Bə İmom Xomeyni(r) siyosi əndişə ijən sənibəton nəzə kardey

Bə İmom Xomeyni(r) siyosi əndişə ijən sənibəton nəzə kardey

Imruj Xordadə manqi 14-ə ruj çı İron İslom Respublikə təsisəkə İmom Xomeyni(r) rehləti sivı seminə sorəqardışe.həzrət İmom Xomeyni(r) əsliyə təfəkkuri bınəonku qıləyni,həzrət Muhəmmədi(s) vardə İslomə dini tohidiyə nəzəon mehvər və əsos ğərol doey be və ım şuor çı “”Kəlimətullah hiyəl ulya” ayəku peqətə bıəbe ki ,ım həm çı Xıdo iyən çəy dini dıjdəti iyən barzəti nışonəy.qıləy əndişə ki,sekular iyən hışk və bə ağli zidd bıə İslomi rədd kardedə,ğəbul kardedəni və bə ədoləti əsos iyən hidoyətəkə və nicot tələb kardə islomi təkyə kardedə.İmom Xomeyni(r) çı insoni camiyə maddi iyən mənəvi inkişofon və jimoni mərhələon həmmədə bəşəriyyəti nicoti yeqanə ro,həzrət Muhəmmədi(s) vardə İslomə dini tohidiyə nəzəonədə vindedə və hamyedə:”İslom qıləy dine ki,de maddi fəoliyyəton tənzim kardey,roy bo insoni mənəvi barzətiro oj kardedə”.binobərin əslə İslomi zıney, əməni bə de sosyaL ƏDOLƏT,İNSONİYƏ TƏĞVO İYƏN İSTEDODON PUR BIƏ QILƏY CAMİYƏ TƏRƏĞĞİ SƏMT HİDOYƏT KARDEDƏ…..

Bə İlahi mədədon təkyə kardey.İmom Xomeyni(r) bə puç iyən maddi ğudrəton təkyə kardey əvəzi,ğoym iyən ciddiyə formədə bə Xıdovəndi əbədiyə ğudrəti təkyə kardedəbe və cananə formədə mandedəbe.çıro ki,bımi qıləy nığılə etığodış hestebe ki,Xıdovənd ıştə din iyən çəy himoyədoron hiçvaxti coyli nivobədoe və ikəs ki,Xıdo bəy koməkko,əv hiçvaxti məğlub nibəbe.ə həzrət de həmonə əndişə və təfəkkuri və de qıləy mehkəmə irodə çı həmonə rujon saxt və şiddətinə rujonku dəvardin.İmom Xomeyni(r) ıştə mıborizə həmmə devronədə və çəy bəpeştə həm səy kardedəbe çı Xıdo pəsənd kardə royku xaric nıbu və de ixlos iyən təğvo ıştə şəri vəzifəon bə vırə bırosno.hətto İslomi hukuməti təsis kardey və çəy fundamenti ğoym kardey və çı deşmınon məkrinə planon vəy qətey royədə bıə cihod və səyonku dastış nıkəşe və ımi boştə qıləy şəri vəzifə iyən bo dınyo ofəyə Xıdovəndi  roziyəti cəlb kardey məsələ hisob kardedəbe.ım bın mənoədə ni ki, İmom Xomeyni(r) bə milləti jimoni koon iyən bə iştimoyi,siyosi və ixtisodi məsələon qıləy dığğətış nıbe və sırfən de İslomi hukuməti təsis kardey iyən əy təsbit kardey məğsədi səy kardedəbe,bəlkəm bəçəvon həmmə komilə surətədə qıləy inoyət və məhəbbətış hestebe,əmmo de İslomi ğanun iyən hukmon  icro kardey təriğ iyən roy vositə….

Bə milləti etımod.Həzrət İmom Xomeyni(r) bəy de zumandə formədə rioyət kardə usul iyən prinsiponku qıləyni,çə həzrəti bə milləti ğudrəti peştıpurəti be və bə həmonə dəlili xoto bə Xıdovəndi ğeybi mədəon təkyə kardey bəpeştə,bə milləti peştıpur be və ıştəni yali vindedənıbe.ə həzrət çı camiyə qırd təbəğə ıştəku zıneydəbe və eyni holədə ıştəni həm çı camiyəku hisob kardedəbe və ım prinsip çı İmomi(ə) bə milləti dayimiyə peştıpurəti iyən çə həzrəti çı milləti miyono bıə mahbubiyyəti əsliyə dəlilonku qıləyni be.cumhuriyyət və respublikə nizomi əndişə hejo həmonə təfəkkuriku peqətə bıə be ki,ım nizom bə milləti məxsuse və millət çın nizomi əsliyə soybonin.bın təfəkkurədə məsul şəxson çı milləti xıdmətkoron hisob beydə və  İmom Xomeyni(r) milləti ixtiyor soybon zıneydəbe….