Dıqlə aləmi banu-3

Dıqlə aləmi banu-3

Həzrəte Fatimeyi-Zəhro(s) buzurquvarə vucud bo aləmi təmom insonon tərbiyəvi iyən şəxsiyyəti ulquye və mıxtəlif cəhəto və çı ziyodə alimon ıısət çı şiyə,sınni,məsihiyon,şərğşınoson iyən İslomşınoson nəzəku xısusi iyən umumi surətədə təhğığ kardey bıə.Hanri Korben çı ğərbi filosofonku qıləynkiye ki,Həzrəte Fatimeyi-Zəhro(s) buzurquvarə vucudi həxədə de təhığaton məşğul bıə.əv bın təhğığatonədə de Həzrəte Fatimeyi-Zəhro(s) buzurquvarə vucudi qıləy nığılə rabitə bərğərol kardəşe və ə həzrətış İlahi mərıfət və zıneyışş hisob kardə.Hanri Korben Həzrəte Fatimeyi-Zəhro(s) buzurquvarə vucudi nımunə və məzhəronış bənə moə,zəmini jen iyən əbədiyə jeni bıə həmmə mif və əfsonəon ğolibədə çəvonku bəhsış kardə.

Hanri Korbeni nəzəku çı ulquyə jeni vucudi hevujəti ,Xıdovəndi sıfət və nomon huzur və iştiroki ıştədə vindedə.əv etığodış hestebe və jıqo hisob kardedəbe ki,çı zəmini perəsey və vucudi illət və dəlil çı Həzrəte Fatimeyi-Zəhro(s) mıborək və buzurquvarə vucude və əy çı İlahi təcəlli nımunə zıneydə.əv “Ərze-Mələkuti” kitobədə votedə:”Həzrəte Fatimeyi-Zəhro(s) buzurquvarə vucudi fəziləton ki,çı nəzəku dəvordınəmon,votey bəzınemon ki,ə vucud...ıştən çı İlahi zoti təcəlliye”.....

Hanri Korben ıştə sıxanonədə bə çordə qılə məsumi işorə kardedə və votedə:”qırd çordə məsum yəni peyğombər(s),Fatimə(s) və çəvon bəpeştə donzə qılə imom çı nuroniyə aləmi əsliyə xılğəti təşkil doydə ki,həmonə Muhəmmədi(s) həyğəte.Korben nıvışteydə:Fatimə(s) –Əli(ə) zevc,zəmini aləmədə çı ağl iyən nəfsi əbədi iyən əzəli zevci nımunə və təcəlliye”.Fatimə(s) çı İminə İmomi(ə) jimoni həmro və çı şiəyon dıqlə imom yəni İmom Həsən(ə) iyən İmom Huseyni(ə) inə və moəy.əv İlai təğdıri təyin iyən həyğəti zərfe və bə dınyo ğeybi iyən ğeybi dınyo aləm və odəmi çı İlahi feyz iyən fəzli vositəy və hestemoni həmmə çi,çəy vucudi  mədor iyən dayirəkuye və çəy hestemoni məcraku şəxsiyuyət pəydu kardedə.ım fransəvıjə mutəfəkkir de nığıl və məğzış bıə kəlomon çı Həzrəte Fatimeyi-Zəhro(s) buzurquvarə vucudi mərıfəti tozih iyən izoh doydə və bə kəmoli meylış bıə har qıləy insoni bə ə həzrəti mərıfəti təlimi səmt irco və murociyət doydə. əv bovəş hestebe ki,Həzrəte Fatimeyi-Zəhro(s) şəxsiyyət  çı şiyə mərıfətşınosi mənbə iyən çı vəhdəti amile”...........

De ın ko əloğədor raviyon həm bə Həzrəte Fatimeyi-Zəhro(s) buzurquvarə vucudi ğudsi iyən mığəddəsə vucudi qıləy işorəşon heste.İslomi peyğombəri(s) buzurquvarə səhobə Cabir ibn Əbdullah Ənsari nəğl kardedə ki,Xıdovənd bə ə həzrəti xitob kardə holədə hamyeşe:”ya Əhmədu! Ləvlakə ləma xələğtul-əflak və ləvla Əliyyun ləma xələğtukə və ləvla Fatimə ləma xələğtukuma”.ha Əhməd ha! ehanə tı bıənəbiş  dınyo xəlğ nıəkardim və əgər Əli bıənəbe,tıni və ehanə Fatimə bıənəbe,şımə dıqləyni xəlğ nıəkardim.ım ğudsi hədis çı Həzrəte Fatimeyi-Zəhro(s) kəroməti tikəy həm isbot kardedə.Hanri Korben həm bə ım nımunə qıləy nığılə işorə kardedə.