Dıqlə aləmi banu-2

Fatimeyi-Zəhro(s)

Həzrəte Zəhro(s) jıqo ıştənış de fəzl,elm,imon iyən təğvo dərostəşbe ki,çəy vucudi şəxsiyyət qıləy komilə insoni xısusiyyəton cilvə doydə.liza həmonə buzurquvarə xanım bənə qıləy barzə xısləti soyb bıə xanımi unvoni bo qırd dınyo xanımon ulqu ğərol doey bıə.joqo ki,ikəsi de ə həzrəti və de ə əziz-qramiyə xanəmi i səviyyədə bıey imkonış ni.ə həzrət qıləy barzə məğami soyb bıə xanım be ki,ıştə şəxsiyyəti hiç qıləy cəhətış ğıboni nıkardeşe və nışonış doe ki,qıləy jeni bıə kəmoli rəsyero qıləy barzə zərfiyyətış heste.ısət Fatimeyi-Zəhro(s) çı insoniyyət və təğvo barzə ğullədə mehribonə formədə bə aləmi həmmə jenon nəzə kardeydə və əvoni bə jimoni sərostə roy və səpgi səmt dəvət kardedə və veyə alim iyən ağılmandon hətto ğeyri-mısılmınon əvışon deçəy fəzilətonışon zınə,təkrimışon kardə və bə həzrəti ehtıromışon noə.Livanıjə məsihi iyən xristiyanə ənıvışt,şayir və ədib bıə Suleymon Kətani jıqo nıvışteydə:”Fatimə ha çı Mustəfo kinə ha! ha çı həmməysə ruşinə çehrə soyb ki,zəminış ıştı dıqlə amisəş rost kardə.tı ğərəz dıqlə nevbəti bo zəmini təbəssımı nıkarde:ikərə çı pıə simoədə bədəm və bəzəmon ki,yonqoədə olxartə be və bətı çı ğurb iyən vəsli mıjdəvoniş doe və tı sıriş,təbəssımı karde.və coqlə təbəssım bəzəmon be ki,tı sıriye-sıriye və təbəssım kardə holədə ıştə zıvonı ıştə lıputonsə qordıne-qordıne və ıştə oxonə nəfəsonı se.....tı hejo de məhəbbəti jimonı karde.tı de pokəti iyən pokdovnəti jimonı karde,tı bo qıləy həmməysə pokizə jeni ki,dıqlə reyhonəş bə dınyoş varde və perosneşe və bə həmonə dıqlə şəxsi ğaməti çı baxşeşi xəziku qıləy olətı bə tanı karde.tı zəminı de deştə istehzoamizə təbəssımi vadoe və bə əbədiyyoti rəsiş.ha çı peyğombəri kinə ha! ha çı Əli(ə) jimoni həmro ha! ha çı Həsən(ə) iyən Huseyni(ə) inə və moə ja! Və ha çı həmmə aləm və zəmonon banuon xanım və banu ha! “.və co qıləy vırədə nıvışteydə:”ğəhrəmonəti qıləy ğıvvə ni ki,de tan iyən bazu mustənəd bəbu ya bə taco-taxti mustənəd bıbu.bəlkəm ğəhrəmonəti qıləy çiye ki,çı ağl,ruşd iyən famey məntığıku oko doydə və peşo hədəon təyin kardedə və qıləy bərnomə tərsim kardedə,kəşeydə.və çı Zəhro(s) ğəhrəmonəti ğərəz çın dıjdə mənoku co çi ni.bəçəy xoto harçisə vey bo cokəson ruşinəti kardə amil be çəyku bərhə bardedəbe və çə həzrəti zəyifə bazuon və lodə kəmon bın tələbədə muəssərə nıbə holədə”......