Dıqlə aləmi banu-4

Dıqlə aləmi banu-4

İmom Xomeyni(r) min cumlə çə alimonkuye ki,çı Həzrəte Fatimeyi-Zəhro(s) buzurquvarə vucudi həxədə sıxan votə zəmonədə,çə həzrəti osmoniyə mərıfəti vey ovc qəteydəbe və barzə formədə beydəbe.demiyən hejo etırof kardedəbe ki,bəşəri əndişə və zıvon çə həzrəti barzə məğamiku hətto qıləy çi bəyon kardey və fameyku ocize.İmom Xomeyni(r) çı Həzrəte Fatimeyi-Zəhro(s) buzurquvarə vucudi barzə məğami həxədə jıqo hamyedə(Fatimə) qıləy jene ki,hakəs de qıləy vindemoni çə həzrəti barədə qıləy sıxanışon kardə və de ın holi ikəs çəy sıtoyiş ehdəku omey zınəşni.çıro ki,çı vəhyi xıyzoniku omə rəsə hədison çı mustəmi iyən məsəkəson famey və dərki əndozədə bıə.dıyoş çı ocizəti kuzədə vırəbəvırəş karde və cokəson harçişon votə,hejo çəvon ıştən famey əndozə və mığdorədə bıə,nəyinki,çəvon mərtəbə və dərəcə əndozədə. çən, veyçok ıme ki,çın mecuzəvi vadiku dəvardəmon,beşəmon”.....

Fatimə(s) çı jeni barzətiş de merdi kurkuronə və xərobə rəğobətədə ne,bəlkəm çı xılğəti nizomədə bəştə ehdə peqətə vəziəfon bə vırə bırosnon.qıləy vəzifəon ki,merdon əvoni bə vırə rosneyədə ocizin.bəçəy xoto ə həzrət çı jimoni həmro iyən inə məğamədə jıqo istisnoyi surətədə dəvəşe və çı xıyzoni fəzoş de məhəbbəti ətriş purış karde.İslomi aziz-qramiyə banu xıyzon iyən kə muhitiku qıləy dıjdə mədrəsə və məktəəbış soxte.çə həzrəti qədə kəyku erjin və ğeymətinə insonon perəsin və rost bin.İron İslomi Respublikə təsisəkə və bani yolə rəhbər mərhum İmom Xomeyni(r)  çı Həzrəte Fatimeyi-Zəhro(s) iyən çəy qədə kə əhli jıləvoni tevsif kardedə:ə fərdon ki,çı Həzrəte Fatimeyi-Zəhro(s) qədə kədə tərbiyəşon vində,perəsən və ədədi əvon ço ya penc nəfər bıən.əmmo həyğətədə çı Həx-Təala qırd ğudrətədə təcəlliş pəydu karde və xıdmətonış kardə ki,əmə,şımə iyən həmmə bəşərış bə təəccıbiş vodor karde.Xıdovənde-Təala səlom iyən salavot bə ım qədə hucrə bıbu ki,İlahi əzəməti nuri cilvə pəydu kardə vırəy.qədə və hırdə kədə jiyə qıləy jen insononış tərbiyəş karde,perosneşe ki,çəvon nur çı zəminiku de tosə əflak və ərşi iyən mulki aləmiku de tobə mələkuti aləmi vavriski doydə,dəvəşeydə”...

Həzrəte Fatimeyi-Zəhro(s) nəyinki,bo jenon bəlkəm bo həmmə aləmi qıləy həsənə və çokə usvəy.İmom Xomeyni(r) hamyedə:Həzrəte Fatimeyi-Zəhro(s) ulquye.əmə bəpe çın xanedaniku boştə nımunə peəqətəmon.çəmə banuon çəvon banuonku və çəmə merdon çəvon merdonku, bəlkəm əmə həmmə bəpe çəvon həmməku.əvon ıştə jimonışon bo məzlumon tərəfdorəti iyən İlahi sınnət və ğanunon ehyo və bəyji kardero vəğfışon kardə.əmə bəpe təbəiyyətkəmon və ıştə jimoni boəvon ğərol bıdəmon.ikəs ki,İslomi torıxi zıneydə,famedə ki,çın xanedaniku bıə har qıləy şəxs mustəzəf və məzlumon çı miyoniku bardey fikədə bıə kəson mığobilədə ğıyomışon kardə. İmom Xomeyni(r) Həzrəte Fatimeyi-Zəhro(s) milodi rujış çı Jenon rujış elon karde və hamyeşe:ehanə qıləy ruj jenon ruj bıbu,çı Həzrəte Fatimeyi-Zəhro(s) de səodəti pur bıə vilodəti rujisə vey barz və ixtixoramizə ruj kom ruje?.qıləy jen ki,çı vəhyi xanedani ixtixore və bənə həşi əzizə İslomi toykiyə vıron dəvəşeydə.mısılmonə jenon ıştə şəxsi,iştimoyi iyən xıyzoni jimonədə bəpe Həzrəte Fatimeyi-Zəhro(s) jimoni ağılmandəti,ağl iyən mərıfəti cəhəto boştə ulqu və nımunə ğərol bıdon və çə həzrəti ibodət,mıcohidət,səhnədə huzur və iştirok,iştimoyi dıjdə ğərolon bekardey,kədor və xanedorəti,çokə jimoni həmro bıey və salehə fərzəndon tərbiyə kardey koy təbəiyyətkon və pemandon.