Nəhcul-Bəlağə pand iyən hikməton-19

Nəhcul-Bəlağə pand iyən hikməton

Və ğalə(ə):min kəfaratuz-zunubil-izami.....dıjdə qınon kəfforəonku bə fəryod jıəkəson dodi rəsey və bə ğəmqinə şəxsi osoyiş baxşeye.

Xeyli vaxton de zəmoni dəvardy iyən sinni bəpe şeıy,əmə bəştə əməlon pərvəndə və nomə nəzə kardeyədə ıştə mırtəkib bıə qıno iyən xətoonku norohət beydəmon.çəmə dıli piyedəşe ki,ıştə noməye əmələdə həmonə fırsemon iyən xətoon pok və təmizkəmon.İmom Əli(ə) Nəhcul-Bəlağə vistı çominə hikmətədə boəmə qıləy hostonə həlli roş nışon doə.joqo ki,hamyedə:Və ğalə(ə):min kəfaratuz-zunubil-izami.....dıjdə qınon kəfforəonku bə fəryod jıəkəson dodi rəsey və bə ğəmqinə şəxsi osoyiş baxşeye.

Çoko ki,çı Əmirəl-Muminin Həzrət Əli(ə) kəlomiku oko doey beydə,bə sıtəm vində kəson dodi rəsey iyən çı dəmandə kəson jimonədə qıləy anqıli oj kardey,bə insoni qınon baxşey boyos beydə.ehanə inson bə qıləy qıno mırtəkib bıbu ki,çı milləti həxon sahədə və çoko bəvoteyn həğğun-nas nıbu,de jıqo əməlon bə vırə rosney,ıştə həmonə toykiyə pərvəndə və dosye ruşin kardey bəzıne.

İnsoni həmonə ıştə noməye-əməlon pok kardey məsələ min cumlə çə məsələonkuye ki,Kərimə-Ğıronədə həm bəy işorə kardey bıə.joqo ki,Furğani mıborəkə surə 70-ə şərifə ayədə çı tobə əkəyon həxədə jıqo omə:”fəulayikə yubəddilullahu səyyiatihim həsənat.ımon həmonə kəsonin ki,Xıdovəndi çəvon qınon bə həsənot təbdil kardedə”.

İmom Əli(ə) bın boho ğeymətinə hikmətədə çı məlhufi kəlməku oko doydə.məlhufi qıləy vəsi iyən ğeşə mənoş heste ki,bə har qıləy beçorə və məzlumə fərdi şomil beydə.məkrub həm bə har qıləy ğəmqinə şəxsi şomil beydə.

Bəle oxoyədə ın nuktə zikr kardey lozıme ki,İslomə dinədə bəyon bıə ki,de har qıləy şikil və formə bə har qıləy məzlum və sıtəm vində millət komək kardey,qınon kəfforə bıey bəzıne.....