Nəhcul-Bəlağə pand iyən hikməton-27

Nəhcul-Bəlağə pand iyən hikməton

Nəhcul-Bəlağə 31-ə hikmətədə Əmirəl-Muminin Həzrət Əli(ə) çı imoni ərkon iyən sutunon izoh doydə. bə imoni məsələ iyən bə çın hikməti komiləti dığğət kardə holədə,bə ın fik dəşimon ki,ın hikməti şəş ğısmətədə bəşmə xıdmət bırosnəmon.bın bərnomədə əmə bə ədoləti rukn və sutuni işorə kardedəmon.

Əmirəl-Muminin Həzrət Əli(ə) 31-ə hikmətədə kofiron həxı puşniyə və punhon kardə qıləy dastə hisob kardedə və çoqlə çi bə bo kufriro əsliyə mane və hicob elon kardedə və hamyedə:”vəlkufru əla ərbəi:kufr bəsə çoqlə sutunisə ğərolış qətə:səhfə irfon,təsəvvuf iyən meditasiya və interes,de həxı dışmenəti,bə həvopərəstəti səmt inhirof və kəcəti və inod iyən təəssıb”…..

İmom Əli(ə) bın hikmətədə bəsə imonisə əlovə,çəy maneəon iyən çı həxıku inhirofi amilon və harçi ki,çı insoni fiki mığobilədə ğərol qəteydə və bə həxı mışohidə kardey mane beydə,əvoni bəyon kardedə və har qıləyni izohədə jıqo hamyedə:”fəmən təəmməğə ləm ....əkəs ki,səhfə irfon,təsəvvuf iyən meditasiya və interesi roy bıqəto,hiçvaxti bə həxı səmt niobəqarde.

Təəmmuğiku mənzur iyən məğsəd çı həddiku ziyodə nəvemon kardeye.məxsusən qıləy koyədə ki,bəçəy rəğ-rişə rəsey muşkil ya ğeyri-mumkine.çoko ki,Mayidə mıborəkə surə 101-ə şərifə ayədə hamyedə:”ya əyyuhəlləzinə amənu...ha imon vardə kəson ha!çə koonku sıvol məkənən ki,ehanə boşımə oşko bıbu, şıməni bə zəhmət ebəğande və norohət bəkarde”.əmə zıneydəmon ki,Bəni-İsrayli qo dastoni macəraədə ki,çı Bəğərə mıborəkə surə sıftədə omə,təklif iyən vəzifədə bə nəvemon iyən sıvoli ziyodəti təsiri xoto, əvon ıştənışon bə fevğəladə zəhməti eğandeşone.

Əmirəl-Muminin Həzrət Əli(ə) çı “Tənazu”və çı kufri ərkon iyən sutunonku bıə de həxı mıborizə bardə kəson barədə jıqo hamyedə:”və mən kəsurə...əkəs ki,bəştə cəholəti təsiri xoto ziyodə canq və mınoğişəşon bıbu,çəy bə həxı nisbətədə bıə kuyəti poydor və sabit bəmande”....Tənazuku məğsəd iyo həmonə mıxtəlifə bəhsonədə cidol və mıbohisəy ki,havaxti dəvom pəyduko və har dıqlə tərəf bıpyişone ıştə sıxani bəçəy vırə bınıştovnon və bəsə cokəonsə barzəti dumo bıbon,tədricən həx çəvon nəzədə punhon və məxfi bəbe.vey bəçəş çiyə ki,hiç qıləyni çı bəhsi sıftədə bəştə votə sıxanon bovəşon nıbu, əmmo çı bəhs iyən cidoli dəvomədə qədə-qədə bovə kardedən ki,çəvon votə sıxanon hejo həxı ıştəne və çı tərəf mığobili sıxanon botıl iyən hədərəye.

İmom Əli(ə) peşonə baxşədə çı “Zəyi” barədə ki,bə həxı mərıfət pəydu kardey mane iyən bə şəkk və inhirofi boyis beydə,jıqo hamyedə:”və mən zağə....ikəs ki,həxə royku mınhərif bıbu(və ıştə həvaye-həvəson dumo bışo) çəy nəzədə çokətiyon bəd və bədə koon çok cilvə pəydu kardedə və bə zəloləti məstəti giriftor beydə”.zıneydəmon ki,havaxti inson çı həxıku dim bıqordıno,mınhərif bıbu və ıştə həvaye-həvəs iyən şəhvəton dılədə ğərğ bıbu,tədricən bə yavə koon adət kardedə və bəştə botıni meylon təsiri xoto,yavə           koon ğəşənq fik kardedə və bə çokə koonku bə diyəro mandey təsiri xoto,çokə koon çəy çəşədə bevəc və nopəsənd cilvə pəydu kardedə.

Peşo İmom Əli(ə) çı “Şiğaği” yəni həmonə de həxı dışmenəti kardə kəson inodkorəti yavə nəticəonku sıxan votedə və hamyedə:”və mən şağğə .....əkəs ki,de inodkorəti iyən ğəcbəsəti məşğul beydə,bə həxı rəsey roy boəy nohəmo beydə və çəy koon saxt iyən mırəkkəb beydə və qıləy saxtə vəzyətədə ki,çəyo xaric bıey muşkile,giriftor beydə” .əmə zıneydəmon ki,həxı zıney və bəy mərıfət pəydu kardey maneyəonku qıləyni,de həxı inodkorəti iyən dışmenəti kardeye.ləcocət və inodkorəti bə fərdi icozə doydəni ki,əv ıştə bemənoə təəssıb iyən səhfə mıhokiməonku dast bıkəşo.