İlahi əsma və nomon

İlahi əsma və nomon

Şəhidə Xıdovənd bə kulli hestemoni aləmi nazir və hozzıe.joqo ki,hiç qıləy ko və hiççi zəmin iyən osmoniyə kurədə zərrəku vey noçiz de tosə vey dıjdə cismon çəyku punhon və məxfi mandedəni. Xıdovənde-Mutəal qırd kayinatış  deçəy qırd əczo iyən holəton bə ico mışohidə kardedə.astovəon çəvon mədor iyən orbitədə rəsəd və nəzəku dəvordıneydə və ,həşi şıti roy qalaktikədə ıştə hərkəti məsir və royədə,ovşımi çı zəmini qırdo beyzəvi ya Elliptik royədə hərəkət.avəon ki,çı osmoni kiyono hərəkət kardedən,yəni həmmə hərəkət kardə çiyon mışohidə kardedə və vindedə.

Ğıyoməti ruji şoydonku qıləyni həm çı insoni bənə dast,po və y ahətto pusti bıə bədəmi əczonin.joqo ki, Fussiləti mıborəkə surə 20-ə şərifə ayədə hamyedə:şəhidəllahu ….ğıyoməti ruj çəvon quş,çəş iyən puston həm bəçəvon dınyoədə əməl kardə çiyon şoydəti bəkarde.odəmi dığğəti cəlbəkə çi ıme ki,ğıyoməti ruji insonon ım şoydəti mışohidə kardeyədə de ziyodə norohətçəti iyən xəcoləti bəştə pusti bəvoteyn:ğalu….. bəştə puston bəvoteyn:çıro bəçəmə  ələyh şoydəti kardedəş?pust cəvob bədoe::ğalu əntəğənallahu….. Xıdovənde ki,həmmə çiyon bə nıtğ və sıxan vardedə.əməş bo sıxan votey iyən şoydəti kardero vardəşe. (Fussilət-21) .həlbəttə bəpe bə ım nuktə dığğət kardey lozıme ki,şoydəri ədo kardey bə zəmon qıləy erjış və ğeymətış heste ki,şoyd çə həmonə hodisə zəmonədə əyo hozzı bıə və qıləy dərk və şuurış bıə.əve Kərimə-Ğıroni təfsirəvonon veyni bın əğedədən ki.çəmə bədəmi uzvon həmə bın aləmədə inev şuur  və aqahətiş heste.harçənd çəvon elm iyən şuuri deçəmə aqahəti iyən şuuri qıləy farğış həm bıbu…….

Şəhidi nom ğıyoməti ruji şoydonsə əlovə,istilohədə bə ikəs ki,ıştə coni çı hədəfi royədə fido kardedə və bəştə mahbubi vusal iyən bəçəy rizo  rəseyro çı qırd maddi ləzzzətonku dast kəşeydə şomil beydə. həlbəttə ısət boçi bə Xıdo royədə kıştə bıə kəsi şəhid votedən,kali kəson bın bovədən ki,çun Xıdo iyən İlahi məlayikon bəy vəhıştədə şoydin və əvon həm bə ilahi neməton iyən kəroməton nazir və şoydin.əve bəvon şəhid votedən.