Mərkəzi Asiyə lyən Ğafğaz dəvardə haftə
Mərkəzi Asiyə lyən Ğafğaz dəvardə haftə
Əzizon səlom, şımə ruj bə xəyr bıbu, umidımone şımə hol-əhvol çok bıbu.
Imruj de " dəvardə haftədə Mərkəzi Asiya və Ğəfğaz " nomo bıə qıləy siyosiyə bərnomə, şımə xıdmətədəm.
Devət kardəm dəmə bə ico bımandən və quş bıdənən ki ım haftədə Mərkəzi Asiya və Ğəfğazədə çiçon dəvardə?
*******************************************
Səmimi həmzıvonon, de ım vucud ki Azərbaycan Respublika və Ermənistoni rəsmi şəxson bə Ğərəboği canqi bə oxo rosniye xoto, və tojə sazışon imzo kardeyro muzakirə kardey holədən, kali təhliləkəyon 2 tərəfi miyono be etemo şərayetiku qəp jedən. Tojədən Azərbaycan Respublika mədəniyəti vəzir, "Anar Kərimev" İlham Əliyevi dıvləti ğəroliku, Ğərəboğədə və Azərbaycan Respublika kontroli jinton məntəğəonədə, Ərməni tarixi binaonku məhve bbeyku, sıxən votışe.
"Kərimev" ijən təkid kardışe: bəpe Azərbaycan Respublika işğaliyə əraziədə, Erməni mədəniyət iyən tarixi əsəron xərob bıbu.
İlham Əliyevi dıvləti rəsmi şəxs ijən əlovəş karde: Azərbaycan Respublika şəhronədə Erməni tarixi və kanə əsəron mıvcud bey, Boku dıvlətiku Erməni tələbon zəminə zumand kardedə və ım Buko dıvlətiro vey bevəcə məsələy.
Im sıhbəton dumoədə, bə Boku dıvləti siyasəton ələyh,əvvəl Ermənistoni ictimai şəbəkəon və İrəvani mediyan, peşo ım kişvəri rəsmi şəxson etıroz kardışone.
Ermənistoni rəsmi şəxson həmçınin dınyo "Elmi-Təlimə Təşkilat" yəni Yuneskoədə Azərbaycan Respublikaku şikayət kardışone.
İrəvani dıvləti rəsmi şəxson iyən mediyaon şikayəti bəpeşt, Ermənistoni millət həm sukut nıkardışone və de Azərbaycan Respublika vositə, Erməni tarixi-mədəniyəti əsəron məhv kardeyro etıroz kardışone.
Dəvardə rujonədə, Erməni rəsmi şəxson iyən millət, Çı İlham Əliyevi dıvləti rəsmi şəxson, tarixi və mədəniyəti əsəron məhv kardey səyo cəhdiro, mıttəhəm kardışone ki hətto "Armen Pres" nomo bıə aqentiyəti həm ım məsələku xəbəş do.
Etırozəkəyon İrəvani xiyobononədə de aksiya bərpo kardey vositə, Təşkilatiku tələb kardən ki de Azərbaycan Respublika vositə Erməni binaon xərob kardey vəy bıqəton.
Ermənistoni nəzəku, Azərbaycan Respublika rəsmi şəxson hədəfışon heste ki jıqo nışo dodən, Erməni tarixi-mədəniyəti əsəron de Albania mədəniyəti rabitəşe.
De İrəvani milləti aksiya bərpo bey həmzəman, Ermənistoni memori mıtoliəoni təşkilat həm həminə etırozi, bə Əmniyyət Şura həm elanış karde, həmçınin "Qayan Abrahamiyan" ım barədə təkid kardeşe: vey zəmonon bənav, Azəri tərəfo, Ğərəboğədə tarixiyə mandə əsəron, ğeyri Erməni zıneydə bin, əmmo ım yolə du və sıxən iyən xətoe.
(Huğuğədə bərobəri) nomo bıə mərkəzi rəsmi şəxsonku qıləyni "Sida Qriqoriyan" ım aksiyaədə və ıştə sıxənonədə təkidış kardə ki Beynəl xalğ diyə kardə qrupon, , bəpe ım məntəğədə karde bıznon Erməni tarixi-mədəniyəti binaonku, diyə kon.
"Qriqoriyan" eyni holədə iddioş kardə: ım məntəğədə Azərbaycan Respublika, çı beynəl xalğə nəzorət kardə qrupon iştirokiku mane bıə.
Əmmo dəvardə haftədə, “Serqey Lavrof” və “Ceyhon Bayramov” Rusiyə və Azərbaycan Respublika xarıci vəziron, marzi xətton təyin kardey və mənətəğə iyən beynəl xalğiyə məsələon barədə, dıyande telefoni votımon kardışone.
Im votımonədə, “Lavrof və Bayramov”, bə Azərbaycan Respublika iyəm Ermənistoni miyono və de Rusiyə vositəçiyəti sazışion imzo bey əhəmiyyəti işorə kardışone, ım sazışion Miladi 2020 minnə sori Noyabri 9 minnə, və yanvarə manqi 11 minnə həmçınin Miladi 2021 minnə sori Noyabri 26 minnə ruji bə imzo rəsedə be.
Bə nəzə rəsedə ki bə Azərbaycan Respublika rəsmi şəxson və elan bıə siyosətoni xoto ,İrəvan və Ermənistoni dıvləti rəsmi şəxson hevujə etırazon dumoədə, İlham Əliyevi dıvləti rəsmi şəxson səyo cəhd kardedən ki bə Azəri ziddi bıə beynəl xalğə reklami be nəticə kon. qıləy holədə ki Azərbaycan Respublika mədəniyəti vəziri tojə izhoraton, karde bəzne bə İlham Əliyevi dıvlət və çəy siyasəton, vey yolə zərbə varid ko.
Amerkə dıvlət ki de təşkilaton kontroli iyən de ım təşkilaton təziğ jintonədə ğəror doe vositə, hədəfış heste co dıvləton ıştə sultə jintonədə ğəror bıdə, tojədən Ozbəkistoni dıvləti təziği jintonədə ğəror doəşe həminə cəhətədə Amerkədə Heritic təşkilat, elanış kardə: Miladi 2020 minnə sorədə, Ozbəkistoni vırə iğtisodi ozodi funqsiya nəzəku kam bıə və çəy rutbə 177 kişvərəron miyonədə, bə 117 minnə vırə rəsə.
Ozbəkiston və Ğırğizıston, 2 qılə kanə rəğib bə hisob omeydən, ki bo mərkəzi asiya məntəğə rəhbəriyəti dıyande rəğabət kardedən. Bə çəy xoto 2 qılə kişvəri rəsmi şəxson, bə har curnə jıqonə xəbəon, mənfiyə reaksiya nışo doydən.
Eyni holədə bə nəzə rəseydə ki Amerkə dıvlət həm, bo bə ım dıvləton təziğon varid kardey xoto, muxtəlifə təşkilaton əcumlə bənə ğeyri dıvləti iyən beynəl xalğə onemononku istifodə kardedə.
