hevujətiçı xıyzoni uzvon vəzifə və funkisyəon həm ziyod beydə.......

Muhəğğığon etığodışon heste və jıqo hisob kardedən ki,aylə iminə sosyal təşkilote və bənə din,siyosət və ixtisodi bıə sayirə iştimoyi onemonon çəy dəvomədə icod beydə və ozavziyedə.de iştimoyi həyoti hevujəti xıyzon de valideyni,fərzəndon iyən nezə odəmon çı əksər sosyal,ekonomik iyən politikal fəoliyyəton mərkəz beydə və çı fərdon həmmə tələbon iyən ehtiyocon de xıyzoni təşkil doey mehvəriyyəti icod kardedə.iyoe ki,qıləy hevujə xıyzon iyən aylə zuhur pəydu kardedə.

İroni ziyodə uzvış bıə xıyzonon təsvir qıləy hevujə aylə təsvironkuye ki,de tosə ımrujnə zəmonə çı İronıjə insonon veyni zehnədə baği mandə.ə xıyzonon ki,deçəvon fərzəndon izdivoc iyən vəyə kardey vositə çəvon mığdor vey və ziyod beydə və çı aylə qırd uzvon ıştə pı həmonə həyot və soş bıə kəyku de qırd təcəmmul iyən dəbdəbə və iztirobi bə ico jimon kardedəbin....

Hevuj iyən funksiyəş ziyod bıə xıyzopnədə valideyn iyən fərzəndonku əlovə,bənə amu iyən dayi,Yoləpı iyən Yoləmo və çəvon fərzəndon bıə co fərdon jiyedən və jimon kardedəbin.bın nev aylədə xıyzon çı iştimoyi irtibot və rabitə mərkəz bıə holədə,çı ixtisodi iyən siyosi fəoliyyəton vırə və məkon həm bə hidob omeydə.ko və fəoliyyəton vohidon de xıyzoni vositə təşkil beydən və çı xıyzoni fundament bə nisbi iyən səbəbi nezətiyon əsos ğoym və mehkəm beydə.hevujə xıyzonədə pı-mo çı aylə mərkəzi hissə təşkil doydən və zoon,nəvon iyən vəyuon bə pı-mo pemandedən və ehanə pı-mo bəştə sinni bəpe şıey iyən piy bıey xoto ıştə vəizfə çok-çoki bə vırə rosneyədə saxtəti kəşeydə və boəvon ım ko muşkile,jəqoədə xıyzoni yolə fərzənd çəvon vırə qəteydə.kinon həm izdivoc kardey bədiqə ıştə pıon kəon tərk kardedən və fərzəndon həm əksərən ıştə pıon məşğələ və koon vıjniyedən.çın nev fərzi aylə nımunə dınyo mıxtəlifə vıronədə min cumlə İronədə həm  de(məşhədi Ğasım xıyzonon)unvoni və nomi tərsim beydə....