Asiyə ğərbədə xəbəon
Asiyə ğərbədə xəbəon
Yəmənıjon dəvardə dışanbə ruji mıvəffəğ bin çı Əməroti iqlə kəşti oqəton.Yəməni silohinə ğıvvon sıxanəvot briqadə general Yəhya Səri` elonış kardə ki,ım kəşti bə Yəməni ovon ğeyri-ğanuniyə daxil bıey bədiqə məlum iyən oqətey bıə.Yəhya Səri ıştə sıxanonədə izhorış karde:çı İƏƏ bə Yəməni siloh kırnə ım kəşti hədəf çın kişvəri əmniyyət iyən stabiləti bəyənde jıeye.
Yəmənıjon çı Əmərati siloh kırnə kəşti oqətey çı Səudiyyəvıjon tərəfiku inkor kardey bıə və əvon iddio kardəşone ki,ım kəşti siloh həml kardedənıbe və kırneydə nıbe.ərəbi təcavuzkorə koalisiyə sıxanəvot Turki Əlmaliki iddioş kardə:ım kəşti ki,Suğətriku omeydəbe,vo Cazanədə noxəşxonə təsis kardero lozım bıə tibbi təchizoton və ləvazimoton bin.boçımi əsos Turki Əlmaliki bəyonış kardə ki,kəşti oqətey dızdəti be və voteşe:dıyo dızdiyəti əməliyyot,çı har qıləy portiku silohinə dızdiyəti əy bə qıləy ğanuni hərbi hədəfi təbdil kardedə.
Im əməliyyot de tafutinə təhlilon bə ico be.Yəməni milləti komitə və ləşkəri rəsmi sıxanəvoti muavin bın xısusədə voteşe:İƏƏ kəşti bə Yəməni sahilon ovoştıney prosesi əhəmiyyət bımədəy ki,ım hərəkət qıləy keyfiyyəti cəhəto proflaktik tədbir be ki,bə dəğiğə məlumoton əsos be.çın kəşti iyən çəy dılədə bıə çiyon məmuriyyətiku aqahəti və həmçinin bə həmonə kəşti məğsədi nəzorət və çəy çı Yəməni sərzəminədə deşmınə fəoliyyətonku xəbədo bıey cəhəto.
Yəməni Ənsarullah Hərəkəoti sıxanəvot Muhəmməd Əbdussəlom həm çı Əməroti hərbiyə kəşti oqətey qıləy səbarzə əməliyyot tevsif kardə holədə voteşe:ım əməliyyot həyğətən sabiğə və torıxış nıbə qıləy əməliyyot be və de ərəbıston iyən deçəy mıttəfiğon təcavuzi mıborizə bardey çərçivədə bə vırə rosney bıə.Yəməni Ənsarullah Hərəkəoti vebsayt həm de qıləy hisoboti bə çın əməliyyoti cəhət və təsiron işorə kardəşe və nıvıştəşe ki,Sıə dıyo çımi bəpeştə bo təcavuzkoron qıləy əmnə muhit nibəbe.bın hisobotədə omə:Yəməni mığovimət nışon doə millət çı deşmıni təcavuzi haftminə sori astanədə və de qırd məzlumiyyətonn,vəşyanətiyon,səbarzətiyon və noiliyyəton 2022-ə milodi sori de qıləy unikalə səbarzə bino be ta ım nuktə votey bıbu ki,milodi nuyə sor de ziyodə İnnovativ iyən təəccubinə hodisə pur bəbe.
