Nəhcul-Bəlağə pand iyən hikməton-18

Nəhcul-Bəlağə pand iyən hikməton

Və Ğalə(ə):ləna həğğun.....boəmə qıləy həx heste.ehanə bəmə doey bıbu və jıqo nıbu bəsə şaturon kulisə suvar bəbemon iyən bəromemon,harçənd çəmə ro şıey şəvədə dıroz dəkəşo.

Çə nuktəonku qıləyni ki,mumkine boəmə həm bənav boy,qıləy zılme ki,cokəson bəmə kardedən.xeyli vaxton bə ıştəni mıdofiyə kardey saxtətiro mumkine inson zılm ğəbulko və zolım bıbu.

Əmirəl-Muminin Həzrət Əli(ə) hukmən ım nəzə ğəbul kardedəni.harçənd ə həzrət ıştən bo camiyə barzə məsləhət iyən dıjdə mənfəətiro ıştən zohirədə zılm ğəbulıko.peyğombəri(s) rehləti bəpeştə hukumət iyən xilofət çə həzrəti həx be,əmmo ə həzrət bo İslomi vəhdəti oqəteyro,sukutışon karde və hətto de çəy əvəzi çı xilofəti kursiyədə nıştə kəson həmkoətiş həm karde.əmmo ım bın mənoədə nıbe ki,ə həzrət bəştə ocizəti iyən zəyfəti xoto zılmış ğəbulı karde və məzlumiyyəti iftixor bızıno.çıro ki,Nəhcul-Bəlağə şəşminə xutbədə çoko ki,çı Cəməli fitnə bəvə beşe və çı təlhə iyən zubeyri hukuməti peqordıney planon oşko be,İmom Əli(ə) hamyeşe:”bə Xıdo ğəssəm! peyğombəri(s) bə həxı səmt şıə rujiku və Xıdovənd çəy conış təhvilı se,hejo bəştə həxı rəsey koyədə oqətey bıəm....

Həmçinin Nəhcul-Bəlağə 171-ə xutbədə jıqo omə:”qıləy ruj qıləy merd həmonə rujiqori camiyə həx nızınə iyən ğudrət tələbə cərəyoniku be,bəmı voteşe:Əbi Tolıbi zoə,tıni bə xilofəti nisbətədə həris iyən təməkor vindedəm.bəy voteme:şımə(bə xilofəti aşığ bıə kəson)boəy soyb beşeyro vey hərisiyon və çı Xıdo peyğombəriku bə diyəroyon və holın ki,mı rufi iyən cismi nəzəku bə ə həzrəti vey nezim və ıştə həxı tələb kardedəm ım şıməyon ki,çımı deçımı təbiiyə həxı miyono qıləy marz beydon və çəyku mıni nəhy kardedon.aya ıştə həxı tələb kardə kəs hərise?.yaan ki,bə cokəson həxı çəşış xıyə kardə?.....

Beşək Peyğombəre-Əkərmi(s) vəsi iyən canişinəti bə ə kəsi loyığe ki,mıxtəlif mənəvi cəhəto bəsə cokəsonə vey bə ə həzrəti qıləy şəbohətış bıbu və vey nez bıbu və Əmirəl-Muminin Həzrət Əli(ə) çın xısləton və imtiyozon soyb və xıvande.liza İmom Əli(ə) Nəhcul-Bəlağə vistı dıminə hikmətədə jqo hamyedə:”ləna həğğun....boəmə qıləy həx heste.ehanə bəmə doey bıbu və jıqo nıbu bəsə şaturon kulisə suvar bəbemon iyən bəromemon,harçənd çəmə ro şıey şəvədə dıroz dəkəşo.....

Yəni əmə qıləy həxımon heste ki,ehanə əy bəmə bıdon,vey çok bəbe.əmmo əgər nıdon,anədə bın məsir iyən royədə istiğomət iyən mığovimət nışon bədomon və bəştə roy dəvom bədomon ta əmə bəştə həxı bərəsemon.həyğətədə çı həzrət Əmirəl-Muminin Həzrət Əli(ə) tevsiyə ıme ki,boştə həxı bə dumo sıyero bəpe dırıst iyən məntıği şikilədə səy kardey bıbu.hətto ım de ziyodə saxti iyən muşkiloton həm bə ico bıbu....