İlahi əsma və nomon

İlahi əsma və nomon

Qıləy muminə inson de Xıdovəndi Ğəvi ismi ıştəni dərostney bəzıne ki,Xıdovəndi mığobilədə ıştəni vey zəyif, zəlil  iyən həğırəti oxonə dərəcədə bıvindo.jıqo qıləy inson həmməysə bənav dərəseydən ki,hiç qıləy ğudrət iyən hərəkət xılğəti dınyoədə ğərəz de İlahi ğıvvə iyən ğudrəti bə əməl omeydəni və ım həmonə” la həvlə vəla ğuvvətə illa billahi” yəni ğərəz Yol iyən barzə məğaminə Xıdovəndi ğudrəti hiç qıləy ğudrət və zu mevcud ni-məfhume.səhihe ki,inson har qıləy ko deştə irodə iyən ixtiyori bə vırə rosneydə.əmmo əy bə vırə rosney ğudrəti Xıdovəndiku seydə.çoko ki,qıləy şəxs İmom Muhəmməd Bağıriku(ə) çı “la həvlə vəla ğuvvətə illa billahi”iborə məno barədə dəparseşe.ə həzrət çə şəxsi sıvoli cəvobədə hamyeşe:”əmə bo İlahi məsiyəti tərk kardero və Xıdovəndi itoətədə hiç qıləy ğudrət  ğərəz de Xıdovəndi tovfiğ iyən koməki nimone”.

Qıləy muminə inson ki,ıştə cismi ğəvi iyən zumand kardedə,bəştə rufi həm dığğət kardedə və ıştə imoni ziyod kardeyədə səy kardedə.de Ğəvi ismi ıştəni dərostneyro həmməysə çokə nımunə.İmom Əliyyibni Əbitolıbe(ə) ki,İlahi ismiku qıləy komilə cilvəy.ə həzrət Xeybəri canqi buhbuhə və miyono sipər çə həzrəti dastiku eqıniyədə ğalə bə bəçəy çəşi peqıniye və əvış çı bıno bekardeşe və de tosə canqi oxo rəsey bənə qıləy sipəri unvoni çəyku okoş doe.canqi oxoyədə həmonə bə vırə bə vırə kardey piyə həşt nəfər zumandə sərbozon əvışon bəçəy vırə noeyro səyışon karde.əmmo əvon əvışon bəçəy vırə noşon nızıne. peşonə çandə soronədə İmom Əli(ə) ıştə bə Səhl ibn Huneyfi`nıvıştə nomədə bın barədə nıvışteydə: ”vəllahi ma ....ğəssəm bə Xıdo az de cismoni tan iyən ğıvvə Xeybəri bəm benıkardeme  və çıl zira` (har qıləy zira` təğribən nim metr)bə dumo nışodome.bəlkəm ım ko de qıləy rufi vəsilə bə vırəm rosne ki, deştə pərvərdıqori nuri nuroni bıəbe”.həmçinin votey beydə ki,ğəvi iyən zumandə inson ikəse ki,ğəzəbi zəmonədə ıştəni kontrolko.torıxi kitobonədə nəğl bıə ki,İmom Əli(ə) Xəndəxi canqədə ərəbi həmməysə dıjdə pəhləvon bıə Əmr ibn Əbdavudış bəsə zəminəsə eğandeşe.əv ıştə umri oxonə ləzonədə bə həzrət Əli(ə) mıborəkə dimi ıştə qəvi ovış peşandeşe. İmom Əli(ə) bəsə poysə əyşte və canqi deşmıni kışteyku dastış kəse ta məbodə çəy kardə əməl iyən ko izərrə həm de şəxsi ğəzəbi umuj bıqıno......