Rəhbəriyyəti nəzə.

Rəhbəriyyəti nəzə.

Ha sor İron İslom Respublikə təsisəkə Həzrət İmom Xomeyni(r) rehləti sorəqardışi əyyomədə çəy muxlis iyən salehə şoqird həzrət ayətullah Xameneyi çı İmom Xomeyniku(r) sıxanon votedə və jıqo həmonə mələkutiyə rufi tevsif kardedə ki, həmməkəs bə vəjd omeydə.”Buzurquvarə İmom(r) İSLOMİ RESPUBLİKƏ RUFE. ehanə ım ruf İslomi Respublikəku peqətey bıbu və bəy dığğət kardey nıbu,divo piyo qıləy rəsmi formədə baği bəmande”.

İslomi İnğılobi təsisəkə rehləti sorəqardışi sivı seminə mərosimədə həzrət ayətullah Xameneyi ibtido ıştə dıltanqətiyonkuş vote:çəmə fıl tanq bıəbe bo İmomi(r) və bp ın qamə məkoni ki,hasor İmom Xomeyni(r) pokə mərğədədə təşkil beydəbe.bə Xıdo şık kardedəm ki,ımsor ijən sənibəton ım məclis ım qam və de məno pur bıə məkon təşkil be.çımı ımrujnə bəhs çəmə buzurquvar iyən  əzizə İmomi(r) şəxsiyyəti cəhətonku bəbe……

Həzrət ayətullah Xameneyi nəzəku :İmom(r) fəğət zinə ruji imom nıbe.ımrujnə ruji imom həm heste.maşkinə ruji imom həm bəbe.çəmə ağılmand iyən cıvonə nəsl ki, ğərole çın inğılobi dıminə milli iyən inğılobi qəmi bəştə ehdə peqəton və çın kişvəri ayəndə və vəomə idorəkon,bə qıləy real və həyğiyə proqram təminoti ehtiyociş heste. Bo inğılobi səhihə şikildə bənav bardero lozıme ki,çın inğılobi roy,İron iyən ironi milləti bə ğullə oxo bırosno.ehtiyociş heste ki,qıləy komil iyən xotırcəmə proqram təminoti ki,bəy komək kardey bızıno.ım proqrami təminot ki,qıləy surət baxş kardey bızıno,koməkə bıbu və hətto qıləy zəmon təhəvvulofəyo,çı İmom(r) dərsonku iborəte.qıləy dərson ki,həm çı İmomi(r) sıxanonədə və həmən çı İmomi(r) rəftorədə nəve iyən pəydu kardey bəbe……

İslomi İnğılobi Yolə Rəhbər çı İmomi(r) şəxsiyyəti cəhəton de jıqo qıləy xuzu iyən xuşu bəyon kardedə ki,çə həzrəti ıştə nəfsi təmiz iyən pok kardə rufi bəyon kardedə.joqo ki,hamyedə:həyğətədə İnğılobi ısətnə nəsl məxsusən çəmə cıvonə nəsl əzizə İmomi(r) çok-çoki zıneydənin,dərk kardedənin.çı İmomi(r) əzəməti zıneydənin.İmomi(r) de bənə ım həğıri mığoyisə kardedən.qıləy holədə ki,fosilə iyən məsofə vey ziyode.qıləy astronomik və nucumi surətədə bıə fosilə.İmomi(r) şəxsiyyəti ironış bə ğullə oxoş rosne.

Həzrət ayətullah Xameneyi İmom Xomeyni(r) çı inğılobon torıxi həmməysə dıjdə inğılobi rəhbərış zıne və de dıqlə mısoriə məşhurə inğılob yəni de Fransə Dıjdə inğılob iyən Şurəvi inğılobon mığoyisə prosesi həxədə hamyeşone:ım dıqlə inğılob yəni Fransə iyən Şurəvi inğılobon har dıqləyni de milləti vəsilə səbarz bin.milləti əvonış bə səbarzəti rosneşone.əmmo həmonə inğılobon bə ğələbə rəsey bəpeştə, həni millət bin hiççi.həni millət bə kəno noey bin….nəticə ım be ki,ım dıqlə inğılob de surəti ıştə iminə milli məsir və royku mınhərif bıbon,beşon….