De Imom Məhdi(əc) milod ruji mınosibəti
De Imom Məhdi(əc) milod ruji mınosibəti
De Imom Məhdi(əc) milod ruji mınosibəti
İlahi zəmini dimisə bıə donzəminə iyən oxonə imom iyən huccət həzrəte İmom Məhdi(əc) Hicri-Ğəməri 255-ə sori Şəbonə manqi nimə sıbdəmi zəmonədə Samirrə şəhrədə bə dınyo çəşış oj karde.de ə həzrəti təvəlludi çı dı əsr bənav Xıdo-Rəsul(s) iyən Məsumə İmomon(ə)tərəfiku bıə mıjdəvoni real be və bə həyğət rəse.joqo ki,ə həzrəton bə zəmini bərəkət baxş kardə çı qıləy zoə fərzəndi bəşorətışon doəbe.çəy nom çı peyğombəri(s) nom və çəy kunyə həm çı ə həzrəti kunyə be.(Muhəmməd və Əbul-Ğasım)revsiyə bıə ki,ğeybəti əsrədə ə həzrət de bənə Məhdi,Huccət,Sahibuz-Zəmon,Bəğiyyətullah,Ğayim,Xələfu Saleh və sayirə nomon ki,hesteşe vanq kardey bıbu.çə həzrəti əzizə pı nom İmom Həsən Əskəriye(ə) və çəy inə və moə nom həm Hərcise ki,çəy əsliyə nom Mələkə be.ın şə`nış barz bıə banu çı Rumi podşo və imperəturi kinə be və çə həzrəti de İmom Həsən Əskəri(ə) rabitə bastey iyən çı həzrəte İmom Məhdi(əc) təvəlludi çokonə bıey qıləy şin iyən məsəninə macəraş heste.....
Çın banu nom Mələkə be və çı Şərği Romə podşo və imperəturi kinə be.bayinki,saray iyən imperəturi kədə jimon kardedəbe,əmmo joqo pok iyən iffətin be ki,jıqo bızın de ım xanedani hiç qıləy nisbətış nıbe. bə izdivoci sini rəsə zəmonədə çəy pı çı Şərği Romə podşo və imperəturi ğeysər ya sezar qıləy əzəmətin iyən cəh-cəlolinə mərosimış tərtib və təşkilış doe ta əy bəştə bıvə zoə əğdi biyoy və deəy izdivocko. əmmo bə qıləy mecuzəvi hodisə təsiri xoto həmonə saray larze.bın zəmon hakəs ki,çı taxti piyo nıştəbe, bəsə zəminisə eqıniye.hejo imperətur iyən çəy bıvə zoə həm bəsə zəminisə eqınin.çı imperəturi yolə keşişonku qıləyni bəy voteşe:”ım əcibə hodisə Xıdo ğəzəbi nışonə və çın ayin iyən mərosimi bə oxo rəsey əloməte”.çəy bədiqə bənə ımi qıləy məclisış tərtib və təşkilış doe ta Mələkə dem ğeysəri coqlə bıvə zoonku qıləyni izdivocko.əmmo ın dəfə həm həmonə hodisə təkror be və həmmə kəs çı dəhşət iyən vəhşəti dılədə podşo sarayku xaric bin.imperətur vey norohət be və bə qıləy ğəmo-ğussə dıço be.əmmo çəy kinə Məleykə çın koyku vey şo və xoşhol be.
Həmonə şəvi Məleykə aləme-ruyadə be,vindeşe ki,de islomi azizə peyğombəri(s) təvəssuti de İmom Həsən Əskəri(ə) izdivoc kardedə və bəçəy əğd omeydə.çəy bəpeştə bə İmom Həsən Əskəri(ə) bıə eşğ iyən məhəbbət çı Məleykə dıl və ğəlbədə jıqo qıləy vırəş qəte ki,ım ko əvış çı hardemon iyən peşomoniku oqətışe.rujbəruj çəy hol zəyif iyən bevəc beydəbe.joqo ki,həkimon çəy çok bıeyku noumu və məyus bıəbin.
Nəhoyətən çəy sənıvışt iyən tale noməlumə surətədə de mısılmınon dasti əsir qətə bıə çı Rumi əsiron cəmədə ğərolış qəte.de İmom Həsən Əskəri(ə) fərmoni əv de Bişr ibn Suleymoni nomo bıə qıləy şəxsi təvəssuti hıryə be və bə Samirrə şəhri mıntəğil və ovoştıney be.
Nərcis xanımi çəş iləzə bə İmom Həsən Əskəri(ə) cəmoli eqıniyədə,dəvardə əcibə ruya və çəy de peyğombəri(s) bıə vindemon çəy xotırədə bəyji be.ısət çəy mığobilədə qıləy cıvon mandəbe ki,ıştə şinə hanədə əvış vindəbe və ıştə dılış bəy aspardəşbe.
Nərcis xanımi dıl zuloli eşğiku de tıp-tıpi jeydəbe və çı xəcolətiku ıştə səş saru qətəşbe.həmonə cıvoni ıştə dimış bəştə əmmə ya bibi bıə Həkimə xanımi səmt qəteşe və hamyeşe:”çəyku təəccıbi dılədəm.Həkimə xanımi voteşe:bə çiçi xoto?bəçəy xoto ki,ım qədə kinə qıləy fərzənd bə dınyo bəvarde ki,çı Xıdovənde-Xalıği vıjniyə kəse.qıləy zoə ki,de sıtəmi pur bıə zəmini de dod iyən ədoləti pur bəkarde......
Əzizə əməson!bə İmom Məhdi(əc) zuhuri etığod fəğət bə Şiyə məzhəbi məxsus ni.həmmə mısılmınon ısət çı şiyə bıbu ya sınniyon bın nəzədə ittifoğışon heste ki,dınyo oxonə devrədə qıləy devrə mevcud bəbe ki,bə zəmon aləmi qırd vıronədə yəni həm şərğ və həmən ğərbədə İlahi hukumət təşkil bəbe.hətto ğeyri-mısılmonon həm de qıləy surəti bə qıləy nicot baxşəkə munci iyən xiloskori etığodışon heste.əmmo şı şiyə imtiyoz bımədəy ki,çı bəşəriyyəti ım nicot baxşəkə şəxsiyyət deçəy nom iyən xısusiyyəton zıneydə və jıqo hisob kardedə və etığodış heste ki,ə həzrət çı Xıdo-Rəsuli(s) nəslikuye və dayima bo İlahi əmron ğəbul kardero hozzı mandə......
