Beniğobə Amerkə

Beniğobə Amerkə

Təğribən 15 manqi bədiqə Amerkə İbıə Şattonədə prezdentəti vıjnemon bərpo bəbe.təxminən penc manqi bədiqə həm prezdentəti vıjnemoni vəsə və mığəddimə koon dıqlə Demokrat iyən Respublikəçiyon partiyədə bərpo bəbe.de bə baği mandə zəmoni dığğət kardə holədə çın səçıni proqnozi kardey vey saxt və çətine.demiyən bə de tobə ısət bə əməl omə hodisəon nəzə kardeyədə,ın prosesi nəzədə qətey bəbe: de zumandə ehtımoli donald tramp çı Respublikəçiyon vəsə və mığəddimə vıjnemoni ğalib bəbe və de zumandə ehtımoli Co Bayden çı Demokraton tərəfiku çın vəsə və mığəddimə vıjnemoni səbarzə şəxs bəbe.illah ki,çın dıqlə namziədi noxəşəti ya bə kəno noey ko,coqlə ayəndə və vəomə ofəye bəzıne.ın ehtımol mevcude ki,donald tramp çı Respublikəçiyon vəsə və mığəddimə vıjnemoni ğalib bıey bədiqə, həmonə partiyə çı səbarzə namziədi peştədə vohidə surətədə nımandon və bə qıləy hartərəfinə daxili canqi dıço bıbon ki,bın surətədə de ziyodə ehtımoli çı 2024-ə sori səçıni nəticəon bə Demokrat partiyə təğdım bəkarde.çı trampi peştono qıləy vəhdət icod bıə holədə,bo Baydeni 2024-ə sori prezdentəti vıjnemonədə ğalib omey,vey saxt və çətin bəbe.ın ehtımon mevcude ki,Robert F Kennedi Cuniyor çı Demokraton vəsə və mığəddimə vıjnemonədə bo Baydeni muşkiloton icodko ki,bın surətədə 2024-ə sori səçınədə çı Respublikəçiyon səbarzəti şans ziyod bəbe.bın miyono bə nəzə rəseydəni  qıləy məhkəmə ya məhkəmə hukm bə trampi bın səçınədə bıə iştiroki mane bıbu,əve təbiyiye ki,çəy 2024-ə sori noyabrə manqi prezdentəti səçınədə səbarzəti ehtımol veye.bın surətədə ın sıvol bənav omeydə ki,aya məhkum bıə prezdent de prezdenti ixtiyoronku istifodə kardə holədə,ıştəni əfv kardey bəzıne?qıləy zəyifə ehtımol həm heste ki,çı Respublikəçiyon partiyə rəhbəron bə trampi ələyh beşon və əv,bə har qıləy dəlili əsos partiyə nomizədəti bə dast vardey nızıno.bın surətədə de ziyodə ehtımoli tramp qıləy seminə partiə ğəbul bəkarde ki,çəy ın hərəkət çı Respublikəçiyon ğalib omey şansi de şiddəti bəkam bəkarde.ın zəyifə ehtımol həm mevcude ki,tramp çı Respublikəçiyon nomizədəti kəsb kardey bədiqə,Robert F Kennedi Cuniyor ki,çı Demokraton daxilədə qıləy anti-sistem və dekonstruktiv şəxse,bənə vitse-prezdenti unvoni nomizədi  ıştəni təğdımko ta çı Baydeniku norozi bıə Demokraton rayon ibaxşi,bəştə səmt cəlbko…..

Qıləy nuyə parsemoni nəticəon nışonış doə ki,nəzə və ray doə kəson niməsə həm kamə insonon çı Co Baydeni muhimmə məsələon sahədə bıə funksiyə təyid iyən təsdlğ kardəşone.Harvard-Harris sıvoli şirkəton tərəfiku qıləy parsemon ki,iyulə manqədə bərpo be,nışonış doe ki,Amerkəvıjon niməsə kamə cəmyət yəni 42 fayiz kamə mıəyyənə dərəcədə çı Baydeni prezdentəti təsdığ kardedən.qıləy holədə ki, çəvon 55 fayiz  kamə mıəyyənə dərəcədə de Co Baydeni mıxolifətışon kardə..